Помнік архітэктуры ў Воршы накрыюць дахам. За гэта грамадзкасьць змагалася 10 гадоў
Але замест таго, каб зрабіць рамонт, Аршанскі гарвыканкам зьняў зь сябе адказнасьць за помнік архітэктуры 18-га стагодзьдзя. У 2006 годзе будынак перадалі Віцебскай праваслаўнай епархіі. Новыя гаспадары цягам дзесяці гадоў аніяк ня дбалі ні пра рамонт, ні пра рэстаўрацыю, ні пра кансэрвацыю гістарычнага аб’екту. І толькі некалькі дзён таму зьявіліся прыкметы хоць нейкага клопату: над будынкам пачалі ўзводзіць дах.
У Віцебскай вобласьці зарэгістравана 65 кандыдатаў у дэпутаты
Паводле рашэньня акруговых камісіяў у рэгіёне зарэгістравана 65 кандыдатаў у дэпутаты (усяго вылучалася 86 чалавек). Віцебскай вобласьці неабходна абраць у парлямэнт 14 дэпутатаў. Конкурс у сярэднім па вобласьці складае 4,6 чалавека на месца. Самая высокая канкурэнцыя ў Віцебскай-Чкалаўскай акрузе №18, дзе кандыдацкія пасьведчаньні атрымалі 7 чалавек.
У Білеве зграя сабак напала на маленькага хлопчыка
У Віцебску ў мікрараёне Білева на прыпынку СШ 46 зграя бадзяжных сабак напала на хлопчыка гадоў 5-6, які з мамай падыходзіў да маршруткі. Сабак адагналі, хлопчык не пацярпеў, але моцна спалохаўся.
Віцебская міліцыя пазакрывала справы на кандыдатаў за сьпевы на пікеце
Паведамленьні пра гэта атрымалі Тацяна Севярынец, Алена Шабуня і Георгі Станкевіч, якіх абвінавачвалі ў правядзеньні несанкцыянаванай акцыі 27 ліпеня.
Малады прадпрымальнік зь Віцебску другі год запар выдае беларускамоўныя сшыткі
У асартымэнце ёсьць школьныя сшыткі на 12 аркушаў у шырокую лінейку і вузкую клетку, на вокладках беларускі арнамэнт, вершы, альфабэт, табліца множаньня. Ёсьць і паўагульныя: з «Пагоняй» і наборам асноўных беларускіх арнамэнтаў.
Асноўная прычына адмовы ў рэгістрацыі кандыдатамі на Віцебшчыне – прэтэнзіі да подпісаў
У Віцебску і ў Воршы адмовы ў рэгістрацыі атрымалі некалькі патэнцыйных кандыдатаў – прадстаўнікоў дэмакратычных рухаў і апазыцыйных партыяў.
Жыхары шматпавярховіка ў Полацку патрабуюць прыбраць з двара кантэйнэры для сьмецьця
Дом № 39 па вуліцы Ніжне-Пакроўскай у Полацку ў самым цэнтры. І ня толькі гораду. Літаральна ў сотні мэтраў ад яго знаходзіцца памятны знак «Полацак – геаграфічны цэнтар Эўропы». Гэтую славутасьць турыстам імкнуцца паказаць. А вось у двор згаданага шматпавярховіка ім, мабыць, лепш не зазіраць. Пасьля таго як тры гады таму прадпрыемства «ЖКГ г. Полацку» ўстанавіла там кантэйнэрную пляцоўку для збору сьмецьця, нават мясцовыя адчуваюць сябе некамфортна...
У Беларусь з Расеі прыплыла здохлая рыба
У Дубровенскім раёне на Дняпры была выяўленая загінулая рыба, праінфармавала прэс-сакратар Дзяржінспэкцыі аховы жывёльнага і расьліннага сьвету пры прэзыдэнце Вольга Грамовіч. Дзяржінспэктары Аршанскай МРІ выехалі па сыгнале, што паступіў на тэлефон даверу, і абсьледавалі ўчастак ракі ад мяжы з Расейскай Фэдэрацыяй да райцэнтру. Паводле папярэдніх ацэнак, загінулых рачных насельнікаў прынесла цячэньнем з боку Расеі.
У Віцебску дэмакратычныя кандыдаты ў дэпутаты выпрацоўвалі агульную стратэгію агітацыйнай кампаніі
12 жніўня ў «Эўрапейскім клюбе» Віцебску на прапанову грамадзянскай ініцыятывы «Жанчыны супраць фальсыфікацыяў» адбылася сустрэча ўдзельнікаў ініцыятывы з шэрагам зарэгістраваных кандыдатаў у дэпутаты ад дэмакратычных партыяў і рухаў Віцебшчыны.
ЦВК ня стаў правяраць, ці выкарыстоўвае Чырвоны Крыж замежную дапамогу для фінансаваньня выбараў
Віцебскі назіральнік за правядзеньнем выбараў у беларускі парлямэнт праваабаронца Леанід Сьвецік ня здолеў дамагчыся ад работнікаў Цэнтральнай выбарчай камісіі краіны праверкі Беларускага таварыства Чырвонага Крыжа (БТЧК), а менавіта: ці выкарыстоўвае арганізацыя замежную фінансавую дапамогу, якую атрымлівае, для правядзеньня выбараў.