“Заслугоўвае ўвагі”. У Віцебску зьявяцца ўсё ж шыльды з гістарычнымі назвамі вуліц?..
Актывісты “Альтэрнатывы” абскардзілі ў Віцебскім аблвыканкаме адмову гарадзкіх уладаў разьмясьціць у цэнтры Віцебску шыльдачкі з гістарычнымі назвамі вуліцаў. У аблвыканкаме да ідэі паставіліся больш прыхільна. У адказе на скаргу паведамілі, што “дадзеная прапанова можа быць рэалізаваная пасьля грунтоўнай дапрацоўкі”.
Віцяблянін напісаў гнеўны камэнтар – на яго завялі справу за абразу ўладаў
Мужчына пракамэнтаваў пост у сацсетцы “ВКонтакте” пра тое, што ў Віцебску плянуюць пабудаваць яшчэ адну лядовую пляцоўку і басэйн. У камэнтары вельмі жорстка прайшоўся па асобах віцебскага мэра і “губэрнатара”. Супраць віцябляніна распачалі крымінальную справу за абразу прадстаўніка ўлады (арт. 369 КК), інфармуе прэс-служба УУС Віцебскага аблвыканкаму.
Эканаміст Яраслаў Раманчук ня выключыў, што мог бы ўзначаліць Віцебскую вобласьць
Днямі вядомы беларускі эканаміст Яраслаў Раманчук правёў у Віцебску сустрэчу зь мясцовымі бізнэсоўцамі – сябрамі “Асацыяцыі наймальнікаў і прадпрымальнікаў”. Пасьля імпрэзы карэспандэнт “Віцебскай Вясны” задаў Раманчуку некалькі пытаньняў.
“У нашай мэдыцыны – жаночы твар”. У Віцебску адкрылі новую паліклініку - фота
У віцебскім мікрараёне “Поўдзень-7” урачыста адкрылі новы і доўгачаканы паліклінічны цэнтар. На адкрыцьцё паліклінікі ў Віцебск прыехаў прэм’ер-міністар Сяргей Румас. Імпрэза адбылася 7 сакавіка. Паліклініку будавалі 12 гадоў...
Па-за кампэтэнцыяй. Мінкульт адказаў Севярынец наконт перайменаваньня бібліятэкі
Напрыканцы лютага актывістка БХД Тацяна Севярынец абскардзіла ў Міністэрстве культуры адмову Віцебскага аблвыканкаму разглядаць пытаньне аб наданьні імя Васіля Быкава Віцебскай абласной бібліятэцы. І вось які адказ атрымала зь Мінкульту.
“Беражыце сябе!” Бацькі асуджаных па арт. 328 раздавалі ў Віцебску ўлёткі
У Міжнародны дзень барацьбы з наркаманіяй і наркабізнэсам, які адзначаецца 1 сакавіка, віцебскія актывісты “Руху маці 328” інфармавалі гараджан аб небясьпецы ўцягваньня школьнікаў і моладзі ў наркабізнэс у якасьці кур’ераў інтэрнэт-крамаў.
За бібліятэку імя Быкава замест “ленінкі”: Тацяна Севярынец напісала ў Мінкульт
Актывістка БХД Тацяна Севярынец абскардзіла адказ Віцебскага аблвыканкаму на калектыўны зварот аб перайменаваньні віцебскай “ленінкі” ў бібліятэку імя Васіля Быкава. Просіць міністэрства паспрыяць у вырашэньні гэтага пытаньня. Нагадаем, Віцебскі аблвыканкам адмовіўся нават разглядаць прапанову – праз “адсутнасьць адзінага падыходу”.
Косінец, Шарстнёў, Рыбка?.. Каго віцябляне выбралі б “губэрнатарам”
У суполцы “Тыповы Віцебск” у сацыяльнай сетцы “УКантакце” зладзілі апытанку “Каго б вы хацелі бачыць губэрнатарам Віцебскай вобласьці?” Найбольшая колькасьць удзельнікаў аддала сваё галасы экс-старшыні Віцебскага аблвыканкаму Аляксандру Косінцу. Цяперашні “губэрнатар” Мікалай Шарстнёў атрымаў усяго 4%.
Віцебскі аблвыканкам зьмяніў сацстандарты: інтэрнэт, дактары, хуткая дапамога
Віцебскі аблвыканкам унёс зьмены ў сацыяльныя стандарты абслугоўваньня насельніцтва Віцебскай вобласьці. Зьмяненьні тычацца нарматываў забясьпечанасьці грамадзян дактарамі агульнай практыкі, брыгадамі хуткай мэдычнай дапамогі і паслугамі шырокапалоснага інтэрнэту.
Абласны кіраўнік БНФ патрабуе ад губэрнатара не зьнішчаць гістарычны цэнтар Віцебску
Пытаньне меркаванага будаўніцтва ў Віцебску Палаца шлюбаў набыло палітычную афарбоўку. У справу ўступілі апазыцыянэры. На думку старшыні Віцебскай абласной рады партыі БНФ Кастуся Смолікава, палац можа нанесьці шкоду гістарычнаму цэнтру гораду, у сувязі з чым ён накіраваў скаргу старшыню абласнога выканаўчага камітэту Мікалаю Шарстнёву.