Аляксей Гаўруцікаў: Дэпутат мусіць быць выразьнікам голасу народу
На сёлетніх выбарах юрыст Аляксей Гаўруцікаў вылучаецца кандыдатам у дэпутаты ў Віцебскі абласны і Віцебскі гарадзкі саветы ад партыі БНФ пры падтрымцы руху “За свабоду”. З красавіка 1990 па кастрычнік 1997 году ён ужо быў дэпутатам Віцебскага гарадзкога савету і мае багаты досьвед працы.
“Гэта быў падвойны прысуд”. Пётар Іваноў абскарджвае рашэньне Кастрычніцкага суду Віцебску
Віцебскі актывіст Пётар Іваноў накіраваў у абласны суд касацыйную скаргу на рашэньне суду Кастрычніцкага раёну Віцебску, які 26 студзеня пакараў яго штрафам у памеры 85 базавых велічынь. Просіць адмяніць “заведама злачынны прысуд” і скасаваць крымінальную справу.
Сьведка па справе прафсаюзу РЭП: На якой падставе мяне падазраюць у нядобрапрыстойнасьці?
Канец студзеня – пачатак лютага 2018 году адзначыўся масавымі выклікамі ў сьледчыя органы грамадзянскіх актывістаў і сябраў прафсаюзу РЭП з усіх рэгіёнаў краіны. Ня стала выключэньнем і Віцебшчына. Сярод тых, хто быў апытаны ў якасьці сьведкі па крымінальнай справе, распачатай супраць кіраўніцтва прафсаюзу, апынуўся віцебскі юрыст і праваабаронца Валер Місьнікаў, які пасьля наведваньня габінэту сьледчага вымушаны быў зьвярнуцца ў пракуратуру.
“Свабодны тэатар” паказаў у Віцебску “Дэжэўю” паводле п’есы Вольгі Прусак
“Беларускі свабодны тэатар” завітаў нарэшце ў Віцебск. У арт-цэнтры VZAP на Кастрычніцкай “свабодаўцы” паказалі спэктакль паводле п’есы нашай зямлячкі Вольгі Прусак “Дэжэўю”. На сувязь з заляй праз скайп зь Лёндану выходзіў рэжысэр пастаноўкі Уладзімер Шчэрбань. Візыт “Свабоднага тэатру” ў Віцебск стаўся падзеяй.
Выбары ў Віцебску: нудная агітацыя і загадзя вядомы вынік
У аўторак 13 лютага пачынаецца апошні этап выбарчай кампаніі па выбарах дэпутатаў Віцебскага гарадзкога Савету дэпутатаў дваццаць восьмага скліканьня. Ужо зусім хутка мы даведаемся, хто цягам наступных чатырох гадоў будзе кіраваць гарадзкімі справамі.
Кандыдат Вадзім Кузьмін заклікаў кідаць у выбарчыя скрыні і свае квіткі аб заробках: “Дзе мае 500 даляраў?”…
Кандыдат у дэпутаты ад левай партыі “Справядлівы сьвет” Вадзім Кузьмін заклікае выбарцаў кідаць у выбарчыя скрыні разам зь бюлетэнямі рахункі за камунальныя паслугі з надпісам “Як мне жыць пасьля іх аплаты?” альбо свае квіткі па заробках з пытаньнем “Дзе мае 500 даляраў?”…
Ірына Яскевіч: У людзей адбілі ахвоту хадзіць на выбары
Чарговы агітацыйны пікет зладзіла 9 лютага ў Віцебску кандыдатка ў мясцовыя дэпутаты ад АГП Ірына Яскевіч. Агітавала людзей, каб галасавалі за сваіх суседзяў, якія ня будуць чакаць сьлесара з ЖКГ, каб наладзіць дабрабыт і жыцьцё ў акрузе. “Я вашая суседка!” – казала мінакам.
Полацак: Для ЖКГ спажывец заўсёды ня мае рацыі
Доўг у больш як 2000 рублёў выставіла ЖКГ жыхарцы Полацку Тахміне Міхайлавай як запазычанасьць за арэнду кватэры за тры гады. Хаця жанчына ўвесь час плаціла па ўсіх рахунках, і дагэтуль прэтэнзіяў да яе па аплаце не было.
Суд Віцебскага раёну паўторна пастанавіў аштрафаваць Яна Дзяржаўцава
Разгляд адміністрацыйнай справы ў дачыненьні да ініцыятара стварэньня мэмарыялу рэпрэсаваным за часамі Сталіна, кіраўніка грамадзкай ініцыятывы “Хайсы” Яна Дзяржаўцава заняў у судзе Віцебскага раёну два дні. Раней гэтая справа ўжо разьбіралася райсудом, але была вернутая на новы разгляд рашэньнем Віцебскага абласнога суду.
Фіксаваць парушэньні на віцебскіх yчастках будуць незалежныя назіральнікі
Ужо стала добрай традыцыяй напярэдадні чарговых выбараў праводзіць у горадзе над Дзьвіной трэнінгі для назіральнікаў. Ня стала выключэньнем і сёлетняя выбарчая кампанія.