Адноўленая крымінальная справа па факце зьбіцьця віцебскага актывіста партыі БНФ
Па сканчэньні чатырох месяцаў з моманту ўзбуджэньня крымінальнай справы па факце зьбіцьця сябра партыі БНФ Аляксея Гудзіліна ён зьвярнуўся ў сьледчы камітэт, каб даведацца, як ідзе расьсьледаваньне справы. Высьветлілася: справу пасьпелі прыпыніць, прычым афіцыйна праінфармаваць пра гэта пацярпелага чамусьці не палічылі патрэбным. Затое літаральна на наступны дзень пасьля накіраваньня звароту ў СК была прынятая пастанова аб аднаўленьні справы, надоечы актывіст атрымаў адпаведнае паведамленьне.
Пракурор вобласьці прапанаваў рэанімаваць раскулачваньне
Пракурор Віцебскай вобласьці, прапанаваў увесьці канфіскацыю маёмасьці людзей, якія ня могуць растлумачыць, за якія грошы набытыя дарагія дамы і машыны. За 4 месяцы гэтага году ў Віцебскай вобласьці зьдзейсьнена 149 злачынстваў карупцыйнай накіраванасьці. Больш за палову зь іх - хабары.
Райвыканкам змушае арганізацыі задарма працаваць на фэрмах
Распавёў дырэктар аднаго з прадпрыемстваў Ушацкага раёну: “На гэтым тыдні ўсім арганізацыям гораду прыйшло распараджэньне з райвыканкаму: нават не спытаўшы згоды, нас замацавалі за жывёлагадоўчымі фэрмамі і прымушаюць штодня адпраўляць сваіх людзей у гаспадаркі і наводзіць парадак. Мы ўжо адпрацавалі там некалькі дзён, але зараз прыйшла тэлефанаграма, што 10-15 чалавек павінны прыехаць яшчэ і ў выходныя. У мяне язык не паварочваецца сказаць пра гэта сваім супрацоўнікам, якія і так увесь тыдзень на мяжы сіл працуюць. Людзям трэба даць адпачыць”.
Улады ледзь не сарвалі абласны сход БХД
Зьезд аб’яднаньня сябраў аргкамітэту па стварэньні партыі “Беларуская хрысьціянская дэмакратыя” Віцебшчыны быў ледзь не сарваны, пасьля таго як прадстаўнікі з вобласьці ня змаглі даехаць у Віцебск. Іх выклікалі на працы ў выходны дзень, паведаміў сустаршыня БХД Віталь Рымашэўскі:
Праваабаронцы патрабуюць, каб працэс над Гайдуковым быў адкрытым
«Беларускі Хэльсынскі камітэт» і праваабарончы цэнтар «Вясна» выступілі з сумеснай заявай, у якой заклікаюць зрабіць адкрытым працэс над Андрэем Гайдуковым. Актывіста вінавацяць у здрадзе дзяржаве. Крымінальная справа накіраваная ў Віцебскі абласны суд.
У Чашніцкім раёне заробкі выдавалі фаршам
У КУСП «Кашчынскае» Чашніцкага раёну мала таго, што пэрыядычна затрымліваюць выплату заработнай платы, дык і часткова выдаюць яе натуральнымі прадуктамі - дарагой кілбасой, тушанінай і нават фаршам. Пра гэта стала вядома, калі на гарачую лінію падчас маніторынгу працы выканаўчых і распарадчых ворганаў са зваротамі грамадзян і юрыдычных асоб у Чашніцкім раёне да старшыні Камітэту дзяржкантролю Рэспублікі Беларусь Аляксандра Якабсона датэлефанавалася працаўніца гаспадаркі Марыя Чарвінская.
Габрэйская канфэрэнцыя “Арт-Лімуд” праходзіць у Віцебску
З 31 траўня па 2 чэрвеня ў Віцебску праходзіць габрэйская міжнародная адукацыйна-культурна-забаўляльная канфэрэнцыя «Арт-Лімуд Беларусь». Гэткая канфэрэнцыя адбываецца ўпершыню ў Беларусі. Яна зарганізаваная ў межах міжнароднага адукацыйнага праекту «Лімуд-СНД» для габрэйскай моладзі краін былога СССР.
Улады ня хочуць, каб Смаляны сталі турыстычнай «Мэкай»?
Старшыня Віцебскай абласной рады партыі БНФ Леанід Аўтухоў атрымаў адказ на свой зварот на імя губэрнатара Аляксандра Косінца наконт захаваньня гісторыка-культурнай спадчыны ў мястэчку Смаляны пад Воршай. Як вынікае з адказу за подпісам намесьніка старшыні аблвыканкаму Ўладзімера Цярэнцьева, з трох просьбаў, выказаных у звароце, улады вобласьці вырашылі задаволіць толькі адну.
Бээнэфаўцы добраўпарадкавалі пахаваньне ахвяр камунізму пад Віцебскам (відэа)
29 траўня віцебскія актывісты добраўпарадкавалі пахаваньне ахвяр сталінізму каля вёскі Паляі Віцебскага раёну. Тут у 1930-50-я гады адбываліся расстрэлы мірных грамадзян. Некалькі гадоў таму каля вёскі Паляі зьявіліся першыя крыжы, усталяваныя ў памяць пра бязьвінных ахвяраў. Некалькі разоў крыжы зьнішчалі, але зьяўляліся новыя. Цяпер мэмарыял, зроблены рукамі актывістаў, уяўляе сабой 5 драўляных і два зялезныя крыжы. Адзін з крыжоў вышынёй пад 6 мэтраў з надпісам «Ахвярам таталітарнага рэжыму».
Віцебскія гаварыпраўдаўцы хочуць ведаць, куды ідуць іх грошы
Актывісты “Гавары праўду” зь Віцебску правялі падпісную кампанію пад патрабаваньнем да мясцовых уладаў даць справаздачу аб расходаваньні сродкаў гарадзкога бюджэту. Пад зваротам, адрасаваным у мясцовыя выканаўчыя ворганы ўлады “Хочам ведаць, куды ідуць нашы грошы!», падпісалася звыш зп пяцьдзясят чалавек.