Чэскі пісьменьнік Яхім Топал прэзэнтаваў віцебчукам сваю кнігу «Цэх дʼябла»
Кніга ў перакладзе на беларускую выйшла ў літаратурнай сэрыі «Чэская калекцыя». Прэзэнтацыя адбылася на творчай пляцоўцы арт-пабу «Торвальд».
На гістарычных курсах у Віцебску гаварылі пра войны XIV – XVIII стагодзьдзяў
На чарговай лекцыі бясплатных курсаў «Віцебск: рэальная і папулярная гісторыя роднага гораду» гісторыкі Анатоль Дулаў і Дзяніс Юрчак распавялі пра ваенныя падзеі 14-га – пачатку 18-га стагодзьдзяў і пра ўдзел віцебчукоў у абароне свайго гораду. А сябры клюбу гістарычнай рэканструкцыі «Варгенторн» дапамаглі прысутным візуальна перанесьціся ў тыя часы, прэзэнтаваўшы тагачасныя строі заможнага і дробнага шляхціцаў ды замежнага найміта.
Чыноўнікі забаранілі праваабаронцу казаць віцебчукам пра правы «дармаедаў»
Тлумачыць палажэньні дэкрэту №3 «Аб папярэджаньні сацыяльнага ўтрыманства» жыхарам Віцебску праваабаронца Леанід Сьвецік меў намер 15 лютага падчас пікету, заяўку на правядзеньне якога ён падаваў у адміністрацыю Чыгуначнага раёну гораду. Аднак, чакана, заяўку мясцовыя ўлады не задаволілі і пікет забаранілі.
Доктар Пастноў дамагаецца прыцягненьня былога губэрнатара да крымінальнай адказнасьці
Віцебскі «барацьбіт за праўду» доктар Ігар Пастноў, які цягам некалькіх гадоў неаднаразова зьвяртаўся ў праваахоўныя органы з заявамі пра распачацьце крымінальнай справы ў дачыненьні да былога старшыні Віцебскага абласнога выканаўчага камітэту Аляксандра Косінца, ізноў актывізаваўся.
Пракуратура выявіла шэраг парушэньняў пры правядзеньні дзяржзакупак
Ва ўсіх раёнах Віцебскай вобласьці пракуратурай выяўленыя парушэньні парадку правядзеньня працэдур дзяржаўных закупак, што стварае спрыяльную глебу для карупцыі.
Яшчэ нядаўна прыбытковае прадпрыемства «Базыс-Наваполацак» рызыкуе стаць банкрутам
Адны харчовыя крамы ААТ «Базыс-Наваполацак» закрыліся, у другіх значна звузіўся асартымэнт тавараў. Як зьменіцца становішча спраў у найбліжэйшай пэрспэктыве?
Віцебскі майстар адліў мэдаль «Пачотны тунеядзец»
Мэдаль стане своеасаблівым падарункам на 23 лютага. Пра незвычайны, але вельмі надзённы мэдаль паведамляе «Наша Ніва». Яе зрабіў майстар-рамесьнік зь Віцебску.
Прафсаюз РЭП абараніў інтарэсы экс-работніц «Марко»
Пасьля інвэнтарызацыі з працаўніц буфэту віцебскага ТАА «Марко» запатрабавалі выплаціць нястачу ў памеры 12 000 рублёў. У выніку справа дайшла да суду, які вынес сваё рашэньне 6 лютага.
Прапанова віцебскага праваабаронцы знойдзе адлюстраваньне ў дэкрэце прэзыдэнта
У Рэспубліцы Беларусь распрацоўваецца праект дэкрэту прэзыдэнта, які прадугледжвае абмежаваньне месцаў продажу электронных парагенэратараў (электронных цыгарэтаў) і вадкасьцяў да іх, а таксама забарону іх продажу асобам, якія не дасягнулі 18 гадоў. Такі адказ атрымаў віцебскі праваабаронца Леанід Сьвецік зь Міністэрства гандлю, куды зьвярнуўся з адпаведнай прапановай.
Актывістка БАЖ: Літаратурны конкурс павялічыць тэрыторыю дабра і любові
Віцебская філія грамадзкага аб'яднаньня «Беларуская асацыяцыя журналістаў» (БАЖ) у межах «Эстафэты добрых справаў» да Дня сьвятога Валянціна, 23 лютага і 8 сакавіка абвясьціла літаратурны конкурс. Тэма конкурсу: «За што я ўдзячны сваёй каханай/каханаму». Пераможцаў назавуць у Міжнародны жаночы дзень, а іх творы апублікуюць на адным з сайтаў.