У Глыбокім дэманстравалі народныя строі
“Зараджэньне майстэрства” – тэатралізаванае прадстаўленьне пад такой назвай адбылося ў Глыбоцкім цэнтры традыцыйнай культуры і народнай творчасьці. Падчас мерапрыемства прайшла дэманстрацыя мясцовых старадаўніх народных касьцюмаў, створаных майстрамі Глыбоцкага дому рамёстваў. Імпрэза была прымеркаваная да году культуры.
У Білеве жыхары «ваююць» са старшынём таварыства ўласьнікаў
Ужо якую зіму віцебчукі, якія пражываюць па адрасе вул. Багатырова, 20, ня могуць пахваліцца цёплымі батарэямі ў кватэрах і добрым асьвятленьнем у ліфце дому. Пра тое, што праблема з батарэямі, як высьветлілася, ужо даўняя, паведаміла журналісту выданьня «Витебский курьер» Вольга, якая зьяўляецца чальцом таварыства ўласьнікаў «Амалія».
Віцебскія сябры КХП БНФ хочуць адзначыць Дзень Волі
Пяцёра жыхароў Віцебску, сяброў КХП БНФ, зьвярнуліся ў адміністрацыі Першамайскага і Чыгуначнага раёнаў Віцебску па дазвол правесьці акцыі да 98-х угодкаў утварэньня Беларускай Народнай Рэспублікі.
Ураджэнец Воршы Ігар Станкевіч знайшоў імёны траіх рэпрэсаваных, якія не праходзілі па іншых сьпісах
Поўнага сьпісу людзей, якія трапілі пад сталінскія рэпрэсіі ў Беларусі, дагэтуль няма. Найвяликшы сьпіс на сёньняшні дзень сабраны арганізацыяй «Мартыралёг Беларусі», але і ён далёка ня поўны, хоць зьмяшчае імёны некалькіх дзясяткаў тысяч рэпрэсаваных. Ігар Станкевіч вывучае свой род і ў працэсе збору матэрыялаў знайшоў яшчэ траіх рэпрэсаваных, якіх не было ў ніводным даступным сьпісе.
Сярод злосных неплацельшчыкаў зарплаты зь вялікім адрывам лідзіруе Віцебскі рэгіён
Фінансавая дзірка, у якую выцякаюць зарплаты некаторых беларускіх прадпрыемстваў, усё шырыцца з кожным днём. Асноўную масу такіх арганізацыяў складаюць, вядома ж, сельгаспрадпрыемствы. Пры гэтым, прааналізаваўшы інфармацыю Белстату, мы высьветлілі, што ў эпіцэнтры катастрофы знаходзіцца менавіта Віцебская вобласьць.
Вымушаныя перасяленцы з Украіны абжываюцца ў Гарадоцкім раёне
30-гадовы Хведар Баркалаў прыехаў у Беларусь пасьля пачатку вайны на Данбасе. Цяпер разам зь сям’ёй ён пражывае ў вёсцы Віраўля, што ў Гарадоцкім раёне. Вымушаны перасяленец з Украіны ласкава адказаў на пытаньні нашага карэспандэнта.
Жыхары Віцебску просяць мітрапаліта Паўла выратаваць дрэвы ў парку, дзе зьбіраюцца будаваць сабор
У сусьветнай сетцы разьмешчаная пэтыцыя віцебчука Яраслава Вайновіча, які зьвяртаецца да мітрапаліта Менскага і Заслаўскага Паўла, патрыяршаму экзарха ўсяе Беларуси, з просьбай пра выратаваньне дрэваў у віцебскім парку, у якім зьбіраюцца будаваць Сафійскі сабор.
Віцебская абласная арганізацыя БНФ рыхтуецца да выбараў
У нядзелю, 28 лютага, у Віцебску адбылася справаздачна-выбарная канфэрэнцыя абласной арганізацыі партыі БНФ. Партыйцы выбралі новы склад абласной рады. Яе новым старшынём стаў Кастусь Смолікаў, кандыдатуру якога сябры рады падтрымалі адзінагалосна.
Факультэт правоў чалавека ў Віцебску пад забаронай
Дырэктар дзяржаўнай установы «Тэрытарыяльны цэнтар сацыяльнага абслугоўваньня насельніцтва» (ТЦСАН) Першамайскага раёну Віцебску Тацьцяна Старынская адмовіла віцебскім праваабаронцам у адкрыцьці пры Народным сацыяльным унівэрсытэце факультэту правоў чалавека. Сваю адмову чыноўніца матывавала тым, што ў праваабаронцаў адсутнічае профільная юрыдычная адукацыя.
Пэнсіянэр – «адпрацаваны матэрыял» для «сацыяльна арыентаванай» дзяржавы? (відэа)
Дзяржаўныя службоўцы і разнамасныя прапагандысты афіцыйных мэдыяў не стамляюцца даводзіць паспалітаму люду, наколькі добра ў Беларусі жывецца простаму чалавеку, наколькі дбайна дзяржава апякуецца кожным грамадзянінам. Але калі ўспрымаць рэчаіснасьць не праз карцінку ў тэлепрыёмніку, а зірнуць на жыцьцё ўласным вокам, вера ў словы афіцыйнай прапаганды губляецца.