У Глыбокім зьбіралі подпісы за гістарычныя назвы вуліц
У Глыбокім людзі просяць згадаць на шыльдах гістарычныя назвы вуліц. За гэты сабрана каля шасьці дзясяткаў подпісаў жыхароў гораду. Подпісы перадалі ў глыбоцкі раённы Савет дэпутатаў. Разам з подпісамі быў перададзены і ўзор шыльды, якую распрацавалі прадстаўнікі грамадзкасьці Глыбокага.
Віцебск застаўся без «ідэалягічнага кіраўніка»
У гарвыканкаме адбыліся зьмены, пра якія чыноўнікі чамусьці ня лічаць патрэбным паведамляць жыхарам Віцебску. Зь пераліку намесьнікаў старшыні гарвыканкаму зьнікла прозьвішча Ўладзімера Шломы, які займаўся пытаньнямі адукацыі, спорту, турызму, ідэалёгіі, культуры, справамі моладзі. І запомніўся нэгатыўным стаўленьнем да дэмакратычных актывістаў.
У Віцебскай вобласьці часьцей за ўсё на хабарах пападаюцца лекары
Гэтая тэндэнцыя назіраецца ня першы год і звычайна вядзецца пра атрыманьне хабараў за незаконнае афармленьне бальнічных лістоў. У 2014 годзе за такія дзеяньні асуджаныя лекар-хірург паліклінікі № 4 у Воршы, лекар-тэрапэўт Талачынскай ЦРБ, лекар-нэўроляг Дубровенскай ЦРБ. Працягваецца расьсьледаваньне крымінальных спраў па фактах атрыманьня хабараў лекарам Наваполацкай гарадзкой паліклінікі № 1, загадчыкам аднаго з аддзяленьняў Дубровенскай ЦРБ.
Актывіста БХД зь Мёраў пазбавілі працы
З 10 красавіка актывіст стваранай партыі БХД зь Мёраў Сяргей Васільеў застаўся бяз працы – зь ім не працягнулі кантракт. 14 красавіка ён стаў на ўлік па беспрацоўі, але грашовую дапамогу памерам 360 тысяч рублёў зможа атрымаць толькі 20 траўня.
Аршанскія камунальнікі адказалі жыхарам праблемнага падʼезду адпіскай
Жыхары пятага пад’езду дому №7 па вуліцы Міру ў Воршы атрымалі ліст у адказ на свой калектыўны зварот. Жыхары зьвярталіся ў «Воршакамгас» з просьбай капітальнага рамонту.
Прэтэндэнт на ўдзел у прэзыдэнцкіх выбарах Тацьцяна Караткевіч адказала на пытаньні чытачоў глыбоцкага рэгіянальнага сайту
Наведвальнікі сайту Westki.info, які публікуе навіны паўночнай Беларусі і Вільні, змаглі задаць свае пытаньні Тацьцяне Караткевіч. Сувязь адбывалася ў выглядзе онлайн-канфэрэнцыі. На пашыраным паседжаньні палітычнай камісіі партыі БНФ з удзелам рэгіянальных кіраўнікоў партыі было вырашана падтрымаць спадарыню Караткевіч у якасьці кандыдата ў прэзыдэнты на выбарах-2015.
Распаўсюднікаў улётак будуць уважаць за «дармаедаў»
Віцебскае кадравае агенцтва папярэджвае прэтэндэнтаў на вакансію распаўсюдніка ўлётак, што гэтая праца не зьяўляецца «сапраўднай». Чытачка сайту charter97.org пераслала копію аб’явы аб цікавай вакансіі, якая прыйшла ёй на электронную пошту.
Рабочых Наваполацкага заводу буйнапанэльнага домабудаваньня перавялі на «працадні»?
Рабочыя сьцьвярджаюць, што заробкі ім выдалі банкаўскай карткай, якую можна атаварыць толькі ў крамах «Базысу». Адміністрацыя прадпрыемства катэгарычна адмаўляе такую практыку.
Каб пазьбегнуць дысцыплінарнай адказнасьці, дырэктар Віцебскага садавінагароднінага камбінату загадаў закапаць 15 тон дзіцячага харчаваньня
Сьледчы камітэт распачаў крымінальную справу ў дачыненьні да былога дырэктара ААТ «Віцебскі садавінагародніны камбінат». Сьледзтвам выяўлена, што службовая асоба, каб пазьбегнуць прыцягненьня да дысцыплінарнай адказнасьці за неналежнае выкананьне службовых абавязкаў па скарачэньні складзкіх запасаў дало падначаленым работнікам заведама незаконнае распараджэньне па пахаваньні пад зямлёй 15 тон дзіцячага харчаваньня са скончаным тэрмінам прыдатнасьці, а таксама больш за 10 тон шклабою, паведаміла прэс– служба СК па Віцебскай вобласьці.
Міліцыя правярае факты распаўсюджваньня савецкіх сьцягоў у Віцебску
Прадстаўнік Беларускага Хэльсынскага Камітэту ў Віцебску Павал Левінаў атрымаў адказ з абласной міліцыі наконт вулічных раздатчыкаў савецкіх сьцяжкоў.