Вынік пратэстаў супраць зносу лецішчаў: улады прызналі, што грамадзкае абмеркаваньне ладзілася з парушэньнямі
Начальнік управы па будаўніцтве ГЭС «Віцебскэнэрга» Іван Пугачоў абвясьціў, што летась грамадзкае абмеркаваньне прайшло неналежным чынам, і трэба яго праводзіць нанова. Адначасова, ён не гарантуе бясьпеку тым дачнікам, якія застануцца пры сваіх пабудовах на свой страх і рызыку.
Віцебскія актывісты партыі БНФ наведалі мэмарыял пад Паляямі
Ужо колькі год віцебскія актывісты апякуюцца месцам мемарыяльных крыжоў паміж вёскамі Паляі і Вароны ў Віцебскім раёне, якое прысьвечанае ахвярам сталінскіх рэпрэсіяў 1937-38 гадоў, калі ў мясцовых лясох знайшлі свой апошні прытулак рэпрэсаваныя жыхары Віцебску і ваколіцаў.
Актывісты зь Віцебшчыны распавялі пра сваю валянтэрскую працу ва Ўкраіне (фота)
Цягам двух тыдняў Леанід Аўтухоў з Гарадка і віцябчук Ян Дзяржаўцаў знаходзіліся ў Харкаве, дзе ў якасьці валянтэраў удзельнічалі ў працы «Праваабарончай гуманітарнай місіі ва Ўкраіне», арганізаванай праваабарончым цэнтрам «Вясна» супольна з украінскімі партнэрамі.
Студэнта Полацкага дзяржунівэрсытэту апыталі наконт расьцяжкі «Свабоду палітвязьням»
Сябра аргкамітэту па стварэньні партыі «Беларуская хрысьціянская дэмакратыя» Зьміцер Дзякаў паведаміў праваабаронцу Паўлу Левінаву, што 26 чэрвеня да яго дахаты прыйшлі супрацоўнікі міліцыі. Хлопец адмовіўся адказваць на іх пытаньні.
У Глыбокім будуць судзіць незалежных журналістаў
На глыбоцкіх журналістаў Тацьцяну Смоткіну і Зьмітра Лупача склалі пратаколы за парушэньне заканадаўства аб СМІ паводле артыкулу 22.9 Кодэксу аб адміністрацыйных правапарушэньнях (незаконны выраб і распаўсюд прадукцыі СМІ). Суд над Тацьцянай адбудзецца 9 ліпеня, над Зьмітром – 10 ліпеня.
Белхімпрафсаюз не сьпяшаецца выканаць узятыя на сябе забавязаньні
Пяршоўка Белхімпрафсаюзу на заводзе «Шкловалакно» ў Полацку пакуль ня хоча бачыць у камісіі па калектыўных перамовах з наймальнікам прадстаўніка рабочых ад Свабоднага прафсаюзу. Хоць дамоўленасьць пра гэта была дасягнутая на міжнародным сэмінары ў прысутнасьці старшыні Белхімпрафсаюзу Сьвятланы Клачок і старшыні ФПБ Міхаіла Орды.
У Германавічах прайшоў «бульбяны фэст» (фота)
У вёсцы Германавічы, што ў Шаркоўшчынскім раёне, 27 ліпеня прайшло народнае гуляньне «бульбяны фэст». Выглядала гэтае мерапрыемства як сьвята, арганізаванае самімі мясцовымі жыхарамі для сябе і гасьцей. Народнае сьвята праходзіла ў двары звычайнай вясковай хаты, у якой знаходзіцца прыватны культурна-асьветніцкі цэнтар імя Язэпа Драздовіча, створаны шчырай беларускай, пэнсіянэркай Адай Райчонак.
Сьледчыя органы ня лічаць заяўнікамі апазыцыйных актывістаў
Упраўленьне Сьледчага камітэту па Віцебскай вобласьці ня лічыць заяўнікамі сяброў Кансэрватыўна-Хрысьціянскай партыі БНФ, якія знайшлі чалавечыя парэшткі паблізу вёскі Хайсы. На падставе гэтага сьледчыя органы адмаўляюць ім у атрыманьні пастановы аб адмове ва ўзбуджэньні крымінальнай справы і ў азнаямленьні іх з матэрыяламі праверкі, праведзенай аддзяленьнем СК па Віцебскім раёне.
Пракуратура Віцебскай вобласьці выявіла факты недастатковага інфармаваньня грамадзян пра долевае будаўніцтва
Пракуратура Віцебскай вобласьці выявіла факты парушэньняў правоў грамадзян на атрыманьне поўнай і дакладнай інфармацыі пра долевае будаўніцтва жытла, паведаміла пракурор аддзелу па наглядзе за выкананьнем заканадаўства і законнасьцю прававых актаў пракуратуры Віцебскай вобласьці Марына Рыжова.
Казакі пад расейскім трыкалёрам выхоўвалі дзяцей «на беларускіх праваслаўных традыцыях»
Гэта сьцьвярджаецца ў адказах зь Міністэрства адукацыі. Яно вымушанае адказваць на скаргі з прычыны інцыдэнту, які здарыўся ў лютым гэтага году ў сярэдняй школе № 19 Воршы.