У лесе пад Хайсамі зьніклі крыжы, усталяваныя на ўшанаваньне памяці ахвяр масавых расстрэлаў (відэа)
Шмат сюрпрызаў чакала сяброў грамадзкай інцыятывы «Хайсы» 12 верасьня падчас наведваньня імі месца масавых расстрэлаў у лясным масіве недалёка ад Віцебску. І самы шакавальны зь іх: невядомыя вандалы дэмантавалі пяць драўляных крыжоў, усталяваных актывістамі і асьвячоных сьвятаром на ўшанаваньне памяці забітых там людзей.
Існаваньне прывакзальнага парку ў Полацку зноў пад пагрозай
Насуперак абяцаньням уладаў Віцебскай вобласьці і асабіста колішняга старшыні аблвыканкаму прывакзальны парк у Полацку ператвараюць у стаянку для аўтамабіляў. Жыхары Полацку абураныя рашэньнем гарадзкіх уладаў - дазволіць сьпілоўку дрэў у парку перад чыгуначным вакзалам. Палова парку зь дзесяткамі дрэў ужо абнесеная плотам, і вядуцца работы па стварэньні паркоўкі для аўтамабіляў перад новым гандлёвым цэнтрам.
Прызначаны дзень разгляду касацыйнай скаргі праваабаронцы Міхаіла Жамчужнага
«Справа прызначаная на разгляд у судзе касацыйнай інстанцыі на 9 гадзін 30 хвілін шостага кастрычніка бягучага году ў памяшканьні Вярхоўнага Суду Рэспублікі Беларусь па адрасе: г. Менск. вул. Леніна, 28», - паведаміў у чарговым лісьце зь Віцебскага абласнога СІЗА №2 праваабаронца Міхаіл Жамчужны. І гэта не адзіная навіна.
Сябры грамадзкай ініцыятывы «Хайсы»: Справа наўмысна замаруджваецца
Чарговыя адказы, атрыманыя сябрамі грамадзкай ініцыятывы «Хайсы» зь Віцебскага раённага выканкаму і Віцебскага гарадзкога ваеннага камісарыяту, не дадалі ім аптымізму ў справе, зьвязанай са знаходкай фрагмэнтаў чалавечых парэшткаў у лесе пад Віцебскам.
Вікіпэдыя – «крыніца права» для віцебскіх судзьдзяў
Віцебскі праваабаронца Павал Левінаў, які працягвае змагацца ў судох за права публічна выказваць сваё меркаваньне, сутыкнуўся зь незвычайнай аргумэнтацыяй з боку судзьдзяў: калегія Віцебскага абласнога суду адмовілася задаволіць скаргу праваабаронцы, абгрунтаваўшы сваё рашэньне дэфініцыяй з... Вікіпэдыі.
Барыс Хамайда: Сядзець на канапе – самы патрыятычны ўчынак для беларуса
Вядомы віцебскі актывіст Барыс Хамайда ўжо амаль два дзясяткі гадоў заклікае беларусаў ня ўдзельнічаць у выбарах, што ладзяцца ўладамі. На ягоную думку, пасьля зьмены Канстытуцыі ў 1996 годзе ў Беларусі няма ані легітымнай ўлады, ані сапраўдных выбараў. Карэспандэнт «Віцебскай вясны» папрасіў спадара Хамайду падзяліцца з чытачамі яго развагамі наконт сёлетніх выбараў.
Актывісты Аршаншчыны наведалі месца гібелі атраду Ігната Будзіловіча
Краязнаўцы Аршаншчыны наведалі вёску Пагосьцішча Лёзьненскага раёну, дзе знаходзіцца адзін зь нямногіх помнікаў паўстанцам Кастуся Каліноўскага. Атрад Ігната Будзіловіча змагаўся з расейскімі войскамі паўночней Воршы, няроўны бой з акупантамі каля Пагосьцішча стаў апошнім для касінераў. Яны былі разьбітыя, а іх лідэр - Ігнат Будзіловіч стаў адзіным паўстанцам, расстраляным у Воршы.
Валера Місьнікава спачатку ўключылі ва ўчастковую камісію, а потым зь яе выключылі
Жыхар Віцебску Валер Місьнікаў зьвярнуўся ў пракуратуру, апісаўшы выключэньне з ужо створанай камісіі “на запатрабаваньне сілавых структур”. Ён мае сьведкаў, якія гатовыя пацьвердзіць гэты факт – што ён насамрэч быў уключаны ва ўчастковую камісію № 17.
Пракуратура Віцебшчыны: выканкамы недастаткова кантралююць выкарыстаньне зямель
Пракуратура Віцебскай вобласьці адзначае недастатковую працу мясцовых выканкамаў ў сфэры дзяржаўнага кантролю над выкарыстаньнем і аховай зямель. Пра гэта паведаміла старшы памочнік пракурора вобласьці па наглядзе за выкананьнем прыродаахоўнага заканадаўства Алена Казлова.
Тацьцяна Смоткіна атрымала пастанову зь Віцебскага аблсуду
Віцебскі абласны суд вырашыў пакінуць бязь зьменаў пастанову Глыбоцкага суду. Журналістка-фрылянсэр з Глыбокага абскарджвала штраф у 25 базавых велічынь паводле артыкулу 22.9 адміністрацыйнага кодэксу за супрацоўніцтва з замежнымі СМІ без акрэдытацыі і па-ранейшаму лічыць прысуд беспадстаўным.