Жыхары вёскі Глыбоцкага раёну сталі змушанымі камунальнымі даўжнікамі
Новы радок у камунальных паведамленьнях у невялічкай вёсцы Сьвіла прымусіў яе жыхароў абіваць парогі адміністрацыйных будынкаў. Людзі атрымалі рахункі за вываз адкідаў, хоць сьмецьцявоз, паводле іх словаў, не прыяжджае паўгода.
Месца гатаваньня ежы для адміністрацыйна арыштаваных – сакрэтная інфармацыя
Часовы выканаўца абавязкаў начальніка ІЧУ пры УУС Віцебскага аблвыканкаму маёр міліцыі С. В. Каўрыга ўтойвае інфармацыю пра месца знаходжаньня пункту па прыгатаваньні ежы адміністрацыйна арыштаваным.
Аднаўленьне касьцёла сьв. Антонія ў Віцебску. Таварыства аховы помнікаў раіць не сьпяшацца
Калі касьцёл будзе ссунуты хоць на мэтар ад сваіх гістарычных падмуркаў – гэта ўжо аніяк ня будзе стасавацца з аўтэнтыкай і нічым ня будзе адрозьнівацца ад псэўдааднаўленьняў кшталту менскай гасьцініцы “Эўропа” ды ідэі “аднаўленьня” Сафійскага сабору ў Віцебску, мяркуюць спэцыялісты Беларускага добраахвотнага таварыства аховы помнікаў гісторыі і культуры.
Эўразьвяз фінансава дапаможа дзяржаўным структурам Віцебшчыны
Год таму ў межах праграмы трансгранічнага супрацоўніцтва «Латвія-Летува-Беларусь», якую фінансуе Эўразьвяз, быў абвешчаны першы конкурс праектных прапановаў дзеля пасьпяховага партнэрства арганізацыяў трох краін. Вынікі конкурсу, апублікаваныя надоечы, расчаравалі некамэрцыйныя арганізацыі (НКА): сярод атрымальнікаў грантаў Эўразьвязу іх няма, падтрыманыя былі толькі праекты з удзелам уладаў.
Басанож у мароз і ежа са сьметніку. Сірата зь Віцебску 5 гадоў жыў у логавішчы ў лесе
Логавішча Віталіка падобнае да вялікай двухспальнай ляжанкі. 31-гадовы гаспадар – постаць калярытная. Прыязны, таварыскі чалавек, але ягоны век можна пазнаць толькі па вачох, бо ўвесь твар хаваецца за пышнай шавялюрай і доўгай барадой. Вочы жывыя і наіўныя. Віталік сьцьвярджае, што жыве ў лесе на ўскрайку гораду ўжо каля 5 гадоў.
Віцебск: Сябры “Справядлівага сьвету” ўсё ж правялі мітынг на плошчы Леніна
Як вядома, адміністрацыя Кастрычніцкага раёну Віцебску забараніла гарадзкому камітэту мясцовай арганізацыі Беларускай партыі левых “Справядлівы сьвет” праводзіць мітынг, прымеркаваны да стогадовага юбілею Кастрычніцкай рэвалюцыі. Аднак, не зважаючы на забарону, мітынг адбыўся, пасьля чаго да помніку Леніну ўсклалі вянок ды кветкі.
Партыі левых “Справядлівы сьвет” забаранілі мітынг на плошчы Леніна ў Віцебску
Гарадзкі камітэт віцебскай арганізацыі Беларускай партыі левых “Справядлівы сьвет” зьвяртаўся ў адміністрацыю Кастрычніцкага раёну гораду Віцебску па дазвол на мітынг у гонар стогадовага юбілею рэвалюцыі.
Творчасьць – пад забаронай: мастацкая выстава закрылася празь бюст Леніна з квашаніны
Хто даў асабісты загад прыбраць з мастацкай выставы ў Віцебску інсталяцыю пад назовам “Дванаццаць нажоў у сьпіну рэвалюцыі” – невядома. Але, верагодна, без умяшаньня ідэалягічнага аддзелу гарвыканкаму тут не абышлося.
У Віцебскіх актывістаў зьявілася «Добрая нагода» для сустрэч
У віцебскім арт-бары «Торвальд» прайшла імпрэза пад сымбалічнай назвай «Добрая нагода», асноўнай мэтай якой было пазнаёміць паміж сабой актыўных людзей гораду, каб у далейшым яны пачалі сумесную дзейнасьць па рэалізацыі праектаў.
Статыстыка: самыя сталыя мужчыны – на Віцебшчыне
Згодна са статыстычнымі дадзенымі, якія апублікаваў да Сусьветнага дня мужчын (4 лістапада) Мінстат, сярэдні ўзрост мужчын на Віцебшчыне сягае 38,6 гадоў. Гэта найвышэйшы паказьнік у Беларусі сярод рэгіёнаў. Самае маладое мужчынскае насельніцтва – у Менску. Сярэдні век мужчын-менчукоў складае 35,8 гадоў.