Праваабаронцы Віцебску зладзілі акцыю супраць сьмяротнага пакараньня
Акцыя прайшла ў межах тыдня супраць сьмяротнага пакараньня, мерапрыемствы якога ладзяцца па ўсёй Беларусі з 5 па 10 кастрычніка. Праваабаронцы расклеілі па горадзе налепкі з тэкстам «Мы супраць сьмяротнага пакараньня». У цэнтры гораду мінакам раздаваліся інфармацыйныя матэрыялы. Такія матэрыялы былі параскіданыя таксама па паштовых скрынях некалькіх дамоў Віцебску.
У Віцебскай друкарні адмовіліся рабіць сшыткі з патрыятычнымі вокладкамі
Раней такога не было, кажа прыватны прадпрымальнік Уладзімер Рамановіч, які выпускае сшыткі, альбомы для маляваньня і магніты на лядоўні зь беларускамоўнымі надпісамі.
У Віцебску ў каналізацыйны калодзеж праваліўся хлопчык
8 кастрычніка ў Віцебску ў каналізацыйны бэтонны калодзеж упаў чатырохгадовы хлопчык. Дапамогі ў супрацоўнікаў МНС папрасіла маці дзіцяці. Ратавальнікі пры дапамозе лесьвіцы паднялі дзіця з калодзежа глыбінёй два з паловай мэтры. Для далейшага абсьледаваньня дзіця шпіталізаванае ў абласны шпіталь з папярэднім дыягназам «удар каленнага сустава».
У Віцебску ладзяць акцыю ў падтрымку прытулку для бяздомных жывёл
Акцыю «Пакармі коціка!» прыдумала і распачала віцебскі фатограф Вольга Слуцкая. Мэта акцыі - падтрымаць прытулак для бяздомных жывёл і дапамагчы «братам меншым», якія апынуліся на дварэ па віне чалавека. Да кампаніі далучылася і крама хэндмэйду «Магазын-28», якая паабяцала ўдзельнікам 28% зьніжку на наступную пакупку.
У Глыбокім разбураецца жылы дом – улады не рэагуюць
Пад руінамі свайго двухпавярховага дому баяцца апынуцца жыхары дому №21 па вуліцы Садовай, што ў Глыбокім. Там жывуць дзьве сям’і, у адных кватэра – прыватызаваная, у другіх – не. Сам дом знаходзіцца на балянсе кансэрвавага заводу, які амаль банкрут. У доме разбураецца цагляная сьцяна, працякае дах і паўсюль цьвіль.
У Полацку шыюць форму для сілавікоў Расеі
У ААТ «Мона» пачала працаваць і набірае абароты новая спэцыялізаваная вытворчая лінія па пашыве форменных кашуляў для сілавых структур Расеі. У цяперашні час, як адзначае дырэктар прадпрыемства Віктар Амельчанка, ёсьць магчымасьць забясьпечваць максымальную загрузку вытворчасьці, шыючы форменныя кашулі для сілавых структур Расейскай Фэдэрацыі, бо ёмістасьць гэтага рынку складае каля 1 мільёну вырабаў на год.
Будаўнікі невядомага аб’екту ў вёсцы Лужасна перагарадзілі праезд да хат жыхароў бэтоннымі плітамі
Надоечы жыхарцы вёскі Лужасна Галіне Жураўлёвай павінны былі прывезьці дровы, замяніць газавы балён, аднак у абодвух выпадках кіроўцы вымушана разварочваліся, а жанчына заставалася ні з чым. Праезд у завулку да дому № 18 па вуліцы М.Лынькова і да суседніх зямельных участкаў аказаўся перакрыты бэтоннымі плітамі, якія 17 верасьня гэтага году выгрузілі будаўнікі (на здымку).
Першая крымінальная справа аб карупцыі падчас падрыхтоўкі да «Дажынак-2014» узбуджаная ў Гарадку
Намесьнік пракурора Гарадоцкага раёну Максім Зіновік распавёў пра крадзеж больш за чвэрць мільярду рублёў з заробкаў работнікаў Гарадоцкага прадпрыемства кацельных і цеплавых сетак праз завышэньне заробкаў. Гэтае крымінальнае злачынства было зьдзейсьненае 49-гадовай бухгальтаркай КУВП «Гарадоцкае прадпрыемства кацельных і цеплавых сетак» цягам 23 месяцаў падчас падрыхтоўкі і правядзеньня сьвята працаўнікоў вёскі Віцебскай вобласьці «Дажынкі-2014» у Гарадку.
Праваахоўнікі Гарадоцкага раёну выявілі факты крадзяжоў грошай супрацоўнікамі “Белпошты”
Намесьнік пракурора Гарадоцкага раёну Максім Зіновік паведаміў, што зладжаная праца праваахоўных органаў Гарадоцкага раёну дазволіла выявіць ужо ў 2014 годзе на тэрыторыі раёну 13 злачынстваў карупцыйнай і эканамічнай накіраванасьці. Сярод гэтых злачынстваў 4 крадзяжы, адказнасьць за два зь якіх прадугледжаная артыкулам 210 Крымінальнага кодэксу Рэспублікі Беларусь (крадзеж праз злоўжываньне службовымі паўнамоцтвамі), а за два іншых - артыкулам 211 КК (прысабечваньне або растрата маёмасьці асобай, якой яна давераная). Пры гэтым два з названых крадзяжоў зьдзейсьненыя работнікамі Гарадоцкага раённага вузла паштовай сувязі Віцебскага філіялу РУП «Белпошта».
Пракуратура прааналізавала выкананьне заканадаўства аб барацьбе з п’янствам, аб тэхніцы бясьпекі і ахове працы на будоўлях Віцебшчыны
Органамі пракуратуры Віцебскай вобласьці праведзены маніторынг выкананьня заканадаўства аб барацьбе з п’янствам і алькагалізмам, аб тэхніцы бясьпекі і ахове працы на аб’ектах будаўніцтва, паведамляе Генэральная пракуратура Беларусі.