Начальнік віцебскага СІЗА патрабуе прыцягнуць да адказнасьці доктара Пастнова
22 траўня ў кватэры вядомага віцебскага актывіста і лекара Ігара Пастнова правялі агляд: міліцыя шукала доказы, якія пацьвярджаюць разьмяшчэньне ім у інтэрнэце паведамленьняў аб катаваньнях, якія нібыта прымяняюць у СІЗА №2 Віцебску.
52-гі пошукавы батальён зьехаў, але пытаньні засталіся
На мінулым тыдні вайскоўцы 52-га пошукавага батальёну скончылі працу па эксгумацыі неідэнтыфікаваных парэшткаў з ускрытых чорнымі капальнікамі пахаваньняў у лясным урочышчы ля вёскі Хайсы. Аднак грамадзкія актывісты кажуць пра новыя знаходкі ў расстрэльным лесе.
У Глыбокім распачаўся суд над грамадзянінам Вялікай Брытаніі
Апроч англічаніна Алана Пола Сьміта, на лаве падсудных апынуліся двое грамадзян Беларусі. Усіх траіх абвінавачваюць у арганізацыі незаконнай міграцыі, нібыта зьдзейсьненай групай асобаў паводле папярэдняй змовы. Згодна з часткай 2 артыкулу 371¹ Крымінальнага кодэксу абвінавачаным пагражае зьняволеньне тэрмінам ад трох да сямі гадоў.
Кіраўнік руху «За свабоду» Юрась Губарэвіч сустрэўся з актывістамі Віцебшчыны
Нагадаем ў лістападзе мінулага году адбыліся выбары новага кіраўніка грамадзкай арганізацыі, на якіх зь невялікай перавагай перамогу атрымаў Губарэвіч. Візыт у горад над Дзьвіной у новым статусе стаў першым для Юрася. Да гэтага ён наведваў Віцебск, але толькі як намесьнік Аляксандра Мілінкевіча.
Віцебскую гарадзкую арганізацыю АГП узначаліла вядомая ў горадзе актывістка
19 траўня дэлегаты гарадзкой канфэрэнцыі Аб’яднанай грамадзянскай партыі адзінагалосна абралі новага кіраўніка гарадзкой арганізацыі.
Журналіста Сяргея Русецкага аштрафавалі за выкананьне прафэсійных абавязкаў
22 траўня судзьдзя Кастрычніцкага суду Віцебску Алеся Жарыкава прызнала журналіста тэлеканалу «Белсат» вінаватым у вырабе і распаўсюдзе інфармацыі без акрэдытацыі.
У Віцебску прайшоў форум, які палепшыць жыцьцё людзей з інваліднасьцю
Цягам двух дзён, з 17 па 18 траўня, у Віцебску ў Лядовым палацы праходзіў маштабны міжнародны інтэграцыйны форум «Даступная праца i занятасьць для людзей з інваліднасьцю», які адбываўся ў межах «тыдня даступнасьці».
Віцебскі электрык прымусіў наймальніка пайсьці на міравую
Вяртаньне часткі прэміяў, кампэнсацыя адной зарплаты і зьмена фармулёўкі прычыны звальненьня ў працоўнай – вынік міравога пагадненьня паміж работнікам і наймальнікам – культурна-гістарычным комплексам «Залатое кальцо гораду Віцебску "Дзьвіна"».
Глыбоцкіх журналістаў аштрафавалі за відэасюжэт
Тацяну Смоткіну і Зьмітра Лупача суд прызнаў вінаватымі ў незаконным вырабе і распаўсюдзе прадукцыі СМІ. Незалежных журналістаў судзілі за сюжэт, паказаны на спадарожнікавым тэлеканале «Белсат», дзе апавядалася пра дом № 142 па вуліцы Леніна ў Глыбокім.
«Ты ж у нас не абалдуй – на газонах не паркуй!»: акцыя БХД у Віцебску
Віцебскія сябры «Беларускай хрысьціянскай дэмакратыі» распачалі кампанію за правільную паркоўку ў горадзе. Улёткі «Ты ж у нас не абалдуй – на газонах не паркуй!» разьмяшчаюцца пад дворнікамі машын, прыпаркаваных на газонах.