Віцебскія праваабаронцы вывучылі нарвэскі досьвед працы з уцекачамі
Прыканцы красавіка віцебскія праваабаронцы Павал Левінаў і Леанід Сьвецік пабывалі ў сталіцы Нарвэгіі горадзе Осьлё з працоўным візытам. Запрашалым бокам выступіла праваабарончая арганізацыя «Нарвэскі Хэльсынскі камітэт». Мэта візыту – азнаямленьне з досьведам работы дзяржаўных органаў і няўрадавых арганізацыяў па прыёме, адаптацыі і інтэграцыі замежных грамадзян, якія папрасілі прытулак у Нарвэгіі.
У ліпені Ноўку наведае дэлегацыя Зэмгальскай сярэдняй школы
Пэдагогі і вучні Зэмгальскай школы (Даўгаўпілскі край, Латвія) у ліпені наведаюць Ноўкінскую сярэднюю школу (Віцебскі раён). Латышы вырашылі зрабіць візыт на Віцебшчыну па выніках VI Міжнароднай навукова-практычнай канфэрэнцыі ў межах адпаведнага дакумэнту пра доўгачасовае ўзаемадзеяньне паміж дзьвюма адукацыйнымі ўстановамі.
Паплечнікі Сяргея Рыжова просяць грамадзкасьць падтрымаць зьняволенага палітыка
Вось ужо два месяцы з ініцыятывы доктара-псыхіятра і бескампраміснага крытыка ўладаў Ігара Пастнова на сайце change.org ідзе збор подпісаў пад пэтыцыяй у Вярхоўны суд краіны на карысьць віцебскага палітыка прарасейскага кшталту Сяргея Рыжова.
Людзкая салідарнасьць: Разам дапамаглі жанчыне, паралізаванай у выніку аўтааварыі
Паўгода таму распачалася дабрачынная акцыя, накіраваная на збор сродкаў для дапамогі Іне Тышкевіч зь вёскі Ідолта Мёрскага раёну, якую паралізавала пасьля аўтакатастрофы. Вынік: дзякуючы прыстасаваньням, набытым на ахвяраваныя грошы, сёньня Іна Тышкевіч адчувае сябе значна лепш.
Удзельнікі ініцыятывы «Хайсы» зноў сустрэліся з чыноўнікамі Віцебскага райвыканкаму
24 траўня сябры камісіі па ўшанаваньні памяці абаронцаў Айчыны і ахвяраў войнаў, створанай пры Віцебскім райвыканкаме, сустрэліся з прадстаўнікамі грамадзянскай ініцыятывы «Хайсы». Грамадзяне задалі чыноўнікам з тузін пытаньняў, але толькі на нешматлікія зь іх пачулі ўцямныя адказы.
Хрыстафор Жаляпаў: Выбары пакажуць ступень даверу народу да апазыцыі
Хрыстафор Жаляпаў вядомы жыхарам Віцебску як адзін зь лідэраў дэмакратычнага руху гораду і ўсяго рэгіёну. У цяперашні час ён узначальвае грамадзкую арганізацыю «Самакіраваньне і грамадзтва», а таксама зьяўляецца каардынатарам руху «За свабоду» па Віцебскай вобласьці.
“Наша місія ня скончаная. Усё наперадзе” – “Вясна” адзначыла сваё 20-годзьдзе
Два дзесяцігодзьдзі таму паўстаў праваабарончы цэнтар “Вясна”. Сёньня ён, нягледзячы на адсутнасьць рэгістрацыі, для ўсяго сьвету стаў сымбалем барацьбы за правы чалавека ў Беларусі. Юбілей арганізацыі, якая перажыла закрыцьцё, шматлікія ператрусы і турэмны тэрмін свайго лідэра, Алеся Бяляцкага, адзначалі ўвечары 20 траўня у менскім прэс-клюбе.
Праваслаўныя сьвятары адпраўляюць школьнікаў Віцебшчыны ў лягеры нэанацыстаў у Расеі
Асобныя праваслаўныя сьвятары аказаліся ўцягнутыя ў сумнеўную актыўнасьць. Датычнай аказалася і віцебская арганізацыя беларускіх афганцаў «Братэрства».
У Полацку судзілі прафсаюзных лідэраў
Полацкі суд 16 траўня пастанавіў аштрафаваць актывістаў Свабоднага прафсаюзу Віктара Стукава і Міколу Шараха за правядзеньне прафсаюзнай акцыі ў выглядзе пікетаваньня. Памер штрафу склаў адпаведна 25 і 30 базавых велічынь.
Швэдзкія фрылянсэры падзяліліся сакрэтамі пасьпяховай журналістыкі з калегамі зь Віцебску і Полацку
Аўтары папулярнага ў Швэцыі падручніка для журналістаў-фрылянсэраў Фрэдрык Нэйман і Мікаэль Берлінг 13 траўня наведалі Віцебск і падзяліліся са сваімі калегамі зь Беларускай асацыяцыі журналістаў досьведам пасьпяховай журналістыкі ў сыстэме фрылянсу.