Кіраўнік ініцыятывы “Хайсы” зьвярнуўся ў Вярхоўны суд
Кіраўнік грамадзянскай ініцыятывы “Хайсы” Ян Дзяржаўцаў зьвярнуўся са скаргай ў Вярхоўны суд на рашэньне Віцебскага раённага суду, які абвінаваціў яго ў самавольным пахаваньні чалавечых парэшткаў у месцы, не прадугледжаным для такіх мэтаў заканадаўствам (арт. 23.43 КаАП). Гэта апошняя судовая інстанцыя, якая можа вызначыць невінаватасьць актывіста ў зьдзяйсьненьні правапарушэньня.
Віцебскі абласны суд не задаволіў скаргу незалежнага журналіста з Глыбокага
11 ліпеня ў Віцебскім абласным судзе судзьдзя Ірына Смалякова разгледзела адразу дзьве касацыйныя скаргі незалежных журналістаў на рашэньне суду Глыбоцкага раёну – Зьмітра Лупача і Тацяны Смоткінай. Апошняя на разбор сваёй скаргі прыбыць не змагла, і ёй судзьдзя паменшыла штраф на 10 базавых. Пакараньне ж Зьмітру, які на суд у Віцебск прыехаў, засталося нязьмененым.
Віцебскі лідэр прафсаюзу РЭП: Справа супраць Фядыніча і Комліка змайстраваная зь нічога
У Віцебску 9 ліпеня адбылася сустрэча сябраў мясцовай філіі прафсаюзу працаўнікоў радыёэлектроннай электроннай прамысловасьці (РЭП). Прысутнічала больш за дзясятак актывістаў арганізацыі на чале з Георгіем Разумавым, кіраўніком філіі. Свайго офіса віцебская прафсаюзная суполка пазбавілася летась, таму сустракаліся на «нэўтральнай тэрыторыі» – у кафэ.
Віцебскі гарвыканкам ня даў дазволу партыі БНФ на правядзеньне фэстывалю «Дзень незалежнасьці»
Пра адмоўнае рашэньне гарадзкіх уладаў наконт заяўленай імпрэзы на сваёй старонцы ў Фэйсбуку паведаміў Кастусь Смолікаў, кіраўнік абласной арганізацыі партыі БНФ. Вулічны фэстываль «Дзень незалежнасьці» мусіў адбыцца 27 ліпеня на цэнтральных пешаходных вуліцах Віцебску – Талстога, Крылова і Суворава, а таксама ў парку Партызанскай славы імя Міная Шмырова.
Былая работніца «Шкловалакна» спрабуе праз суд дамагчыся кампэнсацыі за страту здароўя
Пазоўную заяву Алены Палаўчэні наконт выплаты кампэнсацыі за атрыманае прафзахворваньне на ААТ «Полацак-Шкловалакно» суд гораду Полацку пачаў разглядаць тры месяцы таму. 5 ліпеня было прынятае чарговае рашэньне пра прыпыненьне працэсу: жанчыне прапанавана нанова прайсьці мэдычны агляд. Працаўніца зьбіраецца абскарджваць гэтае рашэньне, вынесенае судзьдзёй Ірынай Даротка.
На віцябляніна Міколу Качурца склалі пратакол за абарону Курапатаў – чакаецца суд
Віцяблянін Мікола Качурэц 6 ліпеня ўзяў удзел у Курапацкай вахце, а таксама ва ўсталяваньні крыжоў каля рэстарацыі “Поедем поедим”. Пакуль што вядома пра адзін пратакол, які склалі на яго супрацоўнікі ДАІ за парушэньне правілаў дарожнага руху (арт. 18.23. ч.1. КаАП РБ). Чакаецца суд.
Месцы правядзеньня мірных сходаў у Віцебску – нязручна і дорага
Цягам больш за дзясятак гадоў гарадзкія ўлады забаранялі грамадзянскім і палітычным актывістам праводзіць у Віцебску масавыя мерапрыемствы. Забаранялі нават тады, калі актывісты згаджаліся на правядзеньне гэтых мерапрыемстваў у месцах, якія адміністрацыі раёнаў вызначылі паводле рашэньня №881 ад 10 ліпеня 2009 году.
Палітвязень Міхаіл Жамчужны: У мяне ўсё цудоўна...
Упершыню за апошнія шэсьць месяцаў віцебскія праваабаронцы атрымалі ліст ад палітвязьня Міхаіла Жамчужнага. Ён піша, што за апошнія паўгода накіраваў у Віцебск тры лісты, але ў адказ нічога не атрымаў. Гэтая акалічнасьць зьдзіўляе віцебскага праваабаронцу Леаніда Сьвеціка.
“Была як Мадона”. 7 фактаў з жыцьця Бэлы Шагал – выбітнай асобы і жонкі мастака
У Віцебску напярэдадні 131-х угодкаў Марка Шагала адчынілася выстава, прысьвечаная ягонай жонцы – “Бэла Шагал. Партрэт жонкі мастака”. Аўтарскую экскурсію па выставе, якая экспануецца зараз у Арт-цэнтры Марка Шагала, правяла 8 ліпеня куратар праекту Людміла Хмяльніцкая.
Валянтэры з Расеі ўпарадкоўваюць габрэйскія клады на ўскраіне Бешанковічаў
Чарговая валянтэрская экспэдыцыя, што складаецца зь дзесяцярых грамадзян Расеі, праходзіць у Бешанковічах. Разам з расейцамі ўжо чацьверты сэзон запар працуе і вядомы бешанковіцкі краязнаўца Станіслаў Леаненка. На цяперашні момант валянтэрамі ачышчана ўжо недзе чатыры пятых усёй плошчы могілак.