Затрыманы Барыс Хамайда
Сёння ранкам сілавікі правялі ператрус у 76-гадовага віцебскага грамадскага актывіста і затрымалі яго самога. Прычына затрымання пакуль не вядомая. Не выключана, што ў ягоным тэлефоне будуць шукаць прыкметы адміністрацыйнага правапарушэння паводле ч.2 арт. 19.11 – распаўсюд так званых «экстрэмісцкіх» матэрыялаў.
Праз 45 гадоў ізноў гучыць савецкая рыторыка пра тое, што ўдзел СССР у Афганскай вайне быў неабходны
У гэтым праз дзяржСМІ спрабуюць пераканаць жыхароў Віцебскай вобласці – рэгіёна, дзе памяць пра афганскую вайну надзвычай балючая. «Введение советских войск в Афганистан было правильным ходом, оправданным шагом, который помог предотвратить вторжение в пограничные с ним республики Советского Союза», - заяўляе ў інтэрв'ю газеце «Витебские вести» жыхар Полацка Сяргей Пузікаў, былы «афганец». На загад ідэалагічных службаў ён, мусіць, мог бы і паказаць, «откуда на нас готовилось нападение»...
Выбарная кампанія ў абласны прадстаўнічы орган улады пакуль не з'яўляецца «ўзорам дэмакратыі»
У Віцебскі абласны Савет дэпутатаў сярод прэтэндуючых на дэпутацкае крэсла практычна няма канкурэнцыі, парушаны гендэрны баланс, адсутнічаюць прадстаўнікі ад рабочых і сялян, а таксама намеціўся ўнутрыпартыйны "дамоўнячок". Калі такая тэндэнцыя захаваецца пасля рэгістрацыі кандыдатаў, то можна будзе канстатаваць аб поўнай дэградацыі гэтага інстытута мясцовага прадстаўнічага органа ўлады.
За правядзенне незаконнага пікету ўлады арыштавалі працаўніка гандлю
Суддзя суда Глыбоцкага раёна Аляксандр Аляксеенка 11 студзеня за парушэнне парадку арганізацыі і правядзення пікетавання ў сацыяльных сетках пакараў арыштам на 10 сутак загадчыка аддзела мясцовай крамы Аляксандра Зарэмбу.
Як у Беларусі парушаецца прынцып: “Ніхто не павінен быць паўторна асуджаны за адное і тое ж правапарушэнне”.
У Беларусі існуе артыкул 411 Крымінальнага кодэкса (злоснае непадпарадкаванне патрабаванням адміністрацыі папраўчай установы), паводле якога па ініцыятыве адміністрацыі калоній і турмаў зняволеным могуць бясконца дадаваць тэрмін. Узбуджэнне новай крымінальнай справы — адзін з галоўных страхаў палітвязняў, якія адбываюць тэрміны ў папраўчых установах. За апошнія тры гады супраць 33 палітвязняў узбудзілі крымінальныя справы паводле гэтага артыкула, а супраць некаторых з іх — двойчы.
У Талачынскім раёне ў 2023 годзе нарадзілася на 28 дзяцей менш, чым год таму
За 12 месяцаў мінулага года ў раёне зарэгістравана 137 нованароджаных дзяцей, а годам раней у раёне нарадзілася 165 дзяцей. Г.зн. назіраецца адмоўная дынаміка ў раёне 17% па колькасці дзяцей, якія з'явіліся на свет. Такім чынам на Талачыншчыне фарміруецца «дэмаграфічная яма», якая праз 20-25 гадоў будзе адмоўна ўплываць на мясцовую эканоміку і сацыяльную структуру мясцовай супольнасці.
Суд спыніў адміністрацыйную справу за «экстрэмізм» у сацыяльнай сетцы
Суддзя суда Першамайскага раёна Віцебска Міхаіл Юрчанка 27 снежня не стаў караць за «экстрэмізм» у сацыяльнай сетцы ўраджэнца Расійскай Федэрацыі беспрацоўнага жыхара Віцебска Эдуарда Тарканоўскага. Работнікі міліцыі не змаглі даказаць вінаватасць маладога чалавека.
У Віцебску патэнцыйны кандыдат у дэпутаты даў інтэрв'ю да пачатку агітацыйнай кампаніі
З 31 студзеня па 24 лютага ў Віцебскім рэгіёне будзе праходзіць перадвыбарчая агітацыя. Але ўжо зараз, у парушэнне выбарчага закону, некаторыя прэтэндэнты на крэсла дэпутата пачалі сваю агітацыйную кампанію ў СМІ. Першым у Віцебску выпадкам ускоснай агітацыі стала інтэрв'ю вайсковага камісара Віцебскай вобласці Руслана Шкодзіна, які збіраецца стаць дэпутатам у Палату прадстаўнікоў па Віцебскай-Чыгуначнай № 19 выбарчай акрузе. Інтэрв'ю з'явілася ў суботу, 20 студзеня, на сайце дзяржаўнага СМІ газеце "Віцьбічы", якое за суткі праглядзела больш за 1500 патэнцыйных выбаршчыкаў.
15 сутак арышту прысудзілі жыхару Наваполацка, які патэлефанаваў у міліцыю і сказаў «Слава Украіне»
Справу Барыса Казельскага 12 студзеня разбірала суддзя наваполацкага гарсуда Зінаіда Балаболава. Паводле судовай пастановы, 22 снежня мінулага года жыхар Наваполацка парушыў заканадаўства аб масавых мерапрыемствах. Парушэнне палягала ў тым, што мужчына набраў нумар 102 і сказаў дзяжурнаму, які ўзяў слухаўку, «Слава Украіне». Суддзя вырашыла, што шляхам «публічнага ажыццяўлення званка» Казельскі «правёў несанкцыянаванае пікетаванне без дазволу Наваполацкага гарвыканкама, выказваючы свае грамадска-палітычныя, асабістыя і іншыя інтарэсы». І, паводле арт. 24.23 КаАП, мае быць арыштаваным на 15 сутак.
Віцяблян запалохваюць вайной – як інфармацыйнай, так і рэальнай
Мэта відавочная: пераканаць людзей, што адзіны гарант мірнага існавання – гэта Аляксандр Лукашэнка, і што толькі наяўныя ўладныя структуры могуць утрымаць Беларусь ад уцягвання ў баявыя дзеянні. Але пра небяспеку з боку «НАТА і яго саюзнікаў» трэба памятаць штохвіліны, і «кожны чалавек павінны зрабіць усё магчымае для ўзмацнення абароназдольнасці краіны». Працытаваныя словы належаць Валяр'яну Мацкевічу, старшыні Віцебскай абласной арганізацыі Беларускага саюзу ветэранаў вайны ў Афганістане. Абласная газета «Витебские вести» надрукавала ягонае меркаванне адносна цяперашняй палітычнай сітуацыі ў Беларусі.