Полацак: чаму не атрымалася выселіць Свабодны прафсаюз і каму гэта трэба
Судовы выканаўца Полацкага аддзелу прымусовага выкананьня Антон Лашкевіч 18 красавіка забараніў Свабоднаму прафсаюзу Беларускаму (СПБ) карыстацца офісам у Полацку – згодна з рашэньнем абласнога эканамічнага суду. Аднак маёмасьць першаснай арганізацыі СПБ працаўнікоў ААТ “Полацак-Шкловалакно” засталася ў офісе, бо ў рашэньні суду яна ніяк ня згадваецца.
“Царква не ўхваляе”. Віцебскім чарнобыльцам ня далі пусьціць па Дзьвіне вянок смутку
Традыцыя пускаць жалобны вянок па Дзьвіне ў Дзень чарнобыльскай трагедыі існавала ў Віцебску больш за 15 гадоў. Сёлета віцебскія вэтэраны Чарнобылю хацелі перадаць гэтую традыцыю маладым і зьвярнуліся па дапамогу ў Віцебскі гарвыканкам. Улады спачатку абнадзеілі, а потым паведамілі, што апускаць вянок нельга – не ўхваляе царква…
Чаму віцебскі “Справядлівы сьвет” падаў заяўку на “Несьмяротны полк” – камэнтар
Стала вядома, што віцебскія апазыцыйныя камуністы – сябры партыі “Справядлівы сьвет” падалі ў Віцебскі гарвыканкам заяўку на правядзеньне 9 траўня акцыі-шэсьця “Несьмяротны полк”. Заяўку падтрымалі прадстаўнікі некалькіх недзяржаўных арганізацыяў.
Суд: міліцыя мусіць выплаціць актывісту 8,72 рублёў за зьнішчаны на БНР-100 сьцяг
Суд Першамайскага раёну Віцебску толькі часткова задаволіў пазоўныя патрабаваньні Міколы Качурца, які прасіў спагнаць з Кастрычніцкага РАУС 42 рублі за зьнішчаны ў 2018 годзе бел-чырвона-белы сьцяг. Судзьдзя Алена Савіцкая ацаніла шкоду на 8 рублёў 30 капеек.
Ці парушыў судзьдзя Зубеня правы віцебскага журналіста Скрыля? Адказ Вярхоўнага суду
Пра тое, што судзьдзя Віцебскага райсуду Міхаіл Зубеня парушыў правы грамадзяніна, паведаміў Вярхоўнаму суду віцебскі праваабаронца Павал Левінаў. У сакавіку 2019 году судзьдзя Зубеня аштрафаваў журналіста Віталя Скрыля на 25 базавых велічынь. Падчас суду ён адхіліў хадайніцтвы Скрыля аб удзеле ў працэсе перакладчыка і беларускамоўнага адваката. Вярхоўны суд парушэньняў не пабачыў…
Полацкага актывіста Алеся Круткіна аштрафавалі на 382 рублі за заклік на малітву
Полацкі актывіст і блогер Алесь Круткін быў затрыманы 20 красавіка па дарозе на мітынг у Берасьце, куды дабіраўся аўтастопам. Ён правёў двое сутак у полацкім ізалятары і быў аштрафаваны на 15 базавых велічынь за заклік памаліцца 15 красавіка за Курапаты ля рэзыдэнцыі прэзыдэнта (арт. 23.34 КаАП).
Віцебскі прадпрымальнік аднаўляе старажытную сядзібу ў Вялікіх Лётцах
Сядзіба вядомага батаніка Ўладзімера Адамава, што ў Вялікіх Лётцах, зьмяніўшы шэраг гаспадароў, стала ўласнасьцю вядомага ў Віцебску прадпрымальніка і культурнага дзеяча Максіма Жукава. Ён марыць ператварыць занядбаную сядзібу ў культурны цэнтар. Кожны з нас можа паўдзельнічаць у гэтым шыкоўным праекце, бо робіцца ён – для ўсіх.
Квір у Віцебску. Моладзь паразважала пра правы сэксуальных меншасьцяў
Гэтымі днямі ў адной з віцебскіх арт-прастораў адбыўся бясплатны кінапаказ фільму Pride (“Гонар”) і дыскусія на тэму ЛГБТ. Гэта была першая сустрэча з шэрагу імпрэзаў, якія мае ладзіць у Віцебску новая моладзевая ініцыятыва CLOSET FREE.
Віцебскі “Самасад” запрашае гараджан на пасадку дрэваў у парку Броўкі
Грамадзянская ініцыятыва “Самасад” ладзіць чарговую акцыю азеляненьня Віцебску. Актывісты запрашаюць усіх віцяблян 20 красавіка ўзяць удзел у пасадцы дрэваў у парку Петруся Броўкі. Агульны збор – ў 11.00.
Мінабароны адказала вяскоўцам, якіх аштрафавалі за знойдзеныя парэшткі салдатаў
Чатыры гады таму браты Мішурныя зь вёскі Копці Віцебскага раёну знайшлі ў лесе парэшткі чырвонаармейцаў і атрымалі за гэта падзяку ад міністра абароны. Але праз некаторы час – за тое ж самае! – былі аштрафаваныя на 2 млн. рублёў. У пошуках справядлівасьці напісалі сёлета міністру Раўкову, але той адказаў фармальнай адпіскай…