Міністр энергетыкі: Там дзе ёсць газіфікацыя, электраацяплення не будзе
Міністр энергетыкі Беларусі Віктар Каранкевіч правёў асабісты прыём грамадзян у Докшыцах. Усе звароты, з якімі звярнуліся да яго жыхары раёна, датычыліся падключэння электраацяплення ў жылых дамах. Міністр даў людзям наступныя тлумачэнні.
Палітвязню Алегу Яфрэменку дадалі яшчэ адзін год зняволення
У судзе Горацкага раёна 25 ліпеня палітвязня ўжо другі раз асудзілі па ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Суддзя Алена Вараб’ёва прызначыла Алегу яшчэ адзін год зняволення. Раней палітвязню ўжо ўзмацнялі рэжым: у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым у Магілёў, а летась дадалі год калоніі за "непадпарадкаванне" адміністрацыі магілёўскай турмы.
У Наваполацку рыхтуюць ваенізаванае мерапрыемства з удзелам расейскіх выступоўцаў
Да Дня ВДВ, які ў Беларусі адзначаюць у першыя выходныя жніўня, у Наваполацку пройдзе Міжнародны фестываль- свята патрыятычнай і армейскай песні «Сінева». Статус «мІжнароднага» фестываль займеў, дзякуючы ўдзелу артыстаў з Расеі, а таксама анансаваны выступ груп «Перевал» з Латвіі і «Motor-roller» з Казахстана. Апошняя група вядомая тым, што ў сваёй творчасці настальгуе па часах СССР, а яе лідар Ілляс Аутаў заклікае да аб’яднання і падтрымкі «былых рэспублік вялікай краіны» і адкрыта дэманструе сваю прарасейскую пазіцыю.
Напярэдадні новых выбараў дэпутаты «пайшлі ў народ». Але народ дэманструе недавер да органаў улады
Чалец Савета Рэспублікі Нацыянальнага сходу, старшыня Наваполацкага гарвыканкама Дзмітрый Дзямідаў правёў прамую тэлефонную лінію і асабісты прыём у Расонах. Наваполацкая «Новая газета» пафасна зазначыла, што «сенатор неравнодушен к чаяниям и обращениям избирателей, а те, в свою очередь, ему доверяют и убеждены в поддержке со стороны власти».
Прызнаны палітвязнем жыхар Паставаў, улады якога падазраюць у фінансаванні экстрэмізму
Менскім гарадскім судзе з 17 красавіка нібыта судзяць у межах арт. 361-2 (Фінансаванне экстрэмісцкай дзейнасці) КК жыхара Пастаў Віцебскай вобласці палітвязня Дзмітрыя Селядцова. Старшынюе на працэсе суддзя Зянькевіч Валянціна.
Жонцы вярнуўся яе ліст да Мікалая Статкевіча з фармулёўкай «адмова ад атрымання»
Жонка палітвязня Марына Адамовіч паведаміла на сваёй старонцы ў Фэйсбуку, што ёйпа пошце вярнулі ліст, напісаны да мужа. На ім пазнака «адмова ад атрымання». Падобна, ад атрымання карэспандэнцыі адмовіўся не сам адрасат, а кіраўніцтва Глыбоцкай калоніі №13, дзе ўтрымліваюць зняволенага апазіцыйнага палітыка. Пяць з паловай месяцаў жонцы не даходзяць лісты ад Статкевіча, і яна нічога не ведае ні пра стан ягонага здароўя, ні пра ўмовы ўтрымання. Цяпер у калоніі вырашылі «ізаляваць» ад лістоў з волі і палітвязня.
Аршанскія ўлады абвясцілі апытанне гараджан, але выказаць сваё меркаванне ім няма дзе
У мясцовай «Аршанскай газеце» з’явілася абвестка пра тое, што мясцовыя ўлады праводзяць інтэрнэт-апытанне, дзе ў горадзе найлепей было б збудаваць Палац шлюбаў. Сваімі меркаваннямі аршанцаў прасілі падзяліцца на афіцыйным сайце райвыканкама ў раздзеле «Апытанні». Аднак такой старонкі на сайце проста не існуе: на яе нельга ні перайсці па спасылцы з абвесткі ў газеце, ні адчыніць непасрэдна з сайта. Дык ці насамрэч улады цікавяцца меркаваннямі гараджан?
За падпіску на 7 «экстрэмісцкіх» СМІ жыхара Наваполацка ўлады пакаралі арыштам
Суддзя суда Наваполацка Зінаіда Балаболава 7 ліпеня пастанавіла арыштаваць на 15 сутак Сяргея Крупкіна. На думку суддзі мужчына вінаваты ў распаўсюджванні "экстрэмізму" ў сацыяльных сетках.
«Магчыма, варта рыхтавацца да горшага» — Таццяна Севярынец
Таццяна Севярынец, маці палітыка, распавяла «Народнай Волі» пра апошнія навіны ад сына, асуджанага на сем гадоў калоніі.
У Чашніках падлетка – ахвяру сэксуальнага гвалту – пакаралі накіраваннем у спецустанову
Пра выпадак, калі падлетка, што не мае бацькоў, прызналі малалетнім злачынцам і накіравалі ў спецыяльную лячэбна-выхаваўчую ўстанову, напісала раённая газета «Чырвоны прамень». У артыкуле робіцца акцэнт на тое, што дзіця вырасла непаслухмяным і «ступіла на слізкі шлях», але толькі мімаходзь згадваецца, што пад дзяржаўнай апекай хлопец знаходзіўся з ранняга маленства --з 2011г., і за 12 гадоў ні сацыяльныя ўстановы, ні школа, ні прыёмныя сем’і не змаглі выхаваць яго належным чынам. Таксама толькі згадкі адпаведных артыкулаў Крымінальнага кодэксу даюць чытачу зразумець (а не абазнаны чытач проста не зверне на гэта ўвагі), што падлетак, які знаходзіўся пад апекай дзяржавы, стаў ахвярай сэксуальнага гвалту.