За «экстрэмізм» улады арыштавалі інжынера
Суддзя суда Дубровенскага раёна Ігар Татаеў 8 красавіка за распаўсюджванне публікацый «экстрэмісцкага» зместу ў сацыяльнай сетцы арыштаваў на трое сутак інжынера льнозавода Андрэя Марачова.
Жыхары абласного цэнтру звярнуліся ў Вітгарвыканкам з просьбай тэрміновага адрамантаваць пешаходны мост
Віцебскія гарадскія актывісты звярнуліся да чыноўнікаў мясцовага выканкама з петыцыяй №5792, у якой паведамляюць аб тым, што «Юбілейны» мост у Віцебску праз раку Віцьба знаходзіцца ў небяспечным тэхнічным стане і патрабуюць ад уладаў у найкарацейшыя тэрміны выканаць яго капітальны рамонт. Зварот да ўладаў пакуль падпісала 19 гараджан.
За «экстрэмізм» у сацсетцы ўлады аштрафавалі беспрацоўную
Суддзя суда Дубровенскага раёна Ігар Татаеў 3 красавіка за распаўсюджванне «экстрэмісцкіх» публікацый у сацыяльнай сетцы аштрафаваў на 400 рублёў непрацуючую жыхарку раённага цэнтра Наталлю Старавойтаву.
У Віцебскім рэгіёне сталі радзей пазбаўляць бацькоўскіх правоў, спаганяць аліменты і ўсынаўляць дзяцей
Са статыстыкі судовай практыкі за 2023 год вынікае нездавальняючая работа дзяржаўных органаў і арганізацый па ахове правоў і законных інтарэсаў малалетніх і непаўналетніх дзяцей, якія жывуць у Віцебскай вобласці.
За пікетаванне выканкама ўлады арыштавалі палітвязня
Суддзя суда Міёрскага раёна Ірына Яскевіч 10 красавіка за парушэнне парадку арганізацыі і правядзення пікету арыштавала на 15 сутак былога палітвязня мясцовага жыхара Сяргея Васільева. Раней арыштаваны быў судзімы па арт. 367 КК (Паклёп у дачыненні да прэзідэнта Рэспублікі Беларусь) і быў пакараны абмежаваннем волі з накіраваннем у папраўчую ўстанову адкрытага тыпу на 3 гады.
За несанкцыянаваны ўладамі пікет суд наклаў на рабочага вялізны штраф
Суддзя суда Браслаўскага раёна Аляксандр Вязіцкі 28 сакавіка за не дазволены ўладамі пікету ў сацыяльнай сетцы аштрафаваў на 4000 рублёў кіроўцу пагрузчыка Мікалая Кашкуру.
У Віцебску хочуць пабудаваць цэлы жылы квартал без грамадскага абмеркавання па законе
Агароджаны высокім плотам квартал з трох пяціпавярховых дамоў спраектаваны проста ў двары іншага, шматкватэрнага жылога дома, на невялікай прасторы паміж пад'ездамі і суседнім дзіцячым садком. На сайце Віцебскага гарвыканкама няма ніякіх абестак пра тое, што ідзе грамадскае абмеркаванне праекта, як патрабуе заканадаўства. Аднак жыхары дамоў 12 і 12А па праспекце Будаўнікоў убачылі дзіўнага зместу абвесткі на сваіх пад'ездах – нібыта грамадскае абмеркаванне праводзіць Упраўленне капітальнага будаўніцтва. Хаця гэтая ўстанова не мае на гэта паўнамоцтваў, і любыя вынікі такога абмеркавання будуць незаконнымі.
Улады заснавалі новае званне - «Пачэсны грамадзянін Віцебскага раёна». Якія патрабаванні да кандыдатаў і наступныя выгоды?
Гэтая ініцыятыва з'явілася ў сувязі з запланаваным сёлета святкаваннем 100-годдзя адміністрацыйнага ўтварэння, ршэнне мясцовых уладаў набыла законную сілу 10 красавіка. Мяркуецца, што адзначаць юбілей раёна будуць летам ў аграгарадку «Ноўка», з гэтай нагоды там закладаюць новы парк. Паводле старшыні райсавета Віктара Дарожкіна, кандыдатаў на ўганараванне новым званнем ужо вызначаюць. Якім крытэрам ён мусіць адпавядаць і якія бонусы чакаюць уганараванага?
За “экстрэмізм” у сацсетцы ўлады арыштавалі непрацуючага
Суддзя суда Дубровенскага раёна Ігар Татаеў 2 красавіка за распаўсюджванне «экстрэмісцкіх» публікацый у сацыяльнай сетцы арыштаваў на 10 сутак беспрацоўнага Андрэя Коршунава.
Небяспечныя дзіцячыя расійскія кнігі знайшлі ў продажы на Віцебшчыне
Пра гэта паведамілі ў Віцебскай абласной інспекцыі Дзяржстандарта. Размова вядзецца пра кнігі гандлёвай маркі "Умка" (ТАА "СІМБАТ") "50 казак і вершаў" Карнея Чукоўскага і "50 вершаў малым" Агніі Барто. Абедзве былі вырабленыя маскоўскім АТ "Выдавецтва "Вышэйшая школа".