Мадэрнізацыя «Віцебскдрэву» скончылася стратай рынкаў збыту
«Віцебскдрэў», якому банкі адмаўляюць у крэдытаваньні, просіць садзейнічаньня ўраду. Генэральны дырэктар ААТ Анатоль Юхнавец зьвярнуўся з такой просьбай да першага намесьніка прэм'ер-міністра Васіля Мацюшэўскага, які правёў 11 сьнежня ў Віцебску выязны прыём. Пра гэта паведамілі ў прэс-службе ўраду.
Рабочы аршанскага заводу «Легмаш» загінуў проста ля станка
Няшчасьце адбылося ў пятніцу 11 сьнежня каля 10 гадзін раніцы. Рабочы пэнсійнага веку 1951 года нараджэньня працаваў за такарным станком. У нейкі момант зь незразумелых пакуль прычын галаву работніка зацягнула элемэнтамі станка, якія вярцеліся, што прывяло да сьмерці. Прычыны здарэньня высьвятляюцца.
На месцы распаўсюду незалежных СМІ зрабілі пандус, карыстацца якім немагчыма
Гэтым пандусам ня зможа скарыстацца чалавек у інвалідным вазку, кажа віцяблянін Барыс Хамайда. Ён не выключае, што такім чынам было вырашана пазбавіцца ад ягонай прысутнасьці.
КПЧ прызнаў, што ўлады Беларусі парушылі правы віцебчука
Камітэт ААН па правох чалавека апублікаваў чарговае рашэньне, прынятае наконт скаргі жыхара Віцебску. Згодна з гэтым рашэньнем, Беларусь парушыла правы Тараса Сургана, якія забясьпечваюцца часткай 2 артыкулу 19 Міжнароднага пакту аб грамадзянскіх і палітычных правох.
Пад Віцебскам бунтуюць дачнікі
Людзі, якія маюць лецішчы ў раёне будоўлі Віцебскай ГЭС, не спыняюць сваіх пратэстаў. У садаводчым таварыстве «Суднабудаўнік» правялі сход нязгодных з памерам кампэнсацыяў за зьнішчэньне маёмасьці.
Наваполацкія апазыцыянэры дамовіліся аб узаемадапамозе і сумеснай працы
У Наваполацку 6 сьнежня прайшоў круглы стол мясцовых дэмакратычных сілаў. Прадстаўнікі БХД, партыі БНФ і АГП заключылі паміж сабой першае папярэдняе пагадненьне «аб сумеснай працы і ўзаемадапамозе» на мясцовым узроўні.
Прадпрыемства «Браслаўрыба» атрымала забарону на пастаўку сваёй прадукцыі ў Расею
Напрыканцы году філіял Глыбоцкага МКК «Браслаўрыба» зноў трапіў у складаную сытуацыю. Адладжаны мэханізм вытворчасьці і збыту прадукцыі даў збой.
Віцебск павіншаваў Сьвятлану Алексіевіч
10 сьнежня адразу ў некалькіх публічных месцах Віцебску быў арганізаваны супольны прагляд урачыстай цырымоніі ўручэньня Нобэлеўскай прэміі. Упершыню сярод ганараваных прэміяй – беларуская пісьменьніца.
Арганізаваныя прагляды тэлетрансьляцыі адбываліся ў віцебскім «Эўрапейскім клюбе», арт-прасторы « Талстога, 7» і арт-пабе «Торвальд». Ва ўмовах, калі дзяржаўныя тэлевізійнікі адмовіліся ад жывой трансляцыі гэтай знакавай для беларускай літаратуры падзеі, гэткія культурныя акцыі сталіся своеасаблівым грамадзкім адказам, актам маральнага супраціву абсалютна ненатуральным паводзінам уладаў. Паводзінам, якія, калі глядзець на іх праз прызму твораў сёлетняй нобэлеўскай ляўрэаткі, цалкам адпавядаюць сьвядомасьці «чырвонага чалавека» постсавецкай прасторы. «Чырвоны чалавек» не жадае ані сыходзіць з чужой для яго рэальнасьці, ані адмаўляцца ад улады, замінаючы руху грамадзтва наперад, але не ўсьведамляючы гэтага і не адчуваючы праз гэта жадных пакутаў.
Беларускамоўны тэлеканал «Белсат», што вяшчае з Польшчы, стаўся адзіным нацыянальным каналам, які арганізаваў трансьляцыю цырымоніі, якая праходзіла ў Стакгольмскай канцэртнай залі. Дзякуючы гэтаму кожны, хто падлучаны да «Белсату» праз спадарожнік або сеціва, мог назіраць, як беларуска Сьвятлана Алексіевіч атрымала сваю узнагароду з рук швэдзкага караля.
Мяркую, у гэты момант ня толькі наведнікі «Эўрапейскага клюбу» запляскалі ў далоні – гэткія воплескі гучалі па ўсёй Беларусі. І гучалі яны як надзея на перамены, бо разам з агучваньнем праблемы існаваньня «чырвонага чалавека» быў запушчаны і мэханізм вырачэньня беларускай нацыяй яго антычалавечай сутнасьці. Сутнасьці, якая сталася ня толькі прычынай бясконцых бойняў і самавынішчэньняў 20-га стагодзьдзя, але і тых канфліктаў, што адбыліся за першыя пятнаццаць гадоў стагодзьдзя 21-га.
Як летапісец эпохі «чырвонага чалавека» Сьвятлана Алексіевіч хоцьма-няхоцьма спрычынілася да канстатацыі натуральнасьці яго сыходу з гістарычнай арэны, за што і атрымала сёлетнюю Нобэлеўскую прэмію ў галіне літаратуры.
Віншуем Сьвятлану Алексіевіч, віншуем адно аднаго!
С. Горкі, Віцебская вясна
Як віцебскія ўлады шануюць правы чалавека
Усе мерапрыемствы, якія віцебскія актывісты праваабарончага руху хацелі правесьці на пачатку сьнежня, былі альбо забароненыя, альбо праігнараваныя дзяржаўнымі сродкамі масавай інфармацыі і органамі мясцовай улады.
Віцебскі праваабаронца прызнаны палітвязьнем
Праваабарончыя арганізацыі Беларусі лічаць заснавальніка Ўстановы «Пляцформа» Міхаіла Жамчужнага палітвязьнем.