Акцыя памяці ахвяраў сталінскіх рэпрэсіяў у Гарадку скончылася затрыманьнем удзельнікаў
29 кастрычніка – дзень памяці ахвяр сталінскіх рэпрэсіяў. Правядзеньне ў гэты дзень несанкцыянаванай мясцовымі ўладамі акцыі ў Гарадку былo спыненаe міліцыянтамі праз дваццаць – дваццаць пяць хвілін ад яе пачатку. Акцыю ладзіў старшыня Віцебскай абласной арганізацыі партыі БНФ Леанід Аўтухоў.
Вядоўца курсаў «Мова нанова» ў Віцебску: Мы не спыняемся і рухаемся толькі наперад
Мінулы год быў першым паўнавартасным навучальным сэзонам для курсаў «Мова нанова» ў Віцебску. Мяркуем, чытачам Віцебскай вясны будзе цікава пачуць пра зробленае і даведацца пра пляны на будучыню з вуснаў аднаго зь вядоўцаў курсаў Сяргея Маркава.
Палітоляг Андрэй Ляховіч падзяліўся зь віцебчукамі сваім бачаньнем сытуацыі ў краіне (відэа)
24 кастрычніка падчас сустрэчы з наведнікамі віцебскага «Эўрапейскага клюбу» менскі палітоляг Андрэй Ляховіч зрабіў прагноз, што ніякіх значных зьменаў у палітычнай сфэры пасьля прэзыдэнцкіх выбараў чакаць ня трэба.
Палачане змагаюцца за кожнае дрэва
Зьнішчэньне дрэў у прывакзальным сквэры Полацку прыпыненае. На 27 кастрычніка сьпілаванае адно дрэва з чатырох прысуджаных да зьнішчэньня. Полацкая мясцовая ўлада ў адказ на скаргі правяла сход зь месьцічамі на месцы рэканструкцыі сквэру. Жыхары Полацку, ня згодныя з тлумачэньнем уладаў і ходам работ, зноў накіравалі скаргу ў адміністрацыю прэзыдэнта.
Мясцовыя ўлады Віцебску зноў забаранілі сябрам КХП-БНФ пікеты
Усе пікеты – па адным у кожным з трох раёнаў Віцебску – мусілі прайсьці у нядзелю, 25 кастрычніка. Іх мэта: выказаць рашучы пратэст супраць разьмяшчэньня расейскіх ваенных баз на тэрыторыі Рэспублікі Беларусь, што можа прывесці да страты незалежнасці і сувэрэнітэту краіны, на ўзор анэксіі Расеяй часткі ўкраінскіх зямель ваенным шляхам.
Заяўнікі атрымалі ад намесьнікаў раённых адміністрацыяў Віцебску стандартныя тлумачэньні наконт прычыны забароны акцыяў: маўляў, да заявак на масавыя мерапрыемствы не былі далучаныя дамовы з камунальнікамі, мэдыкамі і міліцыянтамі, як таго патрабуе рашэньне віцебскага гарвыканкаму №881 ад 10 ліпеня 2009 году «Аб масавых мерапрыемствах у горадзе Віцебску».
Чыноўнікі праігнаравалі прапанову заяўнікаў, каб прадстаўнікі раённых адміністрацыяў таксама ўзялі ўдзел у пікетах (калі масавыя мерапрыемствы праходзяць з удзелам улады, няма неабходнасьці заключаць згаданыя дамовы). Таксама была праігнараваная просьба актывістаў КХП-БНФ даць загад адпаведным службам заключыць патрэбныя дамовы, калі прадстаўнікі ўлады адмовяцца ўдзельнічаць у пікетаваньні.
Невыкананьне патрабаваньняў рашэньня №881 – фармальная нагода, на падставе якой мясцовыя ўлады Віцебску забараняюць мірныя акцыі апазыцыі ўжо шмат гадоў. Выканаць рашэньне № 881 немагчыма, бо пералічаныя ў ім службы, як правіла, адмаўляюцца заключаць неабходныя дамовы.
Колькасьць беспрацоўных у Віцебскай вобласьці павялічылася ўдвая
Як паведаміў старшыня камітэту па працы, занятасцi i сацыяльнай абароне Віцебскага аблвыканкаму Аляксандар Хрыстафораў, у якасьці беспрацоўных на цяперашні момант зарэгістраваныя 6 967 чалавек, або 200% да аналягічнага пэрыяду мінулага году. У той самы час у два разы скарацілася колькасьць вакансіяў, прапанаваных прадпрыемствамі, цяпер іх 2 505.
На Віцебшчыне выяўленыя масавыя парушэньні правілаў аховы працы
У пэрыяд правядзеньня работ па ўборцы сельскагаспадарчых культур у Віцебскай вобласьці супрацоўнікамі Дэпартамэнту дзяржаўнай інспэкцыі працы было выяўлена амаль 3 тысячы парушэньняў.
Настаўнікі з Глыбокага: Увесь год няправільна налічвалі заробак, а цяпер прымушаюць вярнуць ад 400 тысяч да 5 мільёнаў
Настаўнікі з глыбоцкай школы №1 прыйшлі на агульны сход і са зьдзіўленьнем даведаліся, што вінны аддзелу адукацыі. Аказваецца, увесь мінулы навучальны год ім пераплачвалі. А цяпер грошы просяць вярнуць назад.
За адно і тое ж: падзяка ад міністра абароны і адміністрацыйны штраф
Міністар абароны аб'явіў пісьмовую падзяку братам Мішурным за знойдзеныя імі парэшткі савецкіх воінаў часоў Другой сусьветнай вайны. А наступнага дня адміністрацыйная камісія Віцебскага райвыканкаму наклала на аднаго з братоў адміністрацыйнае спагнаньне ў памеры 10 базавых велічынь.
Віцебскія праваабаронцы прааналізавалі вынікі прэзыдэнцкіх выбараў
На Віцебшчыне, як і па ўсёй Беларусі, палітычныя партыі і грамадзкія актывісты аналізуюць вынікі ўдзелу ў выбарах прэзыдэнта. Віцебскія праваабаронцы, якія актыўна ўдзельнічалі ў назіраньні за ходам выбарчай кампаніі на розных яе этапах, падзяліліся сваімі ўражаньнямі і абмеркавалі вынікі мінулага палітычнага мерапрыемства.