Палітзняволенымі прызналі трох «нафтанаўцаў» - Вольгу Брыцікаву, Аляксандра Балонкіна і Аляксандра Кухаронка
«Лічым недапушчальным утрыманне пад вартай Вольгі Брыцікавай, Аляксандра Кухаронка і Аляксандра Балонкіна, абвінавачаных па арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь)», -- гаворыцца ў адмысловай заяве беларускай праваабарончай супольнасці.
5 сутак арышту за «распаўсюд экстрэмізму» прысудзілі жыхару Мёрскага раёна
Справу Сяргея Мацюка, слесара ААТ «Узмёнскі край», разбірала старшыня Мёрскага раённага суда Ірына Яскевіч. 1 верасня яна прысудзіла мужчыну 2 сутак арышту паводле ч.2 арт 19.11 КаАП за дзве публікацыі ў Telegram, якія адсачылі супрацоўнікі абласнога ГУБАЗіК.
Дэпутата Шаркаўшчыны павялічылі падатак на нерухомасць
За паўгода да правядзення выбараў дэпутаты Шаркаўшчынскага раённага Савета дэпутатаў рашэннем ад 29 чэрвеня аднагалосна вырашылі павялічыць стаўкі падатку на нерухомую маёмасць і на незавершанае будаўніцтва для жыхароў горада і раёна і пры гэтым значна зніжылі падатак для арганізацый, якія працуюць у сферы ЖКГ. На гэты вельмі непапулярны крок сярод выбаршчыкаў зроблены для таго, каб да канца года папоўніць даходы раённага бюджэту.
Тэлеграм-канал, блізкі да віцебскіх сілавікоў, прапануе даносіць на «экстрэмістаў» праз новы чат-бот
Чат-бот стваральнікі называюць «новым другом», якому можна «анонимно сообщить о совершении действий экстремистской направленности, либо о лицах, причастных к экстремизму». Відавочна, што вядзецца пра палітычныя праявы «экстрэмізму», калі людзей караюць штрафамі і суткамі за падпіскі на інтэрнэт-рэсурсы, прызнаныя ў Беларусі экстрэмісцкімі матэрыяламі.
Улады арыштавалі жыхарку Наваполацка за падпіску на «экстрэмісцкі» відэаканал
Суддзя суда Наваполацка Віталь Лапко 11 жніўня за падпіску на «экстрэмісцкі» Youtube-канал пастанавіў арыштаваць на 13 сутак мясцовую жыхарку Валянціну Кавалёву.
Чым меней скаргаў, тым лепш. Ігар Брыло задае новы трэнд у рабоце са зваротамі грамадзян
Памочнік прэзідэнта па Віцебскай вобласці, нядаўна прызначаны на гэтую пасаду, прапануе ацэньваць работу мясцовых уладаў па колькасці зваротаў да вышэйшых дзяржаўных чыноўнікаў. Маўляў, чым меней скаргаў на наяўныя праблемы, тым лепей працуюць з насельніцтвам мясцовыя структуры. Хаця тэндэнцыя, якая назіраецца ў апошнія гады і нават дзесяцігоддзі, кардынальна іншая: людзі ўсё радзей спадзяюцца вырашыць свае праблемы з дапамогай дэпутатаў ці начальнікаў. Таму ігнаруюць розныя «прамыя лініі», дэпутацкія ці іншыя прыёмы. Ігар Брыло вырушыў перакруціць сітуацыю на карысць дзяржаўных органаў.
На Віцебшчыне будуць «ператрахіваць» рэгіёны. «Нізы», як сказаў Уладзімір Андрэйчанка
На адмысловым пасяджэнні аблвыканкама ў прысутнасці Старшыні Палаты прадстаўнікоў, былога кіраўніка вобласці Уладзіміра Андрэйчанкі падводзілі вынікі працы аграпрамысловых аб'яднанняў. Нічога дзіўнага няма ў тым, што вынікі аб'яднання моцных і слабых аб'ектаў гаспадарання не атрымаліся спрэс станоўчымі. Толькі ў Пастаўскім і Верхнядзвінскім раёнах была заўважана дынаміка да лепшага. На трох з сямі створаных АПА - «поўны правал», зазначыў Андрэйчанка. І заявіў, што неабходна праверыць, ці належным чынам спрацавалі мясцовыя кіраўнікі.
У Віцебску судзяць палітвязняў – Вячаслава Лазарава і яго жонку Таццяну Пыцько
Працэс у Віцебскім абласным судзе праходзіць у закрытым рэжыме – такі парадак у Беларусі стаў звыклым, калі разбіраюць справы «аб экстрэмізме», тым болей, з удзелам журналістаў. Супраць відэааператара Вячаслава Лазарава высунута абвінавачанне паводле ч. 2 арт. 361-4 Крымінальнага кодэкса РБ (спрыянне экстрэмісцкай дзейнасці, здзейсненае паўторна альбо групай асоб па папярэдняй змове), супраць Таццяны Пыцько — паводле ч. 1 арт. 361-4 КК (вярбоўка, уцягненне асобы ў экстрэмісцкую дзейнасць, навучанне ці іншае спрыянне экстрэмісцкай дзейнасці). Крымінальныя справы супраць мужа і жонкі, аб“яднаныя разам, разглядае суддзя Яўген Буруноў.
За падпіску на “экстрэмісцкі” канал улады арыштавалі работніка сельгаспрадпрыемства
Суддзя суда Докшыцкага раёна Вячаслаў Елісеенка 27 ліпеня за распаўсюд «экстэмісцкіх» публікацый у сацыяльных сетках арыштаваў на 7 сутак жыхара Докшыцкага раёна Аляксандра Лінніка.
Жыхарку Наваполацка аштрафавалі за фотаздымак сабачкі: суд вырашыў, што гэта быў «пікет»
Стаў вядомы працяг гісторыі ціску на сям’ю Грудніцкіх. Наваполацкага лекара-стаматолага Аляксандра Грудніцкага двойчы асудзілі на 15 сутак, ягоную жонку Аллу Грудніцкую двойчы аштрафавалі. Прычым апошні штраф, які прысудзіла суддзя Наваполацкага гарсуду Зінаіда Балаболава, складае ажно 3700 рублёў – 100 базавых велічынь. Апрача гэтага, у жанчыны забралі два тэлефоны – у заклад, каб змусіць яе сплаціць абодва штрафы, агульная сума якіх – 4810 рублёў.