Шаркаўшчынскія “дэпутаты” ездзяць па сельсаветах і раздаюць указанні, каб ствараць “добры малюнак”
Выязны семінар з удзелам так званага Старшыні раённага Савета дэпутатаў Уладзіміра Шпеца прайшоў у Ёдскім сельсавеце Шаркаўшчынскага раёна. Пра гэта паведамляе сайт мясцовай раёнкі.
Былы палітзняволены Леанід Судаленка — пра зняволенне, ад’езд з Беларусі і салідарнасць
Вязень ПК №3 (Віцьба) Віцебскага раёну Леанід Судаленка распавёў пасля ад’езду з Беларусі, чаму прыняў такое рашэнне, як выглядала дыскрымінацыя асуджаных па палітычных артыкулах у зняволенні і чаму салідарнасць важная.
Наведнікаў школьнага летніка ў Вушачах вадзілі на экскурсію ў суд
Летнік «Орлёнок» пры Вушацкай сярэдняй школе лічыцца аздараўленчым. Таксама, аддаючы даніну ідэалагічнай модзе апошняга часу, адміністрацыя дзіцячай установы назвала яго вайскова-патрыятычным. Прынята падкрэсліваць, што ў вайскова-патрыятычныя дзіцячыя аб“яднанні залічваюць найлепшых вучняў, якія з“яўляюцца ўзорам для іншых, прынамсі, у плане ідэалагічнай падрыхтоўкі. І тут нечаканы кантраст: выхаванцаў летніка «Орлёнок» павялі на экскурсію ў суд з мэтай прафілактыкі правапарушэнняў і злачынстваў у асяродку непаўналетніх.
Праваабаронцы прызналі палітзняволенай глыбачанку Святлану Лупач
Трэцяга жніўня праваабаронцы апублікавалі сумесную заяву праваабарончых арганізацый Беларусі аб прызнанні палітзняволенымі яшчэ 14 чалавек, якія праходзяць па крымінальнай справе 342 (Арганізацыя групавых дзеянняў, якія груба парушаюць грамадскі парадак або актыўны ўдзел у іх) ды іншых. Сярод іх і глыбачанка Святлана Лупач.
У Докшыцах аддзяленне праўладнай партыі “Белая Русь” ужо разгледзела механізм выплаты членскіх унёскаў
У Докшыцах прайшло пасяджэнне Савета раённага аддзялення Беларускай партыі "Белая Русь". Піша сайт мясцовай раёнкі “Родныя вытокі”. У панядзелак, 31 ліпеня, адбылося першае сумеснае пасяджэнне Рады Докшыцкага раённага аддзялення Беларускай партыі «Белая Русь» і кантрольна-рэвізійнай камісіі.
Палітвязню змянілі прысуд. Два гады калоніі замест двух гадоў “хатняй хіміі”
У судзе Глыбоцкага раёна 20 снежня 2022 года асудзілі Аляксея Азарку паводле арт. 369 (Абраза прадстаўніка ўлады) Крымінальнага кодэкса. Суддзя Андрэй Тарасевіч прызначыў Аляксею два гады абмежавання волі без накіравання ў папраўчую ўстанову адкрытага тыпу (“хатняй хіміі”) і штраф 60 базавых велічыняў (1920 рублёў). 7 сакавіка 2023 года Віцебскі абласны суд узмацніў прысуд пасля апеляцыйнага пратэсту пракурора.
За чытанне “экстрэмісцкіх” матэрыялаў улады аштрафавалі шматдзетную маці
Суддзя Дубровенскага раёна Марыя Цыклінская 15 чэрвеня за падпіску на "экстрэмісцкія" інфармацыйныя рэсурсы ў сацыяльных сетках пастанавіла аштрафавала на 370 рублёў мясцовую жыхарку маці траіх малалетніх дзяцей Святлану Маталыгіну.
У кожнага другога праверанага жыхара Віцебскага рэгіёна былі выяўлены даходы, утоеныя ад падаткаабкладання
За шэсць месяцаў падатковыя інспекцыі Віцебшчыны выявілі схаваныя ад падаткаабкладання даходы ў 173 жыхароў вобласці. Усяго за паўгоддзе ў поле зроку падатковай службы трапілі 382 грамадзяніны, у адносінах да якіх праведзена 300 праверак адпаведнасці расходаў даходам.
Праваабаронцы каментуюць сітуацыя з масавымі ператрусамі на Віцебшчыне
Вядома каля дзясятка выпадкаў, якія адбыліся ў розных рэгіёнах за апошнія два дні. Праваабаронцы адзначаюць, што тым, да каго прыйшлі з ператрусам, сілавікі не даюць у рукі пастановаў, толькі зачытваюць іх уголас. Агучваюцца самыя розныя падазрэнні ў крымінальных справах – ад вырабу парнаграфічных матэрыялаў да ўдзелу ў экстрэмісцкіх фарміраваннях, аднак адзінае, што цікавіць няпрошаных гасцей – гэта тэлефоны гаспадароў.
На дачку журналіста Змітра Лупача заведзена крымінальная справа. Яна ў СІЗА пад вартай
Як стала вядома, яшчэ ў пачатку траўня глыбоцкія міліцыянты амаль апоўначы (23.35) затрымалі дачку журналіста Змітра Лупача Святлану. У той дзень яна адпачывала на Глыбоччыне разам з сябрамі, міліцыянты прыехалі ў самы разгар адпачынку і спачатку затрымалі ўсіх, але пасля выпусцілі і пакінулі ў міліцыі адну Святлану.