Траіх віцяблян абвясцілі ў вышук, без суду назваўшы іх вінаватымі па ч.2 арт. 342 КК РБ
Пра тое, што ягоны партрэт з“явіўся на стэндах «Іх шукае міліцыя», праваабаронцу Паўлу Левінаву паведамілі знаёмыя з Віцебска. Яны распавялі, што ягоны фотаздымак, а таксама фотаздымкі праваабаронцы Ірына Траццяковай і жыхаркі абласнога цэнтра Таццяны Філімонавай суправаджае наступны тэкст: «Першамайскі РАУС г.Віцебска за здзяйсенне злачынства, падугледжанага ч.2 арт 342 КК РБ ( Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх) шукае» дадзеных асобаў. Прычым у абвестцы пра Левінава значыцца, што ён здзейсніў некалькі злачынстваў, кваліфікаваных паводле згаданага вышэй крымінальнага артыкула.
У Віцебскай вобласці захоўваецца напружанасць з працоўнай занятасцю
У эканоміцы Віцебскай вобласці ў лістападзе 2023 года было занята 457,3 тыс. чалавек. На пачатку бягучага года гэты паказчык складаў 465, 8 тысяч. Змяншэнне тых, хто працуе ў рэгіёне, за адзінаццаць месяцаў склала 8,5 тыс., а за ўвесь 2022 год колькасць занятых зменшылася на 8,6 тыс. работнікаў. І ў першыню ўлады прызналі, што кожны трэці раён Віцебшчыны адчувае праблему на рынку працы.
Улады пакаралі штрафам повара-«экстрэмістку»
Суддзя суда Першамайскага раёна Віцебска Наталля Карабліна 14 снежня за "экстрэмізм" у сацыяльнай сетцы пакарала адміністрацыйным штрафам у памеры 740 рублёў повара Кацярыну Барысевіч.
Больш за 2300 паштовак са словамі падтрымкі адрасавалі Анджэю Пачобуту – палітвязню з наваполацкай ПК-1
На платформе Patronite праходзіць кампанія ў падтрымку палітзняволенага беларускага журналіста, які ўжо 1015 дзён знаходзіцца за кратамі. Арганізатары запэўніваюць, што выбраныя паштоўкі будуць раздрукаваны і дастаўлены сям'і Анджэя, асуджанага паводле арт. 361 Крымінальнага кодэкса (Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь) і арт. 130 Крымінальнага кодэкса (Распальванне варожасці ці варажнечы) да 8 гадоў пазбаўлення волі ў калоніі ва ўмовах узмоцненага рэжыму.
За пікет і «экстрэмізм» у сацсетках улады двойчы буйна аштрафавалі беспрацоўную віцяблянку
Суддзя суда Першамайскага раёна Віцебска Наталля Карабліна пакаралі два разы штрафамі Насту Груздзеву за актыўнасць у сацыяльнай сетцы. 13 снежня за “экстрэмізм” штраф склаў 1110 рублёў і 18 снежня за незаконны пікет жанчына і маці двух малалентных дзяцей была аштрафаваная на суму ў 3700 рублёў. Сума агульнага пакарання склала 4810 рублёў.
За віртуальны «экстрэмізм» улады аштрафавалі жыхарку Лёзна
Суддзя суда Лёзненскага раёна Алена Шарэц 15 снежня за адзін лайк у сацыяльнай сетцы пад публікацыяй “экстрэмісцкай” накіраванасці пакарала штрафам у памеры 740 рублёў і канфіскавала тэлефон у маці двух дзяцей, кантралёра мясцовага прадпрыемства Ірыны Арсенькінай.
Газета «Голас Расоншчыны» распачала адмысловы праект, прысвечаны выбарам
Праект назвалі традыцыйна - «Ваш голос имеет значение», і з назвы відавочна: жыхароў раёна будуць агітаваць прыйсці на выбарчыя ўчасткі. Бо галоўнае – каб выбары адбыліся, а гэта залежыць ад колькасці прагаласаваўшых. А падлічыць колькасць галасоў, аддадзеных за канкрэтных кандыдатаў, гэта ўжо «справа тэхнікі», як паказвае досвед мінулах электаральных кампаній.
За пікет і «экстрэмізм» у сацсетках улады аштрафавалі жыхарку Наваполацка
Суддзя суда Наваполацка Зінаіда Балаболава 24 лістапада за правядзенне ў сацыяльнай сетцы несанкцыянаванага ўладамі масавага мерапрыемства і распаўсюд «экстрэмізму» пакарала адміністрацыйным штрафам у памеры 2960 рублёў мясцовую жыхарку Лізавету Анікіенку.
Прадстаўнікі грамадскасці прыінспектавалі аршанскія калоніі
Два члены Віцебскай абласной грамадскай наглядальнай камісія пры галоўным упраўленні юстыцыі Вітаблвыканкама 24 лістапада наведалі аршанскія папраўчыя калоніі № 8 і 12. Паводле інфармацыі праваабаронцаў у цяперашні час у ПК №8 адбываюць пакаранне 10 палітычных зняволеных. У працэсе грамадскага кантролю парушэнняў правоў зняволеных не выяўлена.
За падпіску на чатыры “экстрэмісцкія” каналы ўлады аштрафавалі педагога
Суддзя суда Пастаўскага раёна Наталля Максімовіч 28 лістапада за падпіску ў сацыяльных сетках на чатыры «экстрэмісцкія» інфарэсурсы пакарала штрафам у памеры 555 рублёў і канфіскавала ў даход дзяржавы тэлефон выхавацеля карэкцыйна-развіваючага цэнтра Наталлю Сідлярэвіч.