Актывістаў Віцебску навучалі візуалізацыі
Майстар-кляс на тэму «Візуалізацыя online і offline» адбыўся 2 лютага ў Рэгіянальным рэсурсным цэнтры па разьвіцьці дадатковай адукацыі дарослых. Навучальнае мерапрыемства было арганізаванае грамадзкай арганізацыяй «Хрысьціянская садружнасьць дарослых і маладых». Вядоўцай выступіла Валерыя Ваўкагонава, экспэрт і супрацоўнік асьветніцкай установы «Офіс эўрапейскай экспэртызы і камунікацыі», запрошаная зь Менску.
Больш як 40 «дармаедаў» Віцебшчыны вызваленыя ад падатку празь цяжкую жыцьцёвую сытуацыю
Больш як 40 жыхароў Віцебскай вобласьці вызваленыя ад выплаты збору на фінансаваньне дзяржвыдаткаў у сувязі зь цяжкай жыцьцёвай сытуацыяй. Пра гэта паведаміла намесьніца начальніка інспэкцыі Міністэрства па падатках і зборах па Віцебскай вобласьці Тацяна Ліпская.
Палачан навучаць разьвіваць турызм
Цыкль бясплатных трэнінгаў па разьвіцьці турызму пройдзе ў Полацкім раёне і з выездамі за яго межы зь лютага па лістапад па праекце ЭЗ «Падтрымка ўстойлівага разьвіцьця турызму ў Беларусі».
Міхаілу Жамчужнаму пагражае турма тэрмінам на тры гады
Адміністрацыя папраўчай калёніі №14 ў Навасадах, дзе адбывае пакараньне заснавальнік “Платформ інавэйшан” Міхаіл Жамчужны, прыняла рашэньне накіраваць у суд матэрыялы аб зьмене палітвязьню рэжыму ўтрыманьня на турэмны, тэрмінам на тры гады. Пра гэта палітвязень паведаміў у лісьце да праваабаронцы Тацяны Равяка, датаваным 26 студзеня.
У падарунак дзядзьку Рыгору: выпушчаная кружэлка з вушацкімі песьнямі
На кружэлцы апроч кампазыцыяў сучасных музыкаў будуць яшчэ і арыгінальныя запісы сьпеваў маці паэта – Куліны Барадулінай, а таксама сьпевы самога Рыгора Барадуліна.
Віцебскія чыноўнікі стварылі турыстычны буклет Гарадоччыны са шматлікімі хібамі
Упраўленьне спорту і турызму Віцебскага аблвыканкаму выдала буклет «Гарадоцкі раён». Буклет можна знайсьці сярод інфармацыйных бясплатных матэрыялаў у турыстычна-інфармацыйным цэнтры, які ўрачыста быў адкрыты ў Гарадку напрыканцы 2016 году.
Віцебскі клюбны дом дапаможа ў сацыялізацыі грамадзянам з псыхічнымі захворваньнямі
Урачыстае адкрыцьцё клюбнага дому «Крылы надзеі» адбылося 1 лютага на базе Тэрытарыяльнага цэнтру сацыяльнага абслугоўваньня насельніцтва Першамайскага раёну Віцебску. У імпрэзе ўзялі ўдзел чальцы клюбнага дому, прадстаўнікі псыхіятрычнай службы гораду, чыноўнікі, дзелавыя партнэры, валянтэры і неабыякавыя людзі.
Вольга Карач з афіцыйным папярэджаньнем ня згодная
Уладальніца «Віцебскага кур'еру» Вольга Карач скардзіцца на пісьмовае папярэджаньне, атрыманае ад Міністэрства інфармацыі, у суд.
Сьледчы камітэт завяршыў расьсьледаваньне справы датычна дырэктаркі віцебскай турфірмы
Згодна з высновамі супрацоўнікаў Віцебскага аддзелу Сьледчага камітэту, 51-гадовая дырэктарка турыстычнай агенцыі прысабечыла звыш 235 тысяч рублёў кліентаў. Крымінальная справа перададзеная пракурору дзеля далейшага накіраваньня ў суд.
Віцебскія ідэолягі ня бачаць пагрозы ў гастролях выканаўцы шансону – адэпта «Рускага сьвету»
Здаецца, віцебская ўлада дала слабіну і ўсё ж «прагнулася» пад беларусафобскім шансанье. Віктар Каліна атрымаў дазвол на правядзеньне канцэртаў на тэрыторыі Віцебскай вобласьці. Довады віцебчукоў, што гастрольная дзейнасьць гэтага грамадзяніна падрывае нацыянальныя інтарэсы і пагражае бясьпецы, бо сее міжнацыянальную варожасьць, здаліся ўладам ня вартымі ўвагі.