Гэтымі днямі ў адной з віцебскіх арт-прастораў адбыўся бясплатны кінапаказ фільму Pride (“Гонар”) і дыскусія на тэму ЛГБТ. Гэта была першая сустрэча з шэрагу імпрэзаў, якія мае ладзіць у Віцебску новая моладзевая ініцыятыва CLOSET FREE.

Апублікавана ў Дыскрымінацыя

Пад слоганам «Розныя – роўныя» з 9 па 16 лістапада ў многіх гарадох Беларусі праходзіць тыдзень мерапрыемстваў супраць расізму і антысэмітызму. У Віцебску ў межах гэтай кампаніі 11 лістапада прайшла Жывая бібліятэка.

Апублікавана ў Дыскрымінацыя

Напярэдадні Сусьветнага дня барацьбы з гамафобіяй, які адзначаецца 17 траўня, у Віцебску прайшоў бясплатны паказ фільму «Кліч мяне сваім імем». Арганізатарам імпрэзы выступіла «Жывая бібліятэка». Ва ўтульнай залі арт-прасторы VZAP сабралася каля 20 маладых чалавек, галоўным чынам студэнтаў. Зь іх было толькі 2 хлопцы, астатнія дзяўчаты.

Апублікавана ў Рознае

У межах выязнога кінаклюбу, зьдзейсьненага праектам «Makeout», які прыбыў у Віцебск са сталіцы ўпершыню, быў паказаны амэрыканскі дакумэнтальны фільм Брэнды Гудман «Сэксуальная адукацыя». «Makeout» існуе ў Беларусі са студзеня 2014 году. Ён ажыцьцяўляе асьветніцкую і дасьледчую дзейнасьць, якая тычыцца гендэру, сэксуальнасьці і асаблівасьцяў іх праяў у нашай краіне.

Упраўленьне па наркакантролі і супрацьдзеяньні гандлем людзьмі УУС Віцебскага аблвыканкаму паведаміла актывістам Максіму Гайкову, Тацьцяне Быкавай і Алегу Квяцінскаму аб тым, што іх скарга адносна дзеяньняў праваахоўных ворганаў падчас рэйду на ЛГБТ-вечарыну ў клюбе “21 стагодзьдзе” разгледжаная. Першы намесьнік начальніка УУС Віцебскага аблвыканкаму ўдакладніў, што па факце скаргі была праведзеная праверка. У яе выніку высьветлілася, што 12 студзеня службовыя асобы ў віцебскім клюбе “21 стагодзьдзе” праводзілі “наступныя апэратыўна-пошукавыя мерапрыемствы: абсьледаваньне памяшканьняў, будынкаў, збудаваньняў, іх агляд з мэтай магчымага выяўленьня прыкмет злачыннай дзейнасьці, а таксама апытаньне грамадзян. Падчас названых пошуковых мерапрыемстваў праводзіўся відэазапіс”.

Апублікавана ў Рознае

На мінулым тыдні ў Віцебску адбылася прэзэнтацыя кнігі Ўладзіслава Гарбацкага “Фэмінізацыя беларускай мовы”. Арганізатарамі выступілі праваабарончы праект “ГейБеларусь” пры падтрымцы “Незалежнага кінаклюбу”.

Апублікавана ў Рознае

УУС Віцебскага аблвыканкаму ладзіць праверку па факце скаргаў, што паступілі ад Максіма Гайкова, Тацьцяны Быкавай і Алега Квяцінскага ў адказ на незаконныя дзеяньні супрацоўнікаў праваахоўных ворганаў падчас рэйду на ЛГБТ-вечарыну ў віцебскім клюбе «21 стагодзьдзе» ў ноч з 12 на 13 студзеня. Цяпер актывістаў пачалі выклікаць ва УУС у мэтах дачы тлумачэньняў па прад’яўленых імі скаргах ў пракуратуру.

Апублікавана ў Рознае

У ноч з 12 на 13 студзеня была ўчыненая аблава на наведвальнікаў віцебскага клюбу «XXI стагодзьдзе», дзе ў той час ладзілі вечарыну прадстаўнікі ЛГТБ-супольнасьці. Супрацоўнікі міліцыі і АМАПу ўварваліся ў клюб і запатрабавалі ад тых, хто знаходзіўся ў ім, стаць ля сьценкі, пасьля чаго распачалі праверку дакумэнтаў. Прысутных здымалі на відэакамэру. Сама меней трое наведвальнікаў вечарыны былі затрыманыя, іх лёс высьвятляецца.

Апублікавана ў Затрыманьні

У Віцебску адбылася інфармацыйная сустрэча праваабарончага праекту “ГейБеларусь”. З прычыны бясьпекі сустрэча ладзілася ў закрытым рэжыме. Але здымачнай групе парталу Dyjalog.info дазволілі ладзіць відэаздымкі - з умовай, што ў поле зроку відэакамэры ня трапяць тыя, хто хоча захаваць сваю ананімнасьць.

Апублікавана ў Акцыі