У Лепельскім РАУС паведамілі, што ў дачыненьні Алеся Круткіна распачатая новая справа аб адміністарцыйным правапарушэнні і яго будуць судзіць. За якое менавіта парушэньне склалі пратакол і калі адбудзецца суд – пакуль невядома.
Актывісты кампаніі «Еўрапейская Беларусь», якія не дачакаліся вызваленьня Круткіна ў Віцебску, занепакоеныя станам ягонага здароўя, бо пасьля апошняга прысуду на 15 сутак актывіст проста ў залі суду абвясьціў галадоўку. Ці трымаў ён галадоўку падчас адбываньня пакараньня ў віцебскім ізалятары часовага ўтрыманьня, таксама невядома.
Праваабарончы цэнтар «Вясна», спасылаючыся на адвакатку Круткіна, паведаміў, што ў Лепелі ўжо адбыўся суд над актывістам, яму прысудзілі яшчэ 15 сутак арышту.
Зьміцер Міраш