Чыгуначнікаў Воршы змушаюць частку заробкаў пераводзіць у Фонд міру
Працаўнікам аднаго з прадпрыемстваў Беларускай чыгункі ў Воршы гэтымі днямі раздалі раздрукаваныя заявы, куды трэба толькі ўнесьці імя, прозьвішча і паставіць подпіс. Заява кажа пра тое, што працаўнік просіць бухгальтэрыю пералічыць зь яго заробку 45 капеек у Фонд міру, распавялі сайту orsha.eu на ўмовах ананімнасьці работнікі гэтага прадпрыемства.
У Віцебску салдат-дэсантнік нібыта спрабаваў ускрыць вены
У Віцебскай 103-й асобнай гвардзейскай паветрана-дэсантнай брыгадзе салдат тэрміновай службы «зрабіў парэз на руцэ». Інфармацыю пацьвердзіў прэсавы сакратар Мінабароны Ўладзімер Макараў.
Ісламіст з Полацку, які зрабіў выбуховую прыладу, атрымаў 12 гадоў пазбаўленьня волі
За распальваньне рэлігійнай варожасьці, выраб выбуховага прыстасаваньня і распаўсюд парнаграфіі 34-гадовы жыхар Полацку Аляксей Ціханкоў прысуджаны судовай калегіяй па крымінальных справах Віцебскага абласнога суду да 12 гадоў пазбаўленьня волі.
Кастусь Смолікаў: Рыхтуем паперы ў абласную пракуратуру
Зварот у Віцебскую гарадзкую пракуратуру Кастуся Смолікава ад імя кіраўніка абласной арганізацыі партыі БНФ ня даў плёну. Ён скардзіўся на незаконнае, на яго погляд, праектаваньне Палацу ўрачыстых абрадаў і шлюбаў і пляны пабудаваць яго ў ахоўнай гістарычнай зоне. Актывіст апазыцыйнай партыі заявіў, што цяпер мае намер зьвярнуцца ў пракуратуру вобласьці.
Цяпер крыж у памяць рэпрэсаваных можна заўважыць з дарогі Віцебск – Гарадок
12 лістапада сябры грамадзянскай ініцыятывы «Хайсы» і неабыякавыя да мінуўшчыны грамадзяне, якія ствараюць народны мэмарыял памяці рэпрэсаваных, абазначылі ўскраек расстрэльнага лесу чатырохмэтровым мэталёвым крыжам з надпісам «Ахвярам сталінскага тэрору 1937-1940».
“У Дабрэйцы нядобра пахне”. Жыхары – супраць будаўніцтва пляцоўкі для кампаставаньня адкідаў
Гэтак званыя глеевыя ставы, у якіх адстойваюцца сьцёкавыя адкіды, разьмяшчаюцца пад Віцебскам з 1968 году і займаюць каля 48 гектараў. Але толькі сёлета было вырашана наладзіць перапрацоўку адстою ў кампост. Справа неабходная і карысная, цьвердзяць замоўцы праекту. Але агульную мову з жыхарамі сумежнай Дабрэйкі знайсьці ня могуць. Альбо – ня ўмеюць.
У Віцебску вынесены прысуд праваслаўнаму сьвятару, абвінавачанаму ў сутэнёрстве
Суд Чыгуначнага раёну Віцебску 14 лістапада абвясьціў вырак паводле крымінальнай справы «бацюшкі-сутэнёра» – 39-гадовага сьвятара Мікалая Кірэева зь Ленінградскай вобласьці (Расея), якога затрымалі ў кампаніі жанчын лёгкіх паводзінаў на вакзале ў беларускім горадзе. Яму прызначылі пакараньне ў выглядзе 5 гадоў 6 месяцаў пазбаўленьня волі ў калёніі ўзмоцненага рэжыму з канфіскацыяй маёмасьці.
Вырак брытанцу, абвінавачанаму ў арганізацыі незаконнай міграцыі, пакінуты бязь зьменаў
Цэлыя чатыры месяцы прамінулі з моманту абвяшчэньня прысуду грамадзяніну Вялікай Брытаніі Алану Полу Сьміту, аж пакуль Віцебскі абласны суд нарэшце не разгледзеў яго справу ў апэляцыйным парадку. У выніку рашэньне суду Глыбоцкага раёну пра пакараньне англічаніна двума гадамі зьняволеньня ў калёніі агульнага рэжыму пакінутае бязь зьменаў, і вырак цяпер набыў законную моц.
У Віцебску абмеркавалі форум праваабаронцаў і паглядзелі дакумэнтальную стужку пра Паўла Левінава
У суботу 11 лістапада ў Віцебску адбылася сустрэча беларускіх праваабаронцаў, падчас якой актывісты падзяліліся думкамі наконт цяперашняга становішча з правамі чалавека ў краіне і абмеркавалі вынікі чацьвертага праваабарончага форуму.
Аршанскія ўлады паабяцалі правесьці дасьледаваньні ў мясьцінах сталінскіх расстрэлаў
Абяцаньне дасьледаваць мясцовасьць ва ўрочышчы Кабыляцкая гара – афіцыйна прызнаным месцы расстрэлаў – ёсьць у пісьмовым адказе мясцовым актывістам, якія выказалі пратэст супраць будаўніцтва дарогі «на трупах».