Адміністрацыя калёніі лічыць Жамчужнага схільным да экстрэмізму і дэструкцыйнай дзейнасьці
12 студзеня на паседжаньні пад старшынствам Анатоля Карповіча судовая калегія па грамадзянскіх справах Менскага абласнога суду разгледзела касацыйную скаргу праваабаронцы Міхаіла Жамчужнага, які адбывае пакараньне на неправамернае, зь яго пункту гледжаньня, спагнаньне з боку адміністрацыі калёніі і пастанавіла суду Барысаўскага раёну дадаткова апытаць Жамчужнага і сьведак абставінаў.
Экс-баец «ЛНР» зь Віцебшчыны накіраваны на псыхіятрычную экспэртызу
Як стала вядома з надзейных крыніцаў у сілавых структурах Беларусі, былы баявік «ЛНР» Сяргей Трафімаў, які распавядаў пра тое, што нібыта ўдзельнічаў у забойстве ўкраінцаў у складзе групоўкі «ЛНР», падчас размовы са сьледчымі органамі адмовіўся ад сваіх слоў, сказаных у інтэрвію журналісту – ён заявіў, што хлусіў наконт удзелу ў баявых дзеяньнях і супрацоўніцтва з органамі дзяржбясьпекі «дзеля наданьня сабе значнасьці».
Жыхар Віцебску: Мала таго, што няма чаго есьці, дык яшчэ і падаткам абклалі
4 студзеня ў сваім блогу на livejournal.com віцябчук Сяргей Белязека распавёў наведнікам пра тое, як стаў «дармаедам». «Лісты шчасьця» ад падаткавікоў атрымалі ўжо 250 тысяч беларусаў, але далёка ня ўсе гэтак адкрыта выказаліся наконт іх.
Полацкая праваабарончая арганізацыя дзейнічае
У Полацку ўжо год існуе праваабарончая арганізацыя, створаная мясцовымі юрыстамі. Праваабаронцы ўтварылі аб'яднаньне ў форме простага таварыства, падпісаўшы дамову сумеснай дзейнасьці па аказаньні грамадзянам бясплатнай юрыдычнай дапамогі.
У Віцебску прайшоў трэнінг «Тэорыя і практыка напісаньня праектных заявак»
Трэнінг, які праходзіў ў Рэгіянальным рэсурсным цэнтры па разьвіцьці дадатковай адукацыі дарослых, арганізавала грамадзкая арганізацыя «Хрысьціянская садружнасьць дарослых і маладых». Вядоўцам сэмінару выступіла Вольга Лукіна, праектны мэнэджэр YMCA Беларусі і рэгіянальны каардынатар па ўмацаваньні рухаў і праектным мэнэджмэнце YMCA Эўропы.
Былыя начальнік і галоўны інжынэр Віцебскага аддзяленьня БЧ абвінавачваюцца ў карупцыі
Крымінальныя справы распачатыя ў дачыненьні да былых начальніка і галоўнага інжынэра УП «Віцебскае аддзяленьне Беларускай чыгункі», якія абвінавачваюцца ва ўчыненьні шэрагу карупцыйных злачынстваў.
Вырак суду Полацку лекару: 2 гады абмежаваньня волі
Лекар-хірург, празь нядбайства якога пацярпела дзіця, 6 студзеня прысудам суду Полацку і Полацкага раёну асуджаны на 2 гады абмежаваньня волі за неналежнае выкананьне прафэсійных абавязкаў.
У Наваполацку гарэў «Нафтан»
Уначы 11 студзеня на ААТ «Нафтан» у Наваполацку адбылося ўзгараньне. Пра гэта паведамляе прэс-служба Віцебскага абласнога ўпраўленьня МНС.
Прызначаная дата разгляду касацыйнай скаргі палітвязьня Жамчужнага
На 10:00 раніцы 12 студзеня прызначаны разгляд скаргі Міхаіла Жамчужнага ў касацыйным парадку ў Менскім абласным судзе паводле вынесенага спагнаньня за нібыта самавольнае перамяшчэньне па тэрыторыі калёніі. Пра гэта паведаміў сам палітвязень у лісьце да праваабаронцы Тацяны Равяка.
Журналісты Віцебскай вобласьці адзначаныя за актыўнасьць
Падчас падвядзеньня вынікаў 2016 году Беларуская асацыяцыя журналістаў адзначыла добрую арганізацыю працы філіяў БАЖ у Віцебскай вобласьці. Дыплёмамі БАЖ былі ўганараваныя актывісты трох раённых арганізацыяў Віцебшчыны: Глыбоцкай, Полацкай і Віцебскай. Прычым Віцебскае аддзяленьне БАЖ ужо другі год запар становіцца пераможцам сярод усіх суполак Беларускай асацыяцыі журналістаў.