Уладзімер Арлоў у Віцебску: Гісторыя робіцца ідэалёгіяй толькі ў таталітарным грамадзтве
Вядомы беларускі пісьменьнік Уладзімер Арлоў наведаў 25 верасьня Віцебск, дзе прэзэнтаваў чытачам свае новыя кнігі – “Паручнік Пятровіч і прапаршчык Здань” і “Танцы над горадам”. Сустрэчы адбыліся ў Віцебскай абласной бібліятэцы і арт-пабе “Торвальд”.
Прадпрыемства “Полацак-Шкловалакно” ўвайшло ў склад СЭЗ “Віцебск”
Прадпрыемства “Полацак-Шкловалакно” зарэгістраванае ў якасьці рэзыдэнта СЭЗ “Віцебск”. Пра гэта 17 верасьня паведаміла прэс-служба Свабоднай эканамічнай зоны (СЭЗ) “Віцебск”.
Пачалося банкруцтва яшчэ аднаго райпа на Віцебшчыне
Эканамічны суд Віцебскай вобласьці 30 жніўня пачаў конкурсную вытворчасьць па справе аб банкруцтве Полацкага раённага спажывецкага таварыства. Працэдура банкруцтва была ініцыяваная самім даўжніком, паведамляюць «Народныя навіны Віцебску».
У Полацку прайшоў хрысьціянскі летнік для дзяцей з асаблівасьцямі разьвіцьця
Ужо дзявяты год запар летнік для дзяцей з асаблівасьцямі псыха-фізычнага разьвіцьця ладзяць у Полацку прадстаўнікі Хрысьціянскага валянтэрскага руху сьв. Мікалая. З 13 па 19 жніўня два дзясяткі хлопчыкаў і дзяўчынак, якія прыехалі ў асноўным зь Віцебску, удзельнічалі ў розных гульнях, конкурсах і віктарынах, а таксама ў супольнай малітве. Летнік праходзіў на ўскраіне гораду ў прыватнай хаце пры Беларускай грэка-каталіцкай царкве.
Колькі зь 1 верасьня будзе каштаваць навучаньне ў віцебскіх ВНУ
Зь 1 верасьня зноў падвышаюцца кошты на навучаньне ў вышэйшых навучальных установах для студэнтаў-платнікаў. Гэтак, віцебскія ВНУ падвысілі гадавы кошт навучаньня ў сярэднім на 300-400 рублёў.
Мінкультуры адказала на прапанову забараніць на канцэртах фанаграмы
Ніякіх радыкальных перамен і забаронаў “фанэры” не чакаецца. Але першая намесьніца міністра культуры Ірына Дрыга паабяцала аўтарам пэтыцыі “За жывы гук” “узмацніць кантроль” і разабрацца з сытуацыяй, якая склалася на фэстывалі нацыянальных культур. Пры выкарыстаньне фанаграм на канцэртах “Славянскага Базару” ў Віцебску – ані слова.
У Полацку арыштавалі маёмасьць суполкі Свабоднага прафсаюзу
Судовыя выканаўцы 18 ліпеня арыштавалі частку маёмасьці Свабоднага прафсаюзу Беларускага з офіса першаснай арганізацыі працоўных заводу “Полацак-Шкловалакно”. Патрабаваньні да прафсаюзу выстаўленыя адміністрацыяй прадпрыемства і зьвязаныя зь вяртаньнем судовай пошліны за разгляд справы пра забарону страйку. Арыштаваная і забраная маёмасьць ацэненая ў 85 рублёў.
Дыплямат зь Нідэрляндаў наведаў Полацак. Сустракаўся з актывістамі прафсаюзу
Часовы павераны ў справах Каралеўства Нідэрляндаў у Рэспубліцы Беларусь спадар Паўл ван Oоствэйн працягвае падарожнічаць па Віцебшчыне. 18 ліпеня дыплямат сустрэўся з полацкімі прафсаюзнымі актывістамі Віктарам Стукавым і Міколам Шарахам.
Былая работніца «Шкловалакна» спрабуе праз суд дамагчыся кампэнсацыі за страту здароўя
Пазоўную заяву Алены Палаўчэні наконт выплаты кампэнсацыі за атрыманае прафзахворваньне на ААТ «Полацак-Шкловалакно» суд гораду Полацку пачаў разглядаць тры месяцы таму. 5 ліпеня было прынятае чарговае рашэньне пра прыпыненьне працэсу: жанчыне прапанавана нанова прайсьці мэдычны агляд. Працаўніца зьбіраецца абскарджваць гэтае рашэньне, вынесенае судзьдзёй Ірынай Даротка.
“За жывы гук”. Ці трэба ў Беларусі забараніць выкананьне “пад фанэру”?
За месяц да адкрыцьця “Славянскага базару ў Віцебску” ў інтэрнэце зьявілася пэтыцыя “За жывы гук”. Яе аўтары заклікаюць унесьці зьмены ў заканадаўства Беларусі, каб забараніць выкарыстаньне “фанаграмаў гукавога запісу на ўсіх культурных мерапрыемствах падчас музычных выступаў”. “Выступаюць яны – сорамна нам”, – сьцьвярджаюць аўтары.