«Нібыта я заклікала ў горадзе Воршы. Я зачытаю: «што было выражана ў разьмяшчэньні ў кампутарнай сетцы інтэрнэт у тэлеграм-канале «Страна для жизни.Чат» закліка на масавыя мерапрыемствы кожную нядзелю да 12.00 каля помніка Леніну». Сказалі, што скрыншоты і ўсё такое ў іх ёсьць», – паведаміла спадарыня Юлія.
Паводле міліцыянтаў, суд мае адбыцца 29-га траўня, але Юліі Барсуковай сказалі дадаткова чакаць позву.
На мінулым тыдні яе выклікалі ў пракуратуру і афіцыйна папярэдзілі пра недапушчальнасьць парушэньня заканадаўства шляхам разьмяшчэньня ў інтэрнэце заклікаў на несанкцыянаваныя імпрэзы. Тады прэтэнзіі былі да спавяшчэньня пра падзеі ў Гомлі, дзе затрымалі блогера Сяргея Ціханоўскага. Юлія Барсукова абскардзіла пракурорскае папярэджаньне.
Камэнтуйце гэтую навіну на нашай старонцы ў facebook!