Падчас «Славянскага базара» Мезенцаў прапанаваў стварыць новыя маральныя каштоўнасці для жыхароў Расеі і Беларусі
Дзяржсакратар Саюзнай дзяржавы Дзмітрый Мезенцаў, выступаючы на «круглым стале» пад назвай «Союзное государство – общая духовность и пространство возможностей» , падкрэсліваў неаходнасць таго, каб каштоўнасці ў расейцаў і беларусаў абавязкова былі агульныя. Яго падтрымаў і міністр інфармацыі Уладзімір Пярцоў, заявіўшы, што трэба часцей звяртацца да «духоўнага гена». І нават згадаў пра нейкую адмысловую цывілізацыю, якая складаецца з жыхароў двух краін, і што яна «куды старэйшая за амерыканскую».
На "Славянскі базар у Віцебску" запрасілі артыстаў з Расіі, якія падтрымалі вайну ва Украіне
У чацвер, 13 ліпеня, у Віцебску на ўрачыстай цырымоніі адкрыцця фестывалю "Славянскі базар" праспявалі расійскія эстрадныя артысты Леў Лешчанка, Ангеліна Воўк, Алена Ваенга, Дзмітрый Харацьян, Сяргей Лазараў, Уладзімір Прэснякоў, Аляксандр Маршал, Руслан Аляхно, Ілона. Гэтых артыстаў аб'ядноўвае тое, што яны публічна падтрымалі вайну Расіі ва Ўкраіне.
Вільня: пікет салідарнасці з затрыманымі два гады таму праваабаронцамі "Вясны"
Маўклівы пікет падтрымкі і салідарнасці са зняволенымі калегамі правялі праваабаронцы і прадстаўнікі кампаніі #FreeViasna ў цэнтры Вільні 14 ліпеня.
Алега Яфрэменку, палітвязня з Віцебска, будуць другі раз судзіць за кратамі. Суд 25 ліпеня
Віцяблянін, якога асудзілі за падсечку міліцыянту падчас мірных маршаў 2020г., цяпер адбывае пакаранне ў Горацкай калоніі №9. У снежні 2020г. суд Першамайскага раёна г. Віцебска пакараў яго чатырма з паловай гадамі пазбаўлення волі ў калоніі агульнага рэжыму. Пазней суд Ленінскага раёна Магілёва прызнаў палітвязня парушальнікам рэжыму ўтрымання і за нібыта непадпарадкаванне адміністрацыі папраўчай установы прысудзіў яшчэ год калоніі. Цяпер яго зноў вінавацяць у сістэматычных парушэннях паводле ч. 1 арт. 411 Крымінальнага Кодэкса – гэта ўжо другая справа, вынікам якой мае стаць пагаршэнне ўмоваў адбыцця пакарання.
У Браслаўскім раёне распачата больш за 1200 выканаўчых спраў
На дадзены момант у Браслаўскім раёне ўзбуджана звыш 1 200 выканаўчых спраў, якія датычацца патрабаванняў аб спагнанні запазычанасці на карысць фізічных і юрыдычных асоб, аліментаў на непаўналетніх, расходаў на ўтрыманне дзяцей, якія знаходзяцца на дзяржаўным забеспячэнні ды іншае. Паводле судовай выканаўцы ВПІ Браслаўскага раёна Жаны Шылін, пастанова аб узбуджэнні выканаўчай справы не пазней за дзень, які ідзе за днём яго вынясення, накіроўваецца бакам - даўжніку і спагнанніку. Яна можа быць накіравана з дапамогай заказной, электроннай, гібрыднай пошты, а таксама СМДА. Акрамя таго, пасля ўзбуджэння выканаўчай справы на зарэгістраваны за даўжніком абанеменцкі нумар накіроўваецца СМС-паведамленне аб факце ўзбуджэння выканаўчай справы.
Затрыманы былы баец «Азова» з Віцебску, які толькі выйшаў з калоніі
«Пакаяннае відэа» са Станіславам Ганчаровым па мянушцы «Тэрор-машына» было апублікавана на адным тэлеграм-каналаў, блізкіх да ГУБАЗіКа. Затрыманы тлумачыць, што не мае ніякага дачынення да «апазіцыі», і што падставай для затрымання нібыта сталі татуіроўкі – сілавікі ўбачылі ў іх прапаганду нацызму. Паводле Ганчарова, татуіроўкі ён зрабіў у раннім юнацтве, некаторыя з іх ужо «забіў», каб не правакаваць міліцыю, ад астатніх меркаваў пазбавіцца пазней, бо толькі выйшаў з-пад арышту: у 2017г. ён быў асуджаны да 7 гадоў пазбаўлення волі ў калоніі ўзмоцненага рэжыму. І з пакараннем тады было не ўсе так проста.
За пікет і распаўсюд «экстрэмізму» ўлады пакаралі прадпрымальніка арыштам
Суддзя суда Глыбоцкага раёна Аляксандр Аляксеенка 30 траўня пакараў адміністрацыйным арыштам на 12 сутак індывідуальнага прадпрымальніка з Глыбокага Валерыя Ермачэнка. Па версіі ўладаў ён правёў у сацыяльных сетках не дазволенае ўладамі пікетаванне і распаўсюдзіў «экстрэмісцкія» матэрыялы.
Дэпутат Лёзненскага райсавета трапіўся на службовым падлогу
Крымінальную справу, распачатую па па ч. 2 арт. 427 КК (службовы падлог) супраць дэпутата Лёзненскага райсавета 28 склікання Міхаіла Зазіта разбіраў раённы суд. Абвінавачанне тычылася дзейнасці падсуднага ў якасці дырэктара сельгаспрадпрыемства «Данукалава-Агра», а таксама ягонай намесніцы па жывёлагадоўлі Людмілы Шаторанка.
Жыхару Докшыцаў Віктару Сіўцэвічу прысудзілі 10 сутак за «экстрэмісцкую інфармацыйную прадукцыю»
20 чэрвеня ў судзе Докшыцкага раёну разбіралі справу мясцовага рамесніка, у якога на старонцы ў «Одноклассниках» міліцыянты заўважылі «лагатып тэлеканала «Б», а таксама рэпост з інтэрнэт-рэсурса, таксама прызнанага ў Беларусі экстрэмісцкім. Суддзя Вячаслаў Елісеенка пакараў Віктара Сіўцэвіча арыштам на 10 сутак.
Улады праігнаравалі просьбу праваабаронцы вырашыць праблему недахопу ў бальніцах гігіенічных сродкаў
Праваабаронца Павел Левінаў прапанаваў дэпутатам Віцебскага аблСавета дэпутатаў у тэрміновым парадку павялічыць артыкул бюджэтных расходаў на ахову здароўя з-за таго, што ў бальніцах недастаткова грошай для закупкі сродкаў гігіены для дарослых і малалетніх пацыентаў. Пра недахоп памперсаў і вільготных сурвэтак ён даведаўся, калі спрабаваў даведацца пра лёс дачкі бацькоў-палітвязняў.