Пенсіянера Чэслава Салодкага аштрафавалі за ўдзел у шэсці і сцяг на мядзведзі
5 студзеня суд Кастрычніцкага раёну пакараў 66-гадовага віцябляніна Чэслава Салодкага штрафам у памеры 12 базавых велічынь за ўдзел у вулічным шэсці і ў несанкцыянаваным пікетаванні (ч.1 арт. 23.34 КаАП). Удзельнікам пікетавання мужчыну прызналі толькі праз тое, што ўвечары ён прагульваўся міма дэкаратыўнай скульптуры мядзведзя, на якім быў нібыта накінуты бел-чырвона-белы сцяг…
Супрацоўнікі МУС не здолелі даказаць віну Таццяны Філімонавай. Справу спынілі
Тры паседжанні спатрэбілася суду Кастрычніцкага раёну Віцебску, каб разабрацца ў акалічнасцях адміністрацыйнай справы ў дачыненні да віцяблянкі Таццяны Філімонавай. Яе вінавацілі ў парушэнні заканадаўства аб масавых мерапрыемствах. 27 лістапада у сувязі з недаказанасцю яе вінаватасці суддзя Царыкаў справу спыніў.
Віцяблянам, якія паклалі дзве ружы на прыступкі УУС, прысудзілі «суткі» і папярэдзілі
Суд Кастрычніцкага раёну Віцебску пакараў адміністрацыйным арыштам і папярэджаннем жыхароў абласнога цэнтру Таццяну Арэх і Яўгена Іванова за ўскладанне кветак на прыступкі будынку ўпраўлення ўнутраных спраў аблвыканкаму. Суд прызнаў іх вінаватымі ва ўчыненні несанкцыянаванага пікетавання (арт. 23.34 КаАП).
Сафію Цярэнцьеву аштрафавалі на 675 рублёў. Суд прайшоў амаль у закрытым рэжыме
Каб падтрымаць актывістку, у суд Кастрычніцкага раёну Віцебску 12 лістапада прыйшло некалькі дзясяткаў чалавек. Але суддзя Уладзімір Царыкаў вырашыў праводзіць працэс у сваім кабінеце, куды змаглі патрапіць толькі некалькі слухачоў.
Вядомага гітарнага майстра Аляксандра Баярына пакаралі за ўдзел у шэсці штрафам
Аляксандр Баярын – вядомы ў Віцебску стваральнік унікальных гітар. 25 кастрычніка ён далучыўся да шэсця грамадзян, якія мірна пратэставалі супраць міліцэйскага гвалту і беззаконня ў краіне. Мужчына прайшоў у калоне ўсяго ад плошчы Леніна да плошчы Свабоды, аднак патрапіў у кадры міліцэйскіх відэаздымак. На яго завялі адміністрацыйную справу, якую 5 лістапада разгледзеў суд Кастрычніцкага раёну.
Пачаўся працэс над 18-гадовай Сафіяй Цярэнцьевай. У справе з'явіўся другі пратакол
18-гадовая віцяблянка Сафія Цярэнцьева 29 кастрычніка зладзіла ў падтрымку рэпрэсаваных студэнтаў адзіночны пікет. У той жа дзень дзяўчына была адлічаная з тэхналагічнага каледжа, яе затрымалі і змясцілі ў СІЗА, дзе правяла трое сутак. 4 лістапада адміністрацыйную справу (ч.3 арт. 23.34 КаАП), заведзеную ў дачыненні Цярэнцьевай, пачаў разглядаць суд Кастрычніцкага раёну Віцебску.
Без доказаў: выкладчыцу юрыдычнага факультэту ВДУ аштрафавалі на 324 рублі
28 кастрычніка суд Кастрычніцкага раёну Віцебску аштрафаваў выкладчыцу юрыдычнага факультэта ВДУ Святлану Вашэцькову на 12 базавых велічынь па водле арт. 23.34 КаАП. Ніякіх істотных доказаў яе ўдзелу ў мірнай акцыі не было. Справу разглядаў суддзя Уладзімір Царыкаў.
Супрацоўніцу «Віцебскаблсаюздруку» аштрафавалі на 648 рублёў за ўдзел у вулічным шэсці
Суд Кастрычніцкага раёну Віцебску 21 кастрычніка пакараў штрафам у памеры 24 базавыя велічыні віцяблянку Наталлю Перунову. Яе прызналі вінаватай ва ўдзеле «у несанкцыянаваных вулічных шэсцях» 6 і 23 верасня. Жанчына працуе на прадпрыемстве «Віцебскаблсаюздрук», прадае газеты ў шапіку, яе заробак у два разы меншы за прысуджаны штраф.
Штрафы за ўдзел у мірных пратэстах: Тамілаву – 16, Барсуковай – 25, Цярэнцьевай – 2 базавыя велічыні
У судах Кастрычніцкага і Першамайскага раёнаў Віцебску 9 кастрычніка разглядаліся адміністрацыйныя справы ў дачыненні ўдзельнікаў мірных маршаў. Віцябляне Аляксей Тамілаў, Юлія Барсукова і Сафіі Цярэнцьевай былі прызнаныя вінаватымі ў правапарушэнні паводле арт. 23.34 КаАП і аштрафаваныя.
Удзельніцу шэсця супраць таемнай інаўгурацыі аштрафавалі на 324 рублі.
6 кастрычніка ў судзе Кастрычніцкага раёну Віцебску прайшло некалькі судовых паседжанняў па адміністрацыйных справах паводле артыкулу 23.34 КаАП. Вынікі былі рознымі: віцяблянку Алену Жыхарскую аштрафавалі на 12 базавых велічынь, а справа Юрыя Клепікава была спыненая.