Лекар-хірург, празь нядбайства якога пацярпела дзіця, 6 студзеня прысудам суду Полацку і Полацкага раёну асуджаны на 2 гады абмежаваньня волі за неналежнае выкананьне прафэсійных абавязкаў.

Падчас падвядзеньня вынікаў 2016 году Беларуская асацыяцыя журналістаў адзначыла добрую арганізацыю працы філіяў БАЖ у Віцебскай вобласьці. Дыплёмамі БАЖ былі ўганараваныя актывісты трох раённых арганізацыяў Віцебшчыны: Глыбоцкай, Полацкай і Віцебскай. Прычым Віцебскае аддзяленьне БАЖ ужо другі год запар становіцца пераможцам сярод усіх суполак Беларускай асацыяцыі журналістаў.

Выпадак здарыўся ў Полацку. Міліцэйская машына прыпаркавалася каля крамы на стаянцы, прызначанай для кіроўцаў з абмежаванымі магчымасьцямі. Грамадзянін, што праходзіў побач, зрабіў заўвагу кіроўцу і сфатаграфаваў міліцэйскі УАЗ на стаянцы для аўтамабіляў з апазнавальным знакам «інвалід». Пасьля чаго грамадзянін быў затрыманы і дастаўлены ў пастарунак міліцыі.

Чатыром сем'ям, якія жылі ў напаўразбураным будынку № 37 на вуліцы Эўфрасіньні Полацкай у Полацку, выдзелілі кватэры ў іншых дамох гораду. Навіну паведамілі самі жыхары, усьцешаныя шчасным зыходам справы.

У Полацкім раёне 12 лістапада адбыўся чарговы суботнік. Мясцовыя ўлады абавязалі прадпрыемствы правесьці яго зь пералічэньнем заробленага на рахунак КУП «ЖКГ г. Полацку». Напярэдадні мерапрыемства Свабодны прафсаюз, які дзейнічае на ААТ «Полацак-Шкловалакно», зьвярнуўся ў райвыканкам з заявай пра недапушчэньне прымусовай працы падчас правядзеньня суботнікаў.

Створаны арганізацыйны камітэт па падрыхтоўцы і правядзеньні Дня беларускага пісьменства, які адбудзецца ў Полацку 3 верасьня 2017 году. Адпаведная пастанова прынятая 1 лістапада 2016 году, паведамляе сайт Савету Міністраў Рэспублікі Беларусь.

У дзень памінаньня продкаў 2 лістапада ў прыгарадзе Полацку адбылося дзьве памінальныя службы каля памятных крыжоў, усталяваных у паселішчах Струньне і Бельчыца.

Дырэкцыя ААТ «Полацак-Шкловалакно» паспрабавала была зьняць з рэгістрацыі ў органах улады заводзкую першасную арганізацыю Свабоднага прафсаюзу. Але задуманае не ажыцьцявілася: закрыць Свабодны прафсаюз на прадпрыемстве не ўдалося.

20 кастрычніка ў Полацку адбылася прэзентацыя двухтомніка «Полацкія граматы XIII – пачатку XVI ст.». У выданьне ўвайшлі 12 новых тэкстаў, якія раней не публікаваліся.

Жыхары Полацку сьцьвярджаюць пра трапляньне аміяку ў гарадзкую каналізацыю, МНС гэта абвяргае.