Ля беларускай амбасады ў Летуве прайшоў пікет у падтрымку вязьняў калёніі «Віцьба-3»
Пра акцыю, што адбылася ў нядзелю, 25 лютага, распавёў у сваім блогу на пляцоўцы livejournal.com адзін зь яе ўдзельнікаў Аляксандар Лапшын. «Сёньня ў Вільні люты мароз, -15 градусаў і вецер. Але мы вольныя, і адразу пасьля пікету пойдзем у кавярню. А сябры ў беларускай турме замярзаюць у халодных камэрах, ходзяць на дзірку ў падлозе і мыюцца ледзяной вадой», – напісаў блогер.
Вырак брытанцу, абвінавачанаму ў арганізацыі незаконнай міграцыі, пакінуты бязь зьменаў
Цэлыя чатыры месяцы прамінулі з моманту абвяшчэньня прысуду грамадзяніну Вялікай Брытаніі Алану Полу Сьміту, аж пакуль Віцебскі абласны суд нарэшце не разгледзеў яго справу ў апэляцыйным парадку. У выніку рашэньне суду Глыбоцкага раёну пра пакараньне англічаніна двума гадамі зьняволеньня ў калёніі агульнага рэжыму пакінутае бязь зьменаў, і вырак цяпер набыў законную моц.
Брытанскі адвакат распавёў пра парушэньні правоў Алана Сьміта, пакаранага судом Глыбокага
Адвакат зь Вялікай Брытаніі Майкл Полак распавёў для чытачоў нашага сайту пра шэраг парушэньняў правоў свайго суайчыньніка, дапушчаных праваахоўнай, сьледчай і судовай сыстэмамі Беларусі.
Вырак англічаніну Алану Сьміту – 2 гады зьняволеньня
11 ліпеня ў судзе Глыбокага завяршыўся разбор крымінальнай справы пра незаконную міграцыю, у арганізацыі якой абвінавачваліся грамадзянін Вялікай Брытаніі Алан Сьміт і двое грамадзян Беларусі. Судзьдзя перакваліфікаваў абвінавачаньне ў дачыненьні да англічаніна з часткі 2 артыкулу 371¹ КК на больш мяккую частку 1 і прысудзіў яго да двух гадоў зьняволеньня ва ўмовах агульнага рэжыму.
У Глыбокім завяршаецца судовы разбор справы пра незаконную міграцыю
Кожны з падсудных, англічанін Алан Сьміт і двое грамадзян Беларусі, прамовіў сваё апошняе слова. Перад тым пракурор запатрабаваў для брытанскага падданага 6 гадоў зьняволеньня, для беларускіх грамадзян – па 5 гадоў. Судзьдзя абвясьціў перапынак да 10-й раніцы 29 чэрвеня.
Брытанскі падданы зрабіў заяву ў беларускім судзе
За восем месяцаў знаходжаньня за кратамі ў Беларусі Алан Сьміт упершыню змог зрабіць заяву. Празь перакладчыка. Заява ў Глыбоцкім райсудзе зацягнулася амаль на ўвесь дзень судовага разбору ў чацьвер, 8 чэрвеня. Сьміт зважыў на грубыя парушэньні беларускім сьледзтвам яго права на юрыдычную абарону і заявіў пра сваю невінаватасьць.
Дапамога ўцекачам у Беларусі – злачынства?
У судзе гораду Глыбокае працягваецца разгляд крымінальнай справы аб незаконнай міграцыі. У аўторак, 6 чэрвеня, у судзе пракурорам зачытваліся паказаньні сьведак і аглядаліся рэчавыя доказы. Адзін з падсудных, як мы паведамлялі раней, брытанскі падданы.
У Глыбокім распачаўся суд над грамадзянінам Вялікай Брытаніі
Апроч англічаніна Алана Пола Сьміта, на лаве падсудных апынуліся двое грамадзян Беларусі. Усіх траіх абвінавачваюць у арганізацыі незаконнай міграцыі, нібыта зьдзейсьненай групай асобаў паводле папярэдняй змовы. Згодна з часткай 2 артыкулу 371¹ Крымінальнага кодэксу абвінавачаным пагражае зьняволеньне тэрмінам ад трох да сямі гадоў.
Суд як адзіная магчымасьць для брытанскага падданага даказаць сваю невінаватасьць
Найбліжэйшым часам у Глыбоцкім раённым судзе адбудзецца разгляд справы грамадзяніна Вялікай Брытаніі Алана Сьміта. Зараз гэта адзіны брытанец ў Беларусі, у дачыненьні да якога расьсьледаваная і адпраўленая ў суд крымінальная справа. Тым ня менш ягоная жонка Магда Валінска ўпэўненая, што Алан ня зьдзейсьніў ніякага злачынства, і верыць у хуткае вызваленьне мужа.
Брытанцу – вязьню віцебскага СІЗА дазволілі спаткацца зь сястрою
Пасьля пяці месяцаў, праведзеных у СІЗА № 2 Віцебску, грамадзяніну Вялікай Брытаніі Алану Сьміту нарэшце дазволілі сустрэцца са сваякамі. На спатканьне зь Лёндану ў Віцебск прыехала яго сястра. Па завяршэньні спатканьня «Віцебская вясна» пагутарыла з Таней Сьміт. Наша гутарка адбывалася наўпрост у сьледчым ізалятары, у пакоі прыёму перадач.