Пляны ясныя, задачы пастаўленыя. За работу, таварышы праваабаронцы!
У сакавіку 2017 году віцебская кааліцыя праваабарончых арганізацыяў і ініцыятываў завяршыла мерапрыемствы па стратэгічным плянаваньні сваёй дзейнасьці да 2020 году. Праваабаронцы распрацавалі і прынялі ў якасьці кіравальнага дакумэнту Стратэгічны плян дзеяньняў і разьвіцьця праваабарончага сэктару Віцебскай вобласьці.
Кіраўніцтва прадпрыемства скардзіцца міністру інфармацыі на прафсаюз
Інфармацыйная праца Свабоднага прафсаюзу беларускага «дэстабілізуе працоўныя адносіны» на заводзе ААТ «Полацак-Шкловалакно». З такой скаргай адміністрацыя прадпрыемства зьвярнулася да міністра інфармацыі Рэспублікі Беларусь 4 красавіка на асабістым прыёме міністра ў Полацку.
Міліцыя вывучае міжнародныя правілы
Рабочыя полацкага заводу «Шкловалакно» накіравалі кіраўніку абласнога УУС памятку для міліцыянтаў аб выконваньні міжнародных стандартаў правоў працоўных на аб'яднаньне ў прафсаюз. Віцебскі абласны начальнік міліцыі грамадзкай бясьпекі Аляксандар Руколь заявіў, што міліцыянты вывучаюць правілы прымяненьня міжнародных дамоваў і паабяцаў даць адказ пісьмова.
Вадзім Кузьмін: У Чарнобыльскай зоне мы былі апошнімі перад развалам СССР
Напярэдадні чарговай гадавіны тэхнагеннай катастрофы на Чарнобыльскай АЭС наш карэспандэнт сустрэўся з падпалкоўнікам у адстаўцы Вадзімам Мікалаевічам Кузьміным, які разам з асабовым складам вайсковай часткі выконваў работы па дэзактывацыі забруджанай тэрыторыі ў 30-кілямэтровай зоне.
Да праваабаронцы прыйшлі органы апекі
Да полацкага праваабаронцы Юрыя Бельскага 21 красавіка дахаты прыйшлі прадстаўнікі органа апекі і папячыцельства Полацкага райвыканкаму. Гэта яшчэ адно наступства прыцягненьня грамадзкіх актывістаў да адміністрацыйнай адказнасьці па надуманых абставінах у пэрыяд грамадзянскіх акцыяў, якія прайшлі ў краіне.
Левыя Віцебску адсьвяткавалі дзень народзінаў Леніна
Ужо традыцыйна 22 красавіка, у дзень нараджэньня лідэра сусьветнага пралетарыяту Ўладзіміра Ільліча Леніна, віцебскія левыя, прадстаўнікі партыі «Справядлівы Сьвет» (былой «Партыі камуністаў беларускай»), зьбіраюцца ў цэнтры гораду ля помніка правадыру, каб адзначыць знакавую для іх дату ўскладаньнем кветак.
Сябры грамадзянскай ініцыятывы «Хайсы» маюць пытаньні да ўладаў
Калі грамадзкасьць не запатрабуе праўдзівага расьсьледаваньня, парэшткі рэпрэсаваных ізноў пахаваюць як ахвяраў фашыстаў, упэўненыя актывісты аргкамітэту грамадзянскай ініцыятывы «Хайсы».
Суд над Міхаілам Жамчужным: вытворчасьць па справе аб пераводзе ў турму спыненая
Суд па пераводзе праваабаронцы Міхаіла Жамчужнага з калёніі на турэмны рэжым утрыманьня працягнуўся 21 красавіка ў судзе Барысаўскага раёну.
Пракуратура праверыць правамернасьць ператрусу ў офісе прафсаюзу
Абласная пракуратура арганізуе праверку дзейнасьці супрацоўнікаў полацкай міліцыі, якія ўчынілі ператрус у офісе Свабоднага прафсаюзу рабочых заводу «Полацак-Шкловалакно». Адпаведнае даручэньне накіраваў у Віцебск намесьнік начальніка па наглядзе за органамі дазнаньня Генэральнай пракуратуры Аляксей Каўзуновіч.
Удзельніка лютаўскага маршу «недармаедаў» у Віцебску прысудзілі да 15-ці сутак арышту
20 красавіка ў Кастрычніцкім райсудзе Віцебску адбыўся суд над чарговым удзельнікам несанкцыянаванай акцыі ў горадзе. Адметна, што абвінавачаны ў парушэньні адміністрацыйнага кодэксу, Лынша Юры Аляксандравіч, не зьяўляецца жыхаром Віцебску, а прыехаў зь Менску і, паводле яго словаў, у дзень акцыі выпадкова апынуўся ў цэнтры гораду.