Палітвязьня Жамчужнага зноў будуць судзіць
«24 студзеня нечакана, без усялякіх прычынаў мяне выклікалі на камісію і паведамілі, што накіруюць справу ў суд на зьмяшчэньне мяне на тры гады ў турму. Напэўна, гэта будзе Гародня, таму адрас можа зьмяніцца», – пасьля двухмесячнага маўчаньня паведаміў віцебскім праваабаронцам палітвязень Міхаіл Жамчужны.
У Віцебску апазыцыя падтрымала акцыю «дармаедаў»
Напярэдадні чарговага сходу грамадзян, якія выступаюць супраць дэкрэту № 3, Віцебская кааліцыя Беларускага нацыянальнага кангрэсу распаўсюдзіла адозву да жыхароў гораду, у якой падтрымала акцыю пратэсту. Мяркуецца, сход адбудзецца на плошчы Перамогі 26 лютага. У першым такім сходзе тыднем раней ніхто зь мясцовых лідэраў апазыцыйных партыяў і рухаў ня ўдзельнічаў.
Агульнанацыянальную дыктоўку ў Віцебску напісалі ў дзясяты раз
Сьвята роднай мовы прайшло ў абласной бібліятэцы 22 лютага. Прыхільнікі беларускага слова, якія рызыкнулі праверыць свае веды па роднай мове, напісалі дыктоўку паводле апавяданьня Янкі Брыля.
Палачане занепакоеныя выкарыстаньнем вучняў на сельгасработах
У Полацку 19 лютага адбылася дыскусія наконт недапушчальнасьці выкарыстаньня дзіцячай прымусовай працы ў навучальным працэсе.
Віцебскі праваабаронца: Для нашага суду рашэньне гарвыканкаму вышэйшае за Канстытуцыю
Суд Чыгуначнага раёну Віцебску адмовіў праваабаронцу Паўлу Левінаву ў задавальненьні скаргі на дзеяньні намесьніцы кіраўніка раённай адміністрацыі Натальлі Ляпёшкінай, якая забараніла яму правядзеньне паўгадзіннага пікету.
Ініцыятыва «Хайсы» прапануе ўладам адзначыць 80-ю гадавіну «Вялікага тэрору»
14 лютага прайшло чарговае паседжаньне аргкамітэту па стварэньні грамадзянскай ініцыятывы «Хайсы». Грамадзкія актывісты прыгадалі зьдзейсьненае за 2016 год і склалі плян працы на найбліжэйшы час.
Хваля абурэньня дэкрэтам № 3 дакацілася да Віцебску
У Віцебску, як і ў іншых буйных гарадох краіны, 19 лютага адбыўся стыхійны сход месьцічаў, ня згодных з патрабаваньнямі т.зв. «Дэкрэту аб дармаедах». У горадзе на Дзьвіне не было тысячаў удзельнікаў, як, прыкладам, у гэты дзень у Гомелі ці раней у сталіцы. Але больш як 200 чалавек, не задаволеных сытуацыяй у краіне, што сабраліся разам на плошчы Перамогі, – такога тут не бывала ад часоў «маўклівых акцыяў» 2011 году.
Жанчыны-апазыцыянэркі аб’ядноўваюцца для адстойваньня сваіх сацыяльных інтарэсаў
Жаночая суполка Беларускай сацыял-дэмакратычнай партыі - Грамада (БСДП) абмеркавала, якія захады яны могуць рабіць супольна дзеля вырашэньня агульных праблем жанчын: беспрацоўе, нізкія заробкі і г.д. У сустрэчы ў Наваполацку ўдзельнічалі сябры партыі зь Віцебскай вобласьці і запрошаныя прадстаўнікі грамадзкіх арганізацыяў Полацкага рэгіёну.
Полацкі ўнівэрсытэт даў адказ наконт антыўкраінскіх выказваньняў дацэнта Дадонава
У студзені некаторыя карыстальнікі сацыяльных сетак сталі зьвяртаць увагу на вельмі рэзкія выказваньні дацэнта Полацкага дзяржаўнага ўнівэрсытэту Алега Дадонава. Не выбіраючы выразаў, Даданоў кляйміў украінскіх «бандэраўцаў і нацыстаў».
Аддзел прымусовага выкананьня Віцебскага раёну пераехаў
Цяпер ён разьмяшчаецца ў абласным цэнтры па адрасе вул. Кірава, д. 7/13. Цяперашнія камфортныя габінэты з сучаснай аргтэхнікай і новай мэбляй не параўнаць з ранейшымі зацеснымі ўмовамі ў былым памяшканьні раённага суду. Улазіны сабралі шмат гасьцей: прадстаўнікоў органаў улады, вышэйстаячых арганізацыяў, праваахоўнага ведамства, калегаў.