У Лепелі школьніка засыпала пяском. Дзіця загінула
3 ліпеня каля 17:00 у Лепелі недалёка ад пляжу на Лепельскім возеры пяском засыпала 11-гадовага хлопчыка. Школьнік прыехаў на вакацыі да бабулі і разам з двума аднагодкамі пайшоў гуляцца на гарадзкі пляж. Дзеці выкапалі ў пяшчаным абрыве нару і залазілі туды. Раптам грунт абваліўся і цалкам засыпаў аднаго з хлопчыкаў.
Віцебскі абласны суд не дапамог партыйнаму актывісту зь Мёраў аднавіцца на працы
У судзе другой інстанцыі сябра АГП Сяргей Васільеў хацеў давесьці памылковасьць высновы Мёрскага райсуду, які прызнаў яго вінаватым у знаходжаньні на працы ў нецьвярозым стане. Гэтае правапарушэньне стала падставай для звальненьня апазыцыянэра. Калі б абласны суд стаў на яго бок, ён змог бы аднавіцца на працы.
«Я і ІЧУ. Асабісты погляд». Частка 5: Ворша, Павал Севярынец
У працяг тэмы пра ізалятары часовага ўтрыманьня Віцебскай вобласьці падаём расповед сустаршыні стваранай партыі БХД Паўла Севярынца. Павал, як былы палітвязень, добра знаёмы з пэнітэнцыярнай сыстэмай Беларусі. Сёлета ён быў пакараны 15-цю суткамі арышту пасьля «Маршу недармаедаў» у Воршы, што адбыўся 12 сакавіка.
Вязень зь Лепеля: За працу на зоне – 60 капеек заробку на месяц
24-гадовы жыхар Лепеля Васіль Грахоўскі днямі вызваліўся з папраўчай калёніі № 9 у Горках, што на Магілёўшчыне. Хоць гэта ўжо ня першая «ходка» для маладога чалавека, апошнія паўтара году сталі для яго асабліва суворым выпрабаваньнем.
Наваполацкі ЛПП ізноў ператвораць у папраўчую калёнію
У мэтах аптымізацыі структуры крымінальна-выканаўчай сыстэмы МУС у Наваполацку ліквідуюць лячэбна-працоўны прафілякторый №8 і створаць на яго базе папраўчую калёнію №1. Адпаведны ўказ №223 апублікаваны на Нацыянальным прававым інтэрнэт-партале.
Суд Глыбокага адклаў вынясеньне выраку абвінавачаным у незаконнай міграцыі
29 чэрвеня ў Глыбокім працягнуўся судовы разгляд справы аб арганізацыі незаконнай міграцыі, у якой абвінавачваюць дваіх грамадзян Беларусі і англічаніна Алана Сьміта. Хоць на ранейшым судовым паседжаньні ўжо прагучала апошняе слова падсудных, вырак, абвяшчэньня якога чакалі, аб'яўлены ня быў. Судзьдзя заявіў пра новавыяўленыя акалічнасьці і вярнуў разбор справы на этап судовага сьледзтва.
Жыхарка Віцебску дамагаецца, каб зь вязьнямі Шклоўскай калёніі сустрэўся пракурор
Жыхарка Віцебску Аксана Ісакава кажа, што яе сын Віктар Селязьнёў і грамадзянскі муж Аляксандар Кудраўцаў, якія адбываюць пакараньне ў Шклоўскай калёніі № 17, у небясьпецы. Жанчына непакоіцца, што іхнае жыцьцё пад пагрозаю. Паводле яе, асуджаныя патрабуюць сустрэчы з пракурорам, але ім такой магчымасьці не даюць.
Віцяблянка паверыла расейскаму TV: змарнавала $120 000 і ледзь ня скончыла самагубствам
«Я прайшла праз усё гэтае пекла. І вырвалася. Цяпер хачу перасьцерагчы іншых, каб не траплялі ў сеціва махляроў», – кажа Людміла Германава. Жанчына стала ахвярай расейскіх тэлеэкстрасэнсаў – пералічыла ім 120 тысяч даляраў. Цяпер у пазыках, прадае кватэру і машыну, каб разьлічыцца зь людзьмі.
Віцебск: Сьледчы камітэт завяршыў расьсьледаваньне справы пра зьнявагу сьцягу
Крымінальная справа была распачатая пракуратурай Віцебску. У злачынстве абвінавачвааюць 44-гадовага жыхара абласнога цэнтру. Падрабязнасьці справы паведаміла афіцыйная прадстаўніца УСК па рэгіёне Сьвятлана Сахарава.
«Барадулінкі-2017» прайшлі ў Віцебску
Двор арт-прасторы на Талстога, 7 быў на цэлы дзень аддадзены музыкам, народным майстрам, гандлярам кнігамі. Традыцыйны фэстываль літаратуры і музыкі «Барадулінкі» прайшоў у Віцебску 25 чэрвеня.