Віцебскія гарадскія ўлады пазначылі месцы, дзе нельга збіраць подпісы
Віцебскі гарвыканкам 7 снежня абазначыў месцы, у якіх забаронена правядзенне пікетаў для збору подпісаў выбаршчыкаў па вылучэнні кандыдатаў у дэпутаты Палаты прадстаўнікоў і мясцовых Саветаў дэпутатаў. Фактычна ўсе людныя месцы горада аказаліся пад забаронай, тым самым улады зрабілі маргінальным працэс збору подпісаў.
Да 15 гадоў або пажыццёвае зняволенне: дзейнасць Аляксея Талая ва Ўкраіне разглядаецца ў межах крымінальнай справы
Дзейнасць ураджэнца Оршы, паралімпійца і матывацыйнага трэнера Аляксея Талая па незаконным перамяшчэнні ўкраінскіх дзяцей з часова акупаванай тэрыторыі Украіны расследуецца паводле двух першых частак артыкулу 438 Крымінальнага кодэкса Украіны — парушэнне законаў і звычаяў вайны.
У Наваполацку працягваюцца затрыманні, падчас якіх людзей апытваюць пра Сяргея Ерамеева і правяраюць на паліграфе
Агульная колькасць тых, хто прайшоў праз затрыманні, невядомая. Кагосьці адпускаюць пасля шматгадзіннай гутаркі пра знаёмства з Сяргеем Ерамеевым, затрыманым ФСБ за дывэрсію на БАМе, кагосьці вязуць адразу ў суд і караюць па адміністрацыйным артыкуле 19.11 -- калі ў тэлефоне знаходзяць «экстрэмісцкія» падпіскі. Некаторых пакідаюць да суду ў ізалятары часовага ўтрымання – верагодна, каб застрашыць на перспектыву. Пра крымінальныя справы распачатыя супраць кагосьці з затрыманых апошнімі днямі, пакуль не чуваць. Затрыманні і допыты працягваюцца з 8 снежня.
Віцебскія ўлады задумалі ўсталяваць флагшток у цэнтры горада. І робяць выгляд, што раяцца з жыхарамі
Пару тыдняў таму на сайце гарвыканкама з“явілася абвестка пра «папярэдняе інфармаванне» віцяблян наконт новага гарадскога аб“екта пад назвай «Флагшток на плошчы 1000-годдзя Віцебска». Маўляў, інфармуем: справа вырашаная. Але цяпер на сайце гарадской газеты «Витьбичи» апублікавалі апытанку з просьбай да гараджанаў пазначыць, дзе яны хочуць бачыць той флагшток – на плошчы Перамогі, каля канцэртнага зала «Віцебск», у парку каля Лядовага палаца або ў «іншым месцы». Гарадскія ўлады вырашылі зрабіць выгляд, што іх хвалюе думка мясцовых жыхароў, але чамусьці ў апытанцы няма варыянта адказу «Флагшток у Віцебску зусім не патрэбны».
Распачала работу Віцебская абласная камісія па выбарах дэпутатаў
На першым паседжанні Віцебскай тэрытарыяльнай выбарчай камісіі 8 снежня былі абраныя старшыня, намеснік старшыні і сакратар. З 13 яе сяброў 11 маюць досвед працы ў абласной камісіі, 2 – новых. Прысутныя склалі і зацвердзілі графік дзяжурстваў і рэжым працы. Назіральнікі на паседжанні камісіі адсутнічалі.
За падпіску на «экстрэмісцкі» інфарэсурс ўлады пакаралі арыштам беспрацоўнага
Суддзя суда Аршанскага раёна і Оршы Мікалай Драгуноў 5 снежня за захоўванне ў сацыяльнай сетцы «экстрэмісцкіх» публікацый арыштаваў на 8 сутак мясцовага жыхара бацькі двух непаўналетніх дзяцей беспрацоўнага Уладзіміра Мяжуева.
Жыхары Віцебску сталі менш звяртацца ў мясцовы выканкам
За адзінаццаць месяцаў бягучага года ў Віцебскі гарвыканкаме паступіла больш за 2 тыс. зваротаў, прычым 40 працэнтаў з іх або 800 паступілі па электроннай сістэме. За гэты час работнікі выканкама правялі 81 прыём грамадзян, на якіх прынята 136 чалавек, а на 16 выязных прыёмаў з'явілася 36 жыхароў горада. Тым не менш, чыноўнікі з аддзела па працы са зваротамі грамадзян і юрыдычных асоб, публічна прызнаюцца пра прыкметнае зніжэнне зваротаў да гарадскіх уладаў.
У Наваполацку да 15 сутак арышту асудзілі прадстаўнікоў царквы поўнага Евангелля «Царквы Царства Божага»
Пра затрыманне пастара Аляксандра Герасімовіча і царкоўнага служку Вадзіма Сафонава, а таксама пра тое, што ім, найверагодней, інкрымінаваны распаўсюд так званых «экстрэмісцкіх» матэрыялаў, паведаміла «Хрысціянская візія». Тэлеграм-канал паведамляе, што на мінулым тыдні ў наваполацкіх цэрквах праводзілі прыверку, іншых падрабязнасцяў пра гэта пакуль няма.
За «экстрэмізм» у сацыяльнай сетцы ўлады аштрафавалі работніцу чыгункі
Суддзя суда Аршанскага раёна і Оршы Мікалай Драгуноў 30 лістапада за падпіску ў сацыяльных сетках на «экстрэмісцкі» канал пакараў штрафам у 740 рублёў прыёмшчыцу цягнікоў на чыгуначную станцыі «Орша» Галіну Капітонаву.
У Глыбокім аштрафавалі шматдзетную маці, ураджэнку Украіны
Як стала вядома, напрыканцы лістапада Глыбоцкі суд у асобе суддзі Алены Кот па частцы 2 артыкула 19.11 КаАП (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуючай такую дзейнасць) судзіў шматдзетную маці Іну Юргель. Яна паходзіць з Украіны, нарадзілася ў Валнавасе, зараз жыве ў Беларусі, у Глыбоцкім раёне, і гадуе траіх дзяцей.