Чатыры гады таму браты Мішурныя зь вёскі Копці Віцебскага раёну знайшлі ў лесе парэшткі чырвонаармейцаў і атрымалі за гэта падзяку ад міністра абароны. Але праз некаторы час – за тое ж самае! – былі аштрафаваныя на 2 млн. рублёў. У пошуках справядлівасьці напісалі сёлета міністру Раўкову, але той адказаў фармальнай адпіскай…

Ваенны камісар Віцебскай вобласьці палкоўнік Руслан Шкодзін паведаміў, што летась у войска пайшло на 333 чалавека менш, чым было заплянавана. “Сёлета сытуацыя чакаецца яшчэ горш”, – цытуе ваенкома абласная газэта “Витебские вести”.

Прэс-служба Міністэрства абароны распаўсюдзіла паведамленьне пра гібель 21 верасьня ў адной з вайсковых частак на тэрыторыі Віцебскай вобласьці вайскоўца тэрміновай службы.