Міхаіл Жамчужны напісаў адкрыты ліст Лукашэнку і чакае суду
Сьледзтва па справе актывіста «Пляцформы» Міхаіла Жамчужнага, які знаходзіцца пад вартай у Віцебскім СІЗА, працягнутае да 19 красавіка генэральным пракурорам. Пра гэта Міхаіл паведаміў у лісьце да Тацьцяны Севярынец, каардынатаркі аргкамітэту па стварэньні БХД.
Работнікаў УП «Віцебскаблгаз» змушаюць скупляць торф. Наперадзе – масавыя звальненьні
Пра гэта напісаў чытач charter97.org, супрацоўнік УП «Віцебскаблгаз» ПУ «Віцебскгаз». Ён распавядае пра тое, што на прадпрыемстве распачалася «аптымізацыя кадраў», што можа азначаць скарачэньне на 25% штату.
Прафіляктычнае мерапрыемства пракуратуры: Некалькі чалавек наўпрост з залі вывелі ў кайданках
Гарадзкая пракуратура Віцебску ў якасьці мэтаду барацьбы з бытавой і рэцыдыўнай злачыннасьцю, сямейнымі дэбашырамі, вырашыла укараніць новы мэтад работы і правяла комплекснае мерапрыемства. Паводле яго вынікаў больш за 50 чалавек, якія маюць судзімасьці, стаяць на ўліку ў міліцыі або абвінавачаныя у парушэньні грамадзкага спакою, былі запрошаныя на прафіляктычную сустрэчу ў ППСМ УУС аблвыканкаму. Некалькі чалавек проста з залі адвялі ў кайданках.
На Віцебшчыне зноў раздаюць імпэрскую сымболіку: цяпер замест расейскіх – сьцягі СССР
Акцыя прыхільнікаў адраджэньня імпэрыі адбылася ў Віцебску. Як паведаміла ініцыятыва «Мая краіна Беларусь», у Віцебску невядомыя каля гандлёвага цэнтру «Эвіком» мінакам раздавалі сьцяжкі СССР і ўлёткі.
Павал Левінаў супраць «Клюбу рэдактараў»
7 лютага на тэлеканале «Беларусь 1» выйшла ў сьвет тэлеперадача сэрыі «Клюб рэдактараў», у якой была дадзеная нэгатыўная ацэнка дзейнасьці праваабаронцаў. На думку віцебскага праваабаронцы Паўла Левінава, удзельнікі перадачы нанесьлі абразу праваабаронцам, чым зьдзейсьнілі адміністрацыйнае правапарушэньне. Ён зьвярнуўся ў міліцыю з патрабаваньнем прыцягнуць правапарушальнікаў да адказнасьці.
Глыбоцкая дворнічыха другі год ня можа дамагчыся пераводу на больш лёгкую працу
У жанчыны трэцяя група інваліднасьці па зроку, але яе кіраўніцтва мяркуе, што гэта не замінае цягаць цяжкія мяхі са сьмецьцем.
Віцебскі вінаробны завод – банкрут
Эканамічны суд Віцебскай вобласьці прызнаў банкрутам ААТ «Віцебскі вінаробны завод» (ААТ «ВітВін») і распачаў у дачыненьні да прадпрыемства конкурсную вытворчасьць, паведаміў судзьдзя Анатоль Гурэеў.
У Глыбокім зьнішчылі сквэр, які ня так даўно пасадзілі БРСМаўцы
У Глыбокім зьнішчылі сквэр, які павінен быў услаўляць БРСМ. Ён разьмяшчаўся на беразе возера Беразьвецкага, побач са старымі габрэйскімі могілкамі. Раней жа на гэтым месцы бралі пясок для адсыпкі гарадзкіх вуліц.
Наваполацак – самы брудны горад Беларусі
У 2014 годзе сьпіс гарадоў з найбольшымі аб’ёмамі выкідаў забруджвальных рэчываў у атмасфэрнае паветра ад стацыянарных крыніц традыцыйна ўзначаліў Наваполацак (52 тысячы тон). За ім ідуць Менск (23 тысячы тон), Гародня (10 тысяч тон) і Новалукомаль (8 тысяч тон).
Работнікаў ААТ «Полацак-Шкловалакно» агітуюць за асацыяванае сяброўства ў Свабодным прафсаюзе
На ААТ «Полацак-Шкловалакно» актывісты першаснай арганізацыі Свабоднага прафсаюзу Беларускага (СПБ) знаёмяць работнікаў з новай формай сяброўства ў СПБ. Прычынай стала нядобрасумленныя паводзіны наймальніка, які, даведаўшыся пра пералічэньні складак праз бухгальтэрыю, пачаў аказваць ціск на сяброў прафсаюзу.