Віцебскім актывістам пагражае крымінальны перасьлед за дзейнасьць ад імя незарэгістраванай грамадзкай арганізацыі
Праверку дзейнасьці т.зв. Генэральнага савету па стварэньні грамадзкага аб'яднаньня «За сумленную ўладу» на прадмет парушэньня яго лідэрамі артыкулу 193-1 Крымінальнага кодэксу ладзіць Кастрычніцкі РАУС Віцебску. Калі ў выніку будзе выяўлена, што прыхільнікі «Сумленнай улады» зьдзейсьнілі злачынства, прадугледжанае згаданым артыкулам КК, ім пагражае пакараньне штрафам, арыштам ці пазбаўленьнем волі на тэрмін да 2-х гадоў.
Гісторыя адной сірaты: ад дзяржавы жытла не атрымала і неўзабаве стане бамжом
Аксана Юр'ева засталася зусім адна, без бацькоўскай апекі, вельмі рана, калі ёй быў усяго адзін год (тады яе мама была пазбаўленая бацькоўскіх правоў). Па спаўненьні 23-гадовага ўзросту, у адпаведнасьці з заканадаўствам, статус сіраты зь яе быў зьняты. Цяпер Аксане – 29, але ейнае жыцьцё па-ранейшаму не наладжанае: блізкімі людзьмі і сям'ёй абзавесьціся не атрымалася, а жытло, якое гарантуе сіротам дзяржава, ёй не далі.
Суд пакараў актывіста за абразу, якой не чуваць на аўдыёзапісе
Суд Наваполацку 10 сакавіка разгледзеў адміністрацыйную справу сябра БСДП Аляксея Жаўнова (Мілюкова) і прызнаў яго вінаватым у абразе намесьніка начальніка лячэбна-працоўнага прафілякторыя № 8 Яўгена Гуцула. Нягледзячы на тое, што паказаньні сьведкаў – супрацоўнікаў ЛПП – не пацьвердзіліся аўдыёзапісам, які прагучаў у судзе, судзьдзя Зінаіда Балаболава пакарала Жаўнова штрафам за парушэньне артыкулу 23.5 Кодэксу аб адміністрацыйных правапарушэньнях.
Віцебскія прадпрымальнікі: Дастаткова некалькіх канфіскацыяў – і сытуацыя выбухне
Індывідуальныя прадпрымальнікі Віцебску гатовыя падтрымаць масавую акцыю пратэсту, якую рэспубліканская грамадзкая арганізацыя «Пэрспэктыва» зьбіраецца правесьці 14 сакавіка ў Менску каля будынку Міністэрства па падатках і зборах. Нягледзячы на прэсінг з боку ўлады, барацьба за скасаваньне ўказу №222 будзе працягнутая.
Свабодны прафсаюз у Полацку абараніў звольненага рабочага
У судзе гораду Полацку адноўлены на працы на прадпрыемстве «Полацак-Шкловалакно» работнік цэху № 8 Аляксей. Рабочага звольнілі з 19 студзеня нібыта за прагулы. Наймальнік заводу ў судзе пагадзіўся выплаціць работніку зарплату за час вымушанага прагулу і прапанаваў міравое пагадненьне.
Віцебскія прадпрымальнікі вяртаюцца на рынкі
У гэтыя выходныя бальшыня прадпрымальнікаў Віцебску павярталася на свае працоўныя месцы. Перад 8– м сакавіка яны чакалі наплыву пакупнікоў і магчымасьці хоць неяк кампэнсаваць два месяцы вымушанага прастою.
Аздараўленчы лягер «Віцязь» выставяць на продаж
Лягер, які быў пабудаваны тэлевізійным заводам «Віцязь», знаходзіцца недалёка ад старой Віцебскай трасы побач зь вёскай Паграбёнка Сеньненскага раёну. ААТ «Віцязь» у выніку складанага фінансавага становішча быў вымушаны адмовіцца ад яго ўтрыманьня.
Работнікі з Паставаў: На прадпрыемстве прыдумалі суботнік, каб не плаціць нам грошай
У Беларусі працоўны дзень 7 сакавіка перанесьлі на суботу 5 сакавіка. Але не на ААТ «Паставымэбля». У рэдакцыю сайту charter97.org зьвярнуўся адзін з працаўнікоў гэтага прадпрыемства і распавёў, што кіраўніцтва на 5 сакавіка прызначыла суботнік. Гэта значыць, заробленыя ў гэты дзень грошы работнікі ня ўбачаць.
У Глыбокім дэманстравалі народныя строі
“Зараджэньне майстэрства” – тэатралізаванае прадстаўленьне пад такой назвай адбылося ў Глыбоцкім цэнтры традыцыйнай культуры і народнай творчасьці. Падчас мерапрыемства прайшла дэманстрацыя мясцовых старадаўніх народных касьцюмаў, створаных майстрамі Глыбоцкага дому рамёстваў. Імпрэза была прымеркаваная да году культуры.
У Білеве жыхары «ваююць» са старшынём таварыства ўласьнікаў
Ужо якую зіму віцебчукі, якія пражываюць па адрасе вул. Багатырова, 20, ня могуць пахваліцца цёплымі батарэямі ў кватэрах і добрым асьвятленьнем у ліфце дому. Пра тое, што праблема з батарэямі, як высьветлілася, ужо даўняя, паведаміла журналісту выданьня «Витебский курьер» Вольга, якая зьяўляецца чальцом таварыства ўласьнікаў «Амалія».