Журналісту Зьмітру Лупачу даслалі позву ў суд праз Viber
Глыбоцкія міліцыянты 5 сьнежня склалі чарговы пратакол паводле часткі другой артыкулу 22.9 КаАП на фрылянсэра Зьмітра Лупача. Позву журналісту даслаў на Viber капітан міліцыі, старшы інспэктар па дазвольнай рабоце аддзелу аховы правапарадку і прафіляктыкі Сяргей Цырбан.
Віцебчукі падтрымліваюць незалежных журналістаў
Кампанія «Станем за журналістыку» праходзіць 5 лістапада ў розных краінах сьвету пачынаючы з 2007 году. Ініцыятарам кампаніі, якая мае на мэце прыцягнуць увагу да пагрозаў, зь якім сутыкаюцца працаўнікі пяра і камэры, ёсьць Міжнародная фэдэрацыя журналістаў.
Віцебскі абласны суд не задаволіў скаргу журналіста з Глыбокага
Незалежны журналіст Зьміцер Лупач абскарджваў у Віцебскім абласным судзе рашэньне суду Браслаўскага раёну. Разгляд скаргі адбыўся 10 кастрычніка. Вынік разгляду: пастанова райсуду пра штраф у 36 базавых велічыняў (882 рублі) за парушэньне артыкулу 22.9 КаАП (незаконны выраб і распаўсюд прадукцыі СМІ) пакінутая бязь зьменаў.
Тролі ў дзеяньні. У інтэрнэце зьявіўся абразьлівы фэйк ад імя віцебскай журналісткі
Чарговай мішэньню невядомых, якія праз сацыяльныя сеткі спрабуюць скампрамэтаваць актывістаў Віцебску, сталася сябра аргкамітэту партыі БХД, журналістка-фрылянсэрка Алена Шабуня. Скрыншот допісу, які нібыта быў зроблены з акаўнту Алены, зьявіўся ў Фэйсбуку 23 жніўня на старонцы "Саша Пятроў".
Віцебскі абласны суд не задаволіў скаргу незалежнага журналіста з Глыбокага
11 ліпеня ў Віцебскім абласным судзе судзьдзя Ірына Смалякова разгледзела адразу дзьве касацыйныя скаргі незалежных журналістаў на рашэньне суду Глыбоцкага раёну – Зьмітра Лупача і Тацяны Смоткінай. Апошняя на разбор сваёй скаргі прыбыць не змагла, і ёй судзьдзя паменшыла штраф на 10 базавых. Пакараньне ж Зьмітру, які на суд у Віцебск прыехаў, засталося нязьмененым.
Віцебская пракуратура ўзнавіла справу пра абразы журналістаў па скарзе Ўладзімера Лунёва
Віцебскі сябра Беларускай асацыяцыі журналістаў Уладзімер Лунёў здолеў дамагчыся, каб аддзел унутраных справаў адміністрацыі Кастрычніцкага раёну паўторна заняўся расьсьледваньнем акалічнасьцяў зьяўленьня і распаўсюду відэароліка, у якім невядомыя абражаюць журналістаў і відэаблогерку Алену Янушкоўскую.
Віцебскі журналіст скардзіцца на супрацоўнікаў міліцыі
Сябра Беларускай асацыяцыі журналістаў Уладзімер Лунёў зьвярнуўся ў абласное ўпраўленьне ўнутраных справаў і ў гарадзкую пракуратуру Віцебску са скаргай на дзеяньні супрацоўнікаў Кастрычніцкага РАУС. На ягоную думку, міліцыянты ўхіліліся ад абароны яго правоў і законных інтарэсаў, спыніўшы справу аб адміністрацыйным правапарушэньні ў дачыненьні да невядомых аўтараў паклёпніцкага відэа, разьмешчанага ў інтэрнэце.
Журналістку Тацяну Смоткіну пакаралі штрафам за сацыяльны сюжэт
Судзьдзя Докшыцкага райсуду Вячаслаў Елісеенка 31 траўня прысудзіў 30 базавых велічыняў (735 рублёў) штрафу журналістцы з Глыбокага Тацяне Смоткінай. Журналістка была аштрафаваная паводле часткі 2 артыкулу 22.9 КаАП за матэрыял “Вываз сьмецьця – паслуга абавязковая”, які быў разьмешчаны на сайце “Беларускага Радыё Рацыя”.
Рэдактар «Вольнага Глыбокага»: Папяровыя газэты праіснуюць яшчэ 10-15 гадоў
У Сусьветны дзень свабоды прэсы, які штогод адзначаецца 3 траўня, «Віцебская Вясна» папрасіла рэдактара адзінай зарэгістраванай на Віцебшчыне недзяржаўнай грамадзка-палітычнай газэты «Вольнае Глыбокае» Ўладзімера Скрабатуна на прыкладзе ўласнага выданьня прасачыць лёс папяровых незалежных СМІ на Беларусі.
Пошукі праўды ў Віцебскім абласным судзе для журналістаў «Белсату» скончыліся па-рознаму
25 красавіка выдаўся для судзьдзі Віцебскага абласнога суду Сьвятланы Івановай насычаным – за адзін дзень яна змагла правесьці два судовыя паседжаньні. Рашэньні былі прынятыя па скаргах журналістаў-фрылянсэраў Алены Шабуні ды Вячаслава Лазарава зь Віцебску і Зьмітра Лупача з Глыбокага. Калі першае разьбіральніцтва ішло цягам дзесяці хвілін, то на другое хапіла дзьве.