У Віцебску ладзіцца конкурс праектаў «Дзень вуліцы»
Сустрэча арганізатараў конкурсу з зацікаўленымі ў рэалізацыі сваіх задумаў адбылася 8 верасьня ў адной з заляў «Арт-прасторы» на Талстога, 7. Але нават калі вы ня трапілі на імпрэзу, да 15 верасьня ўлучна ў вас ёсьць магчымасьць даслаць свой праект на разгляд кампэтэнтнага журы. Па выніках конкурсу будуць адабраныя 4 найлепшыя праекты.
“Нарэшце дайшло!..” Віцебскія школы вяртаюцца да пачатку заняткаў з 8:00
Некаторыя школы ў Віцебску вяртаюцца да больш прыдатнага і звычнага рэжыму працы. Пачынаюць заняткі а 8-й альбо а 8:15 раніцы. Ад 12 верасьня на леташні расклад пераходзяць, напрыклад, СШ №14 ды гімназія №5 гораду Віцебску. З 1-га верасьня заняткі ў гэтых навучальных ўстановах пачыналіся з 9:00.
Віцебскі праваабаронца судзіцца зь лекарамі
7 верасьня ў Першамайскім раённым судзе Віцебску пачаўся разбор справы паводле артыкулу 178, ч. 1 Крымінальнага Кодэксу РБ, які прадугледжвае пакараньне за раскрыцьцё лекарскай таямніцы. Прыватным абвінаваўцам выступіў віцебскі праваабаронца, сябра Беларускага Хэльсынскага Камітэту Павал Левінаў.
«Я і ІЧУ. Асабісты погляд». Частка 7: Віцебск, Леанід Аўтухоў
Героем нашага чарговага матэрыялу пра ўмовы ўтрыманьня ў ізалятарах часовага ўтрыманьня Віцебскай вобласьці стаў актывіст партыі БНФ з Гарадка Леанід Аўтухоў. Апазыцыянэр браў актыўны ўдзел у сьвяткаваньні Дня Волі ў абласным цэнтры 25 сакавіка, за што быў пакараны 15-цю суткамі адміністрацыйнага арышту паводле артыкулу 23.34 КаАП (парушэньне парадку арганізацыі ці правядзеньня масавага мерапрыемства).
Сьледчы камітэт праводзіць праверку па факце сьмерці 10-гадовай дзяўчынкі ў шпіталі Полацку
Як запэўніваюць бацькі, дзяўчынка практычна ніколі не хварэла. Але 1 жніўня дзіця паскардзілася на боль у грудной клетцы. На наступны дзень у яе забалеў жывот. Ёй паставілі кропельніцу, і яна страціла прытомнасьць. Затым – рэанімацыя. Неўзабаве маці і бацьку паведамілі, што іх дачка памерла.
Калектыўны зварот з просьбай арганізаваць роварную дарожку ад Бабінічаў да Воршы пададзены ў райвыканкам
Зборам подпісаў жыхароў Бабінічаў займалася кампанія «Гавары праўду». Як высьветлілася, тэма актуальная ня толькі ў аматараў здаровага ладу жыцьця і раварыстаў, а наогул сярод жыхароў населенага пункту.
На Крапівенскім полі адсьвяткавалі Дзень беларускай вайсковай славы
Цэлы дзень на поле каля Гацькаўшчыны прыяжджалі людзі: ехалі кампаніямі, сем'ямі, у адзіночку. Міліцыя ў сьвяткаваньне ня ўмешвалася і не замінала. У выніку другі год запар ахвотныя змаглі паставіць на полі намёт і пераначаваць, як гэта было да 2006 году – тады на час сьвяткаваньня тут вырастаў вялікі намётавы гарадок.
У Сяньне прафсаюз дапамог двойчы звольненаму работніку спагнаць грошы з наймальніка
Цягам месяца вартаўніка Сеньненскага льнозаводу Алега Лісоўскага з прадпрыемства звальнялі двойчы. Без канчатковага разьліку. У яго працоўную кніжку быў унесены запіс пра звальненьне «паводле згоды бакоў», хаця ніякай згоды ён не даваў. І толькі праз суд, пазоўную заяву ў які дапамог скласьці прафсаюз, удалося дамагчыся справядлівасьці.
Напярэдадні расейска-беларускіх вучэньняў вайскоўцы папярэджваюць віцебчукоў пра небясьпеку
На тэрыторыі палігону «Лосьвіда», што разьмешчаны ў 13-ці кілямэтрах ад Віцебску, штодня праходзяць баявыя стрэльбы, пускі ракет, падрыўныя работы, кіраваньне баявымі машынамі і іншыя небясьпечныя для жыцьця і здароўя чалавека мерапрыемствы баявой падрыхтоўкі войскаў. Вайскоўцы папярэджваюць: у выніку правядзеньня стрэльбаў, а таксама вучэньняў у месцах іх правядзеньня могуць заставацца неразарваныя боепрыпасы, якія, знаходзячыся ў зямлі ці ў густой траве, ня бачныя і ўяўляюць сьмяротную небясьпеку.
Віцябчанка аддала расейскім «экстрасэнсам» больш за 110 тысяч даляраў за магію з хлебам, сольлю і яйкам
50-гадовая жыхарка Віцебску, уладальніца прыватнага бізнэсу, вельмі перажывала праз праблемы ў асабістым жыцьці дачкі, якая рэгулярна сварылася з мужам. Неяк бізнэс-лэдзі глядзела на расейскім кабельным тэлеканале перадачу «Магнэтызм»...