Сытуацыя з правамі чалавека ў Беларусі будзе разгладжана 20 сакавіка на 55-й сэсіі Рады ААН па правах чалавека
Рада 15 сакавіка 2024 года апублікавала даклад аб становішчы ў галіне правоў чалавека ў Беларусі напярэдадні прэзыдэнцкіх выбараў 2020 года і пасля іх. У дакладзе гаворыцца аб закрыцці НДА, зменах заканадаўства, палітвязнях і ўмовах іх зняволення, у тым ліку ў рэжыме інкамунікада, рэпрэсіях супраць СМІ, пазбаўленне ліцэнзій адвакатаў, пашырэнні "экстрэмісцкіх" спісаў, ператрусах, адвольных затрыманнях, катаваннях, смерцях падчас пратэстаў і ў зняволенні, а таксама вымушанай эміграцыі.
Улады спагналі з палітвязня страхавую выплату
Суддзя суда Першамайскага раёна Віцебска Антаніна Сірата 17 студзеня пастанавіла спагнаць з вязня магілёўскай турмы №4 Алега Яфрэменка ў рэспубліканскі бюджэт кампенсацыю страхавой выплаты ў памеры 135 рублёў. Такую суму УУС Вітаблвыканкама выплаціла работніку міліцыі, які атрымаў траўму ад палітвязня падчас масавых беспарадкаў у 2020 годзе ў абласным цэнтры. Ні прадстаўнік УУС, ні адказнік Яфіменка, у судовым паседжанні не прысутнічалі.
Віцебскія чыноўнікі ад аховы здароўя адмовіліся рэагаваць на зварот грамадзян
Каб вырашыць праблему, жыхары рэгіёну сабралі 30 подпісаў пад зваротам да кіраўніцтва Міністэрства аховы здароўя, у якім просяць правесці праверку ў сувязі з фактам ігнаравання зваротаў грамадзян чыноўнікаў Галоўнага ўпраўлення па ахове здароўя Віцебскага аблвыканкама. Грамадзяне спадзяюцца на тое, што ў міністэрстве звярнуць увагу на бяздзейнасць віцебскіх калег.
“Раней аб'язджалі ямы, а зараз гарбы”. Ямы і груды. Рамонт дарог у Браслаўскім раёне вымушае жадаць лепшага
Браслаўчане звярнулі ўвагу на якасць ямачнага рамонту дарожнага пакрыцця ў вёсцы Рубеж, што на Браслаўшчыне. «Раней аб'язджалі ямы, а зараз гарбы. Зразумела, што ўвесь асфальт пабіты, але гэта ж таксама не рамонт!” – усклікае браслаўчанка.
Пастара евангельскай царквы Аляксандра Зарэцкага асудзілі за словы «Давайце маліцца за Украіну»
Сталі вядомыя падрабязнасці абвінавачванняў, высуных супраць пастара Аляксандра Зарэцкага з Навалукомля. 5 сакавіка суддзя Чашніцкага райсуда Ала Смірнова пакарала яго арыштам на 15 сутак за «несанкцыянаванае пікетаванне». Пікетам суд палічыў пропаведзь пастара падчас аднаго з богаслужэнняў, на якой, верагодна, прысутнічалі аператыўнікі. Фразы «помолимся за тех, кто в тюрьмах по сфальсифицированным причинам», «давайце маліцца за Украіну» і іншыя былі расцэнены як выразы, якія «адлюстроўваюць грамадска-палітычныя інтарэсы».
Органы пракуратуры Віцебскай вобласці выявілі значныя парушэнні ў рэгіянальных установах аховы здароўя
Регіянальная пракуратура ўнесла старшыні Вітаблвыканкама Субоціну прадстаўленне, па выніках разгляду якога былі прыняты меры для ўстаранення парушэнняў заканадаўства пры аказанні дзяржмедустановамі дапамогі насельніцтву. Акрамя таго, выканкамамі прыняты дадатковыя меры па замацаванні маладых спецыялістаў па месцах працы. За недагляды ў працы прыцягнуты да дысцыплінарнай адказнасці 10 службовых асоб.
Маніторынг крамаў у Лепелі выявіў бруд, смецце і рэалізацыю пратэрмінаваных прадуктаў
Спецыялісты Лепельскага раённага ЦГіЭ зрабілі санітарны нагляд гандлёвых аб'ектаў горада з максімальным выкарыстаннем мер прафілактычнага і папераджальнага характару. Піша мясцовая раёнка.
Летась на Мёршчыне было выяўлена 532 парушэнні аховы працы
Там створаная так званая мабільная група з прадстаўнікоў райвыканкама, праваахоўных і кантрольна-наглядных органаў, прафсаюзаў, якая павінна аказваць практычную і метадычную дапамогу наймальнікам у выкананні заканадаўства аб ахове працы. Летась яны 63 разы наведалі арганізацыі і выявілі 532 парушэнні, 12 % якіх ліквідавалі ў рабочым парадку. Большасць з іх не патрабавала значных фінансавых выдаткаў. Іх прычына – неналежны кантроль за выкананнем работнікамі і службовымі асобамі патрабаванняў па ахове працы. Пра гэта паведаміў начальнік упраўлення па працы і сацыяльнай абароне Мёрскага райвыканкама Вячаслаў Бялько.
Улады аштрафавалі жонку палітвязня за атрыманне дабрачыннай дапамогі
Суддзя суда Наваполацка Зінаіда Балаболава 29 лютага за незаконнае выкарыстанне замежнай бязвыплатнай фінансавай дапамогі аштрафавала на 600 рублёў жонку палітвязня Аляксандра Капшуля, Аксану Капшуль. Акрамя таго, суддзя пастанавіла спагнаць з «правапарушальніцы» ў даход дзяржавы 1993,48 рублёў ЗБД. Дапамога была атрымана ў выглядзе тавараў праз інтэрнэт-краму.
Следчы камітэт пачаў "спецвытворчасць" супраць Людмілы Барэйкі, якая прыдумала лозунг «Стоп таракан»
Спадарыні Людміле 62 гады, яна паходзіць з Глыбокага, але ўжо некалькі год вымушана жыве за мяжой. Следчыя распачалі супраць яе «спецвытворчасць» - юрыдычную працэдуру, паводле якой чалавека, якога няма ў Беларусі, можна судзіць завочна. Жанчыну вінавацяць паводле арт.188 Крымінальнага Кодэкса (Паклёп). Санкцыі артыкула прадугледжваюць абмежаванне або пазбаўленне волі на тэрмін да трох гадоў.