Георгію Станкевічу пагражае штраф за “самвыдат”
Настаўніка, актывіста руху «За свабоду» Георгія Станкевіча спавясьцілі пра тое, што супраць яго ініцыяваная адміністрацыйная справа за парушэньне Закону аб СМІ. Спадар Станкевіч — заснавальнік і рэдактар самвыдатаўскай газэты «Крывінка», якую ён распаўсюджвае ў Бешанковіцкім раёне.
Распаўсюдніка ўлётак кампаніі «Гавары праўду» аштрафавалі на 2 мільёна
Судзьдзя Кастрычніцкага райсуду Віцебску Алена Протас прызнала сябра партыі левых «Справядлівы сьвет» Андрэя Андрэева вінаватым у парушэньні артыкулу 22.9 КаАП (парушэньне заканадаўства аб сродках масавай інфармацыі) і прысудзіла яму штраф у памеры 20 базавых велічынь. Такому пакараньню партыйны актывіст быў падвергнуты за распаўсюд друкаванай прадукцыі кампаніі «Гавары праўду». Гэтая прадукцыя, маўляў, зьяўляецца сродкам масавай інфармацыі, не зарэгістраваным у Рэспубліцы Беларусь.
Незалежнага журналіста Ўладзімера Жыгулова выклікалі ў Віцебскую абласную пракуратуру
Позву ў пракуратуру Ўладзімер Жыгулоў атрымаў на 3-га верасьня і патэлефанаваў па нумары, пазначаным на блянку. Але яму адмовіліся тлумачыць непасрэдныя прычыны выкліку. У позьве ж напісана так: “для тлумачэньняў наконт пытаньня парушэньня заканадаўства аб СМІ”. Уладзімер Жыгулоў мусіць зьявіцца да пракурора аддзелу па наглядзе за выкананьнем заканадаўства і законнасьцю прававых актаў П.М. Зайцава.
Незалежную журналістку Алену Сьцяпанаву будуць судзіць
Віцебскую журналістку Алену Сьцяпанаву вінавацяць у парушэньні заканадаўства аб СМІ. У міліцыі лічаць, што Алена супрацоўнічае з замежным СМІ без акрэдытацыі. 9 ліпеня журналістка разам з адвакатам наведала Кастрычніцкі РАУС Віцебску, дзе старшы інспэктар аддзелу аховы правапарадку і прафіляктыкі Сяргей Вяракса азнаёміў яе з пратаколам.
Яшчэ адзін пратакол за парушэньне Закону аб СМІ складзены ў Віцебску
Усьлед за віцебскім абласным кіраўніком партыі БНФ Леанідам Аўтуховым у міліцэйскі пастарунак быў выкліканы яго аднапартыец Кастусь Смолікаў. Там, як раней і на Аўтухова, на яго склалі пратакол аб парушэньні Закону аб СМІ. Актывістаў абвінавачваюць у тым, што была перавышаная дапушчальная законам колькасьць партыйнага бюлетэню «Магістрат», які яны раздавалі мінакам 22 красавіка.
На Леаніда Аўтухова склалі пратакол за парушэньне Закону аб СМІ
“Мяне вінавацяць у тым, што была перавышаная колькасьць асобнікаў партыйнага бюлетэня “Магістрат”, які мы раздавалі 22 сакавіка. Але тыя асобнікі ніхто пры нас не лічыў, і адкуль узялася выніковая лічба, мне невядома. Акрамя гэтага, на сёньняшні дзень усе асобнікі мусілі быць зьнішчаныя. Аднак – не, яны фігуруюць у маёй новай адміністрацыйнай справе”, - гаворыць старшыня Віцебскай абласной арганізацыі партыі БНФ.