Справа Жамчужнага: КДБ супраць «Пляцформы»?
Заснавальнік «Платформ інавэйшан» Міхаіл Жамчужны ў ліпені 2015 году быў асуджаны Віцебскім абласным судом на 6 гадоў пазбаўленьня волі ў калёніі строгага рэжыму. 23 кастрычніка судовая калегія па крымінальных справах Вярхоўнага суду разгледзела касацыйную скаргу і прызначыла Жамчужнаму больш строгае пакараньне – шэсьць з паловай гадоў пазбаўленьня волі.
Павал Левінаў зацікавіўся, як ва Ўкраіне дапамагаюць перасяленцам
Віцебскі праваабаронца наведаў Днепрапятроўскі каардынацыйны цэнтар для перасяленцаў «Дапамога Дняпра». Паводле Паўла Левінава, азнаямленьне з досьведам украінскіх калегаў дапаможа віцебскім праваабаронцам лепш наладзіць працу зь мігрантамі, якія маюць патрэбу ў абароне іх правоў. Бо перасяленцаў у Беларусі становіцца ўсё больш і больш, і львіную долю зь іх складаюць менавіта грамадзяне Ўкраіны.
Сустрэча віцебскіх чыноўнікаў з прадпрымальнікамі завяршылася нічым (фота, відэа)
Апоўдні 28 студзеня трыста-чатырыста індывідуальных прадпрымальнікаў сабраліся ў Віцебску на плошчы ля будынку аблвыканкаму. Перш чым трапіць на заплянаваную сустрэчу з прадстаўнікамі ўлады, дробныя гандляры з Віцебску, Полацку і Наваполацку прайшлі арганізаванай калёнай па вуліцы Леніна да будынку Віцебскай філіі Міжнароднага ўнівэрсытэту «МІТСО». Аднак актавая заля гэтай навучальнай установы не зьмясьціла такой вялікай колькасьці наведнікаў.
Прысуд у дачыненьні да забойцы супрацоўніка Аршанскай прыродаахоўнай інспэкцыі набыў законную моц
Судовая калегія па крымінальных справах Вярхоўнага суду Рэспублікі Беларусь сваім рашэньнем ад 15 студзеня 2016 году пакінула ў сіле вырак Віцебскага абласнога суду ад 30 кастрычніка 2015 году адносна 55-гадовага кіроўцы з Талачына Дзьмітрыя Голубева, які быў прызнаны вінаватым у забойстве старшага дзяржінспэктара Аршанскай міжраённай інспэкцыі аховы жывёльнага і расьліннага сьвету Генадзя Раўкова.
Франц Сіўко прэзэнтаваў у Віцебску сваю новую кнігу
21 студзеня ў віцебскай бібліятэцы імя Леніна адбылася літаратурная сустрэча зь беларускім пісьменьнікам і публіцыстам Францам Сіўко. Фармальнай нагодай для спатканьня самага вядомага з сучасных віцебскіх літаратараў са сваімі чытачамі стаў выхад яго чарговай кнігі «Плебейскія гульні».
За хабар затрыманы намесьнік начальніка ДАІ Віцебскай вобласьці
У Сьледчым камітэце пацьвердзілі інфармацыю пра тое, што ва УУС Віцебскай вобласьці за карупцыйнае злачынства быў затрыманы адзін з высокапастаўленых міліцыянтаў.
У Віцебску ў каталіцкай катэдры прайшло экумэнічнае набажэнства, першае ад часу ўтварэньня Віцебскай дыяцэзіі
22 студзеня ў катэдральным касьцёле Езуса Міласэрнага ў Віцебску адбылося экумэнічнае набажэнства пад дэвізам гэтага году «Пакліканыя, каб абвяшчаць вялікія справы Пана», падчас якога прадстаўнікі хрысьціянскіх Цэркваў і дэнамінацыяў Віцебску маліліся аб еднасьці хрысьціян.
Жыхары Новалукомля пратэстуюць супраць платнай рыбалкі
Перад будынкам гарвыканкаму адбыўся стыхійны мітынг, у якім узялі ўдзел каля 200 пратэстоўцаў, ня згодных штораз плаціць па 50 тысяч рублёў за магчымасьць лавіць рыбу ў Лукомскім возеры. Пра мітынг і сустрэчу са старшынём гарвыканкаму распавёў кіраўнік суполкі Свабоднага прафсаюзу Беларускага на Лукомскай ДРЭС Аляксей Габрыель.
Рабочых будтрэсту з Полацку адправілі ў адпачынак за свой кошт
Рабочыя будаўнічага трэсту №22 гораду Полацку запісаліся на прыём да намесьніка старшыні райвыканкаму. Сустрэча мае адбыцца 17 лютага. Пра гэта гаворыцца ў паведамленьні суполкі «Полацак і Наваполацак» у сацыяльнай сетцы «УКантакце».
Шматдзетная сям’я з Ноўкі намагаецца аднавіць правы дзяцей на атрыманьне годнага жытла
Шматдзетная маці, жыхарка аграгарадку Ноўка, Вальтэр Валянціна Валянцінаўна пасьля пяці гадоў знаходжаньня ў сьпісах грамадзян, якія маюць патрэбу ў паляпшэньні жыльлёвых умоваў, ня толькі не атрымала ніякай кватэры, але яшчэ і была пазбаўленая права на атрыманьне льготнага крэдытаваньня як шматдзетная маці.