Кошт трох палак кілбасы, бутэлькі каньяку і каробкi цукерак: 4 гады зьняволеньня
8 жніўня суд Расонскага раёну прызнаў 56-гадовага дырэктара камунальнага ўнітарнага сельскагаспадарчага прадпрыемства «Краснапольле» Сяргея Карпенку, які кіраваў гаспадаркай 24 гады, вінаватым у атрыманьні хабару шляхам вымаганьня.
Дэкрэт №3. Хто будзе працаваць у “камісіях па дармаедах” у Віцебску – сьпісы
Стала вядома, хто канкрэтна будзе працаваць у раённых камісіях па каардынацыі працы па спрыяньні занятасьці насельніцтва. Сьпісы сябраў камісій “па дармаедах” Першамайскага і Чыгуначнага раёнаў Віцебску апублікаваныя нядаўна на сайце гарвыканкаму. Адміністрацыя Кастрычніцкага раёну інфармацыяй пакуль ня дзеліцца.
Чырвоны Крыж – праваабаронцу: Мы выконваем свае функцыі ва ўзаемадзеяньні з ДВП
З прапановай узяць на сябе абавязак апекавацца іншаземцамі, якія знаходзяцца ў вязьніцах Беларусі, зьвярнуўся ў рэспубліканскі Чырвоны Крыж віцебскі праваабаронца Леанід Сьвецік. І атрымаў дзіўны адказ за подпісам намесьніцы генэральнага сакратара арганізацыі Раманіі Скамарошкі. Яна паведаміла, якімі законамі кіруецца Беларускае Таварыства Чырвонага Крыжа, якая дзяржаўная структура выконвае функцыі ў сфэры выкананьня і адбыцьця пакараньняў, але ні слова не напісала па сутнасьці прапановы.
Колькі зь 1 верасьня будзе каштаваць навучаньне ў віцебскіх ВНУ
Зь 1 верасьня зноў падвышаюцца кошты на навучаньне ў вышэйшых навучальных установах для студэнтаў-платнікаў. Гэтак, віцебскія ВНУ падвысілі гадавы кошт навучаньня ў сярэднім на 300-400 рублёў.
Міліцыя затрымала актывістак БХД, якія вярталіся ў Віцебск пасьля варты ў Курапатах
Затрыманьне адбылося ў другой палове дня 8 жніўня каля вёскі Бараўляны, калі група актывістаў вярталася дадому ў Віцебск пасьля варты каля рэстарацыі «Поедем поедим» побач з Курапатамі. Алену Янушкоўскую і Ірыну Захараву адвезьлі ў бараўлянскі пастарунак.
Наваполацак – “лідэр” сярод беларускіх гарадоў па забруджваньні паветра
За 2017 год стацыянарныя крыніцы (прамысловыя прадпрыемствы) Наваполацку выкінулі ў паветра 51,7 тысяч тон забруджвальных рэчываў. Гэта амаль у тры разы больш за гадавыя выкіды Менску і ў 17 разоў больш за аб’ём забруджваньня паветра ў Віцебску.
Улады не зьбіраюцца прызнаваць пахаваньні ля Хайсоў месцам сталінскіх рэпрэсіяў
Пісьмовы адказ зь Віцебскага райвыканкаму на калектыўны зварот, атрыманы 25 ліпеня, не дадаў аптымізму сябрам ініцыятывы «Хайсы». Чацьвёрты год актывісты дамагаюцца ад мясцовых уладаў прызнаць датычнасьць пахаваньняў у ваколіцах вёсак Дрыкольле і Хайсы (Віцебскі раён) да рэпрэсіяў часоў сталінізму.
Мінкультуры адказала на прапанову забараніць на канцэртах фанаграмы
Ніякіх радыкальных перамен і забаронаў “фанэры” не чакаецца. Але першая намесьніца міністра культуры Ірына Дрыга паабяцала аўтарам пэтыцыі “За жывы гук” “узмацніць кантроль” і разабрацца з сытуацыяй, якая склалася на фэстывалі нацыянальных культур. Пры выкарыстаньне фанаграм на канцэртах “Славянскага Базару” ў Віцебску – ані слова.
Новым кіраўніком Свабоднага прафсаюзу Беларускага стаў актывіст з Полацку
У Менску 28 ліпеня адбыўся XII зьезд Свабоднага прафсаюзу Беларускага. Старшынём СПБ на альтэрнатыўнай аснове быў абраны Мікола Шарах, які раней зьяўляўся намесьнікам старшыні СПБ па Віцебскай вобласьці.
Збор сродкаў на выкуп бацькоўскай хаты Караткевіча ў Воршы абвесьцяць у верасьні
Напрыканцы ліпеня на сайце realt.by зьявілася абвестка аб продажы бацькоўскай хаты Уладзімера Караткевіча ў Воршы. Менавіта ў гэтым доме Караткевіч напісаў сваё славутае “Дзікае паляваньне караля Стаха”. Аршанскія актывісты прапануюць усёй грамадой выкупіць дом і зрабіць у ім культурніцкую пляцоўку.