Акцыі ў падтрымку вязьня Алега Сянцова, які з 14 траўня галадае ў расейскай папраўчай калёніі «Белы мядзьведзь» у горадзе Лабытнангі (Ямала-Нянецкая аўтаномная акруга), праходзяць 1 і 2 чэрвеня ва ўсім сьвеце. Не засталіся ўбаку і жыхары Віцебску.

Старшыня руху «За свабоду» Юрась Губарэвіч правёў 27 траўня чарговую сустрэчу з прадстаўнікамі ўсходняй Віцебшчыны. Абмен думкамі і наладжваньне рэгулярнай камунікацыі паміж кіраўніцтвам і рэгіянальнымі актывістамі – важны элемэнт зваротнай сувязі.

Надоечы лекар-псыхіятар Ігар Пастноў, вядомы сваёй крытыкай мясцовых уладаў, разьмясьціў у сеціве шэраг эмацыйных тэкстаў і відэазваротаў, у якіх паведаміў, што супраць яго можа быць распачатая крымінальная справа. Паводле Пастнова, 18 траўня ў ягонай кватэры прайшоў ператрус, а ён сам быў апытаны сьледчымі адносна датычнасьці да выдаваньня дзяржаўных сакрэтаў, якія могуць нанесьці шкоду Рэспубліцы Беларусь.

Вінцук Вячорка, адзін з распрацоўшчыкаў сучаснай вэрсіі беларускага клясычнага правапісу і вядомы беларускі мовазнаўца, а таксама журналіст, правёў у Эўрапейскім клюбе прэзэнтацыю сваёй новай кнігі «Не сьмяшыце мае прыназоўнікі».

20 траўня ва Ўсьпенскім саборы Віцебску ў межах акцыі «Белая кветка» прайшоў бясплатны майстар-кляс па перазвоне. Сама акцыя насіла дабрачынны характар. Усе грошы, атрыманыя ад продажу вырабаў ручной працы, павінны пайсьці на дапамогу цяжкахворым дзецям. Узяць удзел у акцыі і майстар-клясе мог кожны ахвотны.

Напярэдадні Сусьветнага дня барацьбы з гамафобіяй, які адзначаецца 17 траўня, у Віцебску прайшоў бясплатны паказ фільму «Кліч мяне сваім імем». Арганізатарам імпрэзы выступіла «Жывая бібліятэка». Ва ўтульнай залі арт-прасторы VZAP сабралася каля 20 маладых чалавек, галоўным чынам студэнтаў. Зь іх было толькі 2 хлопцы, астатнія дзяўчаты.

Віцебскія дзевяціклясьнікі Павал і Сяргей 19 траўня вырашылі замерыць рэйтынг Лукашэнкі, паведамляе Радыё Свабода. Хлопцы выйшлі з плякатам «Пасыгналь, калі супраць Лукашэнкі» на Маскоўскі праспэкт, каб паназіраць, ці часта ім будуць сыгналіць кіроўцы.

15 траўня ў арт-прасторы VZAP прайшоў сэмінар «Міграцыя на пальцах», праведзены Беларускай праваабарончай арганізацыяй Human constanta. Асноўнымі напрамкамі дзейнасьці арганізацыі зьяўляюцца супрацьдзеяньне дыскрымінацыі, правы і свабоды ў лічбавую эпоху, фундамэнтальныя правы ўцекачоў і мігрантаў. Менавіта дзякуючы сваёй працы з уцекачамі Human constanta атрымала найбольшую вядомасьць.

У межах ініцыятывы «Добрая нагода» 3 траўня адбылася чарговая сустрэча віцебскіх актывістаў. Мерапрыемства ладзіцца ў фармаце так званага грамадзкага кафэ, якое дазваляе кожнаму ўдзельніку выказваць свае меркаваньні і весьці адкрытую дыскусію. Тэма, як правіла, загадзя ня абвяшчаецца, а фармуецца падчас сустрэчы.

Як высьветлілася, людзей, якія захапляюцца кнігамі Ўладзімера Арлова, у абласным цэнтры шмат. Перапоўненая заля ледзь магла зьмясьціць усіх прыхільнікаў творчасьці вядомага беларускага пісьменьніка, паэта і гісторыка.