Пасля 1839 г. «Беларусь ператварылася ў праваслаўную краіну», сцвярджае дзяржаўная газета
Гэткае «навуковае» сцвярджэнне абласная газета «Витебские вести» надрукавала ў абвестцы пра святкаванне 185-х угодкаў Полацкага царкоўнага сабора 1839 г. Сабор спыніў дзеянне Брэсцкай царкоўнай уніі 1595–1596 гг. на тэрыторыі Расійскай імперыі ( тут паўстае першае пытанне да «навукоўцаў» з дзяржСМІ: прычым тут Беларусь як асобная краіна). Другое пытанне яшчэ больш прынцыповае: ці ёсць, што святкаваць, маючы на ўвазе гвалтоўнае «вяртанне ўніятаў у праваслаўную веру».
Яшчэ двух жыхароў Віцебскай вобласці прызналі палітвязнямі
Паводле заявы прадстаўнікоў беларускай праваабарончай супольнасці ад 29 лютага, палітычнымі зняволенымі прызнаны Уладзімір Лісіца -- жыхар райцэнтра Лёзна, асуджаны да трох гадоў пазбаўлення волі паводле арт. 369 Крымінальнага кодэкса (Абраза прадстаўніка ўлады), і віцяблянін Дзмітрый Палякоў, асуджаны па тым самым крымінальным артыкуле на паўтара гады зняволення. Праваабаронцы лічаць, што крымінальны пераслед гэтых асобаў – гэта ўціск свабоды меркаванняў.
За размяшчэнне ў сетцы «экстрэмісцкіх» матэрыялаў улады арыштавалі беспрацоўнага
Суддзя суда Пастаўскага раёна Наталля Максімовіч 12 лютага за падпіску на "экстрэмісцкія" інфармацыйныя рэсурсы ў сацыяльных сетках арыштавала на 6 сутак беспрацоўнага мясцовага жыхара Дзмітрыя Казлоўскага.
11 сакавіка будуць судзіць Вольгу Брыцікаву, былую лідарку незалежнага прафсаюза прадпрыемства "Нафтан"
Яе справу будуць разбіраць у Віцебскім абласным судзе пад старшынёўствам суддзі Галіны Бондал. Брыцікаву вінавацяць у распальванні варажнечы (ч.1 арт. 130 Крымінальнага Кодэкса).
Улады за «экстрэмізм» аштрафавалі работніцу заправачнай станцыі
Суддзя суда Бешанковіцкага раёна Кацярына Мацкевіч 15 лютага за захоўванне "экстрэмісцкіх" публікацый у сацыяльнай сетцы аштрафавала на 600 рублёў аператара заправачных станцый Аксану Шэлепаву.
На Віцебшчыне на 7% вырасла колькасць хворых на наркатычную залежнасць. І гэта толькі зафіксаваныя выпадкі
Вынікі падвялі спецыялісты Віцебскага абласнога цэнтра псіхіятрыі і наркалогіі, дзе ёсць звесткі пра тых, хто стаіць на медычным уліку. Колькасць хворых на наркаманію ў Віцебскай вобласці ў 2023 годзе склала 54 выпадкі, гэта амаль 5 чалавек на 100 тысяч насельніцтва. Летась выяўлена 14 чалавек з залежнасцю ад таксічных рэчываў (у 2022 годзе - 8). Колькасць выяўленых спажыўцоў наркатычных і таксічных рэчываў без наступлення залежнасці склала 122 чалавекі і знізілася да ўзроўню 2022 года на 19,2 працэнта. Колькасць непаўналетніх у гэтых групах склала 14 чалавек (у 2022 годзе - 8 чалавек).
За «экстрэмісцкую» актыўнасць у інтэрнэце ўлады арыштавалі будаўніка
Суддзя суда Бешанковіцкага раёна Кацярына Мацкевіч 16 лютага за падпіску на ў сацыяльнай сетцы на два “экстрэмісцкія” інфарэсурсы арыштавала на 15 сутак муляра Аляксея Сытава.
Прыхільніца «русского мира» Эльвіра Мірсалімава: «Даведалася, у якіх умовах сядзяць «палітычныя»
У лютым 2024г. Мірсалімаву двойчы судзілі па адміністрацыйных справах. Першы раз - 15 лютага - суд прызначыў ёй штраф за парушэнне правядзення масавых мерапрыемстваў. Яе прызналі вінаватай за «пікетаванне ў інтэрнэце» за размяшчэнне ў сацсетках фотаздымкаў з расейскай дзяржаўнай і іншай сімволікай. Суд адбыўся праз 8 дзён пасля таго, як яе затрымалі і склалі пратакол паводле арт. 24.23 КаАП. Якраз тады ёй давялося адну ноч правесці ў ІЧУ, прычым у адной камеры з нацыянальна свядомымі актывісткамі. Пасля гэтага яна падзялілася «ВКонтакте» сваімі ўражаннямі. Пасля другога суду, падобна, у ізалятары часовага ўтрымання ёй давядзецца правесці больш працяглы тэрмін.
Дзяржкантроль выявіў факты несвоечасовай выплаты заробкаў летась у 11 рэгіёнах Віцебшчыны
Як паведамляе ведамства, да адказнасці прыцягнуты 192 службовыя асобы на агульную суму 97,3 тысячы рублёў. Таксама Дзяржкантроль па Віцебскай вобласці ўстанавіў парушэнні выплаты сярэдняга заработку за час працоўнага адпачынку пры наяўнасці сродкаў на выплату.
У Бешанковічах усталююць памятны знак, прысвечаны канцлеру ВКЛ Льву Сапегу
Бешанковіцкі райвыканкам падвёў вынікі конкурса эскізных праектаў памятнага знака Льву Сапегу, абвешчанага сёлета ў студзені. На конкурс былі прадстаўлены 12 праектаў, якія ацэньвала журы з «экспертаў у галіне мастацтва з Мінска і Віцебска, а таксама прадстаўнікі нашага раёна», як піша мясцовая газета «Зара». Аўтарскія прапановы нідзе не публікаваліся, шэраговых жыхароў рэгіёна з імі не знаёмілі. Паводле рашэння журы, пераможцам абвешчаны праект мінскага скульптара Івана Міско. Пасля ўвасаблення ў бронзе памятны знак усталююць у гарадскім парку.