Улады за абразу Лукашэнкі палітвязня асудзілі на два гады калоніі
У Віцебскім раённым судзе 21 чэрвеня асудзілі палітзняволенага Канстанціна Ступнікава паводле ч. 1 арт. 368 (Абраза Лукашэнкі) Крымінальнага кодэкса. Суддзя Міхаіл Зубеня прызначыў Канстанціну два гады пазбаўлення волі ў калоніі ва ўмовах агульнага рэжыму.
За распаўсюд «экстрэмізму» ўлады пакаралі грамадскімі працамі «Лепшага працаўніка транспарту»
Суддзя суда Докшыцкага раёна Вяеслаў Елісеенка за распаўсюд «экстрэмісцкіх» матэрыялаў у сацыяльных сетках пакараў сарака гадзінамі грамадскіх прац кіроўца філіяла «Докшыцыводаканал» Валерыя Шылько, якому ў 2023 годзе ўлады прысвоілі ганаровае званне «Лепшы работнік транспарту».
Другі абавязковы элемент школьнага адзення ўводзяць школы Ушаччыны
Новаўвядзенне чакае школьнікаў з 1 верасня. Да першага абавязковага элемента школьнага адзення, уведзенага летась, дадаецца другі. Яго кожная ўстанова вызначае самастойна – па сумесным рашэнні адміністрацыі, вучняў, бацькоў. Улады абяцаюць, што гэта пакуль усё і нічога новага дадаваць не будуць.
Міністр энергетыкі: Там дзе ёсць газіфікацыя, электраацяплення не будзе
Міністр энергетыкі Беларусі Віктар Каранкевіч правёў асабісты прыём грамадзян у Докшыцах. Усе звароты, з якімі звярнуліся да яго жыхары раёна, датычыліся падключэння электраацяплення ў жылых дамах. Міністр даў людзям наступныя тлумачэнні.
Палітвязню Алегу Яфрэменку дадалі яшчэ адзін год зняволення
У судзе Горацкага раёна 25 ліпеня палітвязня ўжо другі раз асудзілі па ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Суддзя Алена Вараб’ёва прызначыла Алегу яшчэ адзін год зняволення. Раней палітвязню ўжо ўзмацнялі рэжым: у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым у Магілёў, а летась дадалі год калоніі за "непадпарадкаванне" адміністрацыі магілёўскай турмы.
У Наваполацку рыхтуюць ваенізаванае мерапрыемства з удзелам расейскіх выступоўцаў
Да Дня ВДВ, які ў Беларусі адзначаюць у першыя выходныя жніўня, у Наваполацку пройдзе Міжнародны фестываль- свята патрыятычнай і армейскай песні «Сінева». Статус «мІжнароднага» фестываль займеў, дзякуючы ўдзелу артыстаў з Расеі, а таксама анансаваны выступ груп «Перевал» з Латвіі і «Motor-roller» з Казахстана. Апошняя група вядомая тым, што ў сваёй творчасці настальгуе па часах СССР, а яе лідар Ілляс Аутаў заклікае да аб’яднання і падтрымкі «былых рэспублік вялікай краіны» і адкрыта дэманструе сваю прарасейскую пазіцыю.
Напярэдадні новых выбараў дэпутаты «пайшлі ў народ». Але народ дэманструе недавер да органаў улады
Чалец Савета Рэспублікі Нацыянальнага сходу, старшыня Наваполацкага гарвыканкама Дзмітрый Дзямідаў правёў прамую тэлефонную лінію і асабісты прыём у Расонах. Наваполацкая «Новая газета» пафасна зазначыла, што «сенатор неравнодушен к чаяниям и обращениям избирателей, а те, в свою очередь, ему доверяют и убеждены в поддержке со стороны власти».
Прызнаны палітвязнем жыхар Паставаў, улады якога падазраюць у фінансаванні экстрэмізму
Менскім гарадскім судзе з 17 красавіка нібыта судзяць у межах арт. 361-2 (Фінансаванне экстрэмісцкай дзейнасці) КК жыхара Пастаў Віцебскай вобласці палітвязня Дзмітрыя Селядцова. Старшынюе на працэсе суддзя Зянькевіч Валянціна.
Жонцы вярнуўся яе ліст да Мікалая Статкевіча з фармулёўкай «адмова ад атрымання»
Жонка палітвязня Марына Адамовіч паведаміла на сваёй старонцы ў Фэйсбуку, што ёйпа пошце вярнулі ліст, напісаны да мужа. На ім пазнака «адмова ад атрымання». Падобна, ад атрымання карэспандэнцыі адмовіўся не сам адрасат, а кіраўніцтва Глыбоцкай калоніі №13, дзе ўтрымліваюць зняволенага апазіцыйнага палітыка. Пяць з паловай месяцаў жонцы не даходзяць лісты ад Статкевіча, і яна нічога не ведае ні пра стан ягонага здароўя, ні пра ўмовы ўтрымання. Цяпер у калоніі вырашылі «ізаляваць» ад лістоў з волі і палітвязня.
Аршанскія ўлады абвясцілі апытанне гараджан, але выказаць сваё меркаванне ім няма дзе
У мясцовай «Аршанскай газеце» з’явілася абвестка пра тое, што мясцовыя ўлады праводзяць інтэрнэт-апытанне, дзе ў горадзе найлепей было б збудаваць Палац шлюбаў. Сваімі меркаваннямі аршанцаў прасілі падзяліцца на афіцыйным сайце райвыканкама ў раздзеле «Апытанні». Аднак такой старонкі на сайце проста не існуе: на яе нельга ні перайсці па спасылцы з абвесткі ў газеце, ні адчыніць непасрэдна з сайта. Дык ці насамрэч улады цікавяцца меркаваннямі гараджан?